Isabulin 88
88
Akimonyo naka akote aking'arasit
Ekiruke. Ekiruke ka Isapa ka Kora. Nama kalo epolokiit ekiruke: Atupa ka Maalat Leanot. Amaskil ka Eman ajena ka Esra.
1Okwai Lokapolon Akuju kang', lokeyunan kang', amonyi eong' ng'ini paaran aking'arasit,
amonyakiit eong' ijo kware.
2Kiira akilip kang';
kiira akilip kang' naka akote aking'arasit!
3Ileleba icani noi akwana kang',
apu eong' atwanare.
4Imario eong' bala ni apu atwanare;
adaun agogong' kang' kere.
5Emuruokin eong' kanaka lukatwak bala lukepon kwarai, lu ejaasi atesin;
bala ng'ulu lu kinyeki ijo aking'arakiite kesi.
6Icakaki ijo eong' nama iduloro kaduyon,
alarosinoi nu irioko kiduloro.
7Inuyarit eong' anyunyura kon,
bobo icikakiito eong' kwap ikokoron kon kijokin.
8Iinaki ijo inyekinete eong' ipoupatin kang';
itarau ijo eong' kama kes ibore ni mam kitalakarit.
Agolokin eong' kotoma, bobo mam eong' kabeikiit amotar;
9apasata akonyen kang' akicana.
Ng'in paaran eworoe eong' ijo, Okwai Lokapolon.
Arwakiit eong' ijo akanin kang'.
10Isomakini ijo lukatwak aumosia kon?
Enyounete lukatwak akitur ijo?
11Inerai kuju ka amina kon kana emam esial kotoma ates,
kere de amunokina kon kama emudianarere itung'a?
12Etakanete aumosia kon kakirionus,
kere de ajokus kon kakwap kalu kepon kimuruokine?
13Konye eong', Okwai Lokapolon amonyakiit ijo;
ng'in taparacu ebunete alipasia kang' nama kon.
14Okwai Lokapolon, inyo icakaria ijo eong'?
Inyo ing'opikina ijo eong'?
15Ape kekiditeu kang', ecanakin eong' noi apiar atwanare;
esicana eong' akitisilaaro kon, adaun eong' cut.
16Adau eong' anyunyura kon; adau eong' akitisilaro kon na itukuriani.
17Irimokiito kesi eong' bala akaale apaaran kijokin;
imanakiito kesi eong' kang'olo wai.
18Iinaki ijo atikere ipoupatin kang' eng'erete eong',
akirionus nes bon epoupa kang'.
Currently Selected:
Isabulin 88: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
