Isabulin 60
60
Akilip kanuka alakuno
Nama kalo epolokiit ekiruke: Atupa ka Susan Edut. Amiktan ka Daudi; na autakinere eong' ka Aram-naaraim nepepe ka Aram-Soba, bobo na aria Yoab itung'a luko Edom aritai atomon ka iare ka ajelukot kanaka abalang'.
1Akuju, ing'ere ijo siong', bobo ilanya ijo siong';
idedeng'ari ijo nama kosi konye kipokona kobong'u nama kosi.
2Iinaki ijo akwap ijang'ajang'a, bobo itubu ijo akwap ang'aar;
kitang'aleu ajimii keng', naarai aika akibiror.
3Inaki ijo itung'a kon icanakinosi noi;
igatasi siong' bala kimerasi siong'.
4Ikwenya ijo ng'ulu lu kiyong'ito ijo,
tetere kesi ekuyete amudiaro.
5Koyuune siong' kapedor kon; kiira alipasia kosi,
tetere itung'a lu kiminasi ijo elakuno.
6Alomun ko otogo keng', atema Akuju,
“Abuni eong' akitiak Sekem kalakara
ka akorakin Ajelukot nako Sukot itung'a kang'.
7Erait Giliad na kang' nepepe ka Manase de;
Erait Efraim ekofia kang', Yuda erait ebela kang' loka apugan.
8Etosomae Moab bala abesen kang' na kilong'is,
acakakin eong' Edom amukan kang',
bala akitodiaret ebe erait nesi nakang'.
Kiituto itung'a luko Filisia ebe ebeikinete kesi eong'?”
9Ng'ai, Okwai Akuju ka ayari eong' toma ore lokapolon lo eng'opere?
Ng'ai kayari eong' Edom?
10Teni ing'ere ijo siong'?
Mam ijo kilomarete nenipe ka ajore kosi?
11King'araki siong' akitijii loka asurup kosi;
aking'arasit ka etung'anan emam adumunet apede.
12Kejii Akuju wai wok ilanyete oni;
ilanyi nesi ipading'atin wok.
Currently Selected:
Isabulin 60: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
