Isabulin 59
59
Akilip kanuka akidario
Nama kalo epolokiit ekiruke: Amiktam ka Daudi, na kiyakiara Saulo ikiliok akidar etogo keng' kanuka akiara nesi.
1Koyuune eong' kopading'atin kang', Akuju kang';
kidara eong' kamaka ng'ulu kalu elomikito eong'!
2Koyuune eong' kamaka itung'a kalukarokok ka ng'ulu;
koyuune eong' kamaka lukaarak ka ng'ulu!
3Kitee! Idarito kesi eong' akiyara;
etukonokinosi itung'a lu ededeng' akitong'olop eong'.
Mere kanuka aronus apede kere adiakar na esomate eong',
4kere kanuka adiakar kang' apede, Okwai Lokapolon,
nes iburuburata kesi alarosinoi kes.
5Konyou, Lokapolon Akuju loka Apedor kere, kobuni koyuune eong';
kwaanyu ijo elope, Okwai Akuju nako Israel!
Konyou bobo kitisila itung'a lukarokok;
mam akitodikin asyanut lukagwelanarak lukarokok!
6Ebong'unete kesi ebong'o, iremasi bala ing'okwo imanamanete ere lokapolon.
7Kiira araton kes nepepe ka akitukurian kes.
Eputosi ang'ajepa kes ka ileng'ia lukaujak kotoma akituke kes,
konye emunito kesi ebe emam ni epupi kesi.
8Konye ikwenar ijo kesi, Lokapolon;
ikwenar ijo lukarokok kere.
9Amunokiit eong' agogong' kon;
irait ijo nama ang'opitere eong', Okwai Akuju.
10Emina Akuju kang' eong' bobo ebuni nesi nama kang';
inyekini nesi kaanyu eong' ipading'atin kang' ilanyo.
11Mam akiyara kesi, Okwai Akuju, along'u imuruokin itung'a kang'.
Kisiarak kesi ka agogong' kon bobo kilanya kesi,
Okwai Lokapolon lokedaran kosi.
12Ejii aronus opono kes; akiro kes kere erait aronus;
kikamunosi kesi kopogi kes!
Kanu ilamiata kesi ka aking'ala,
13komudia kesi kanyunyura kon; komudia kesi cut.
Kokipone kang'olo ebuni ng'ini itwan ajenun ebe ipugae Akuju Israel,
ebe apugan keng' isiarakina akwap kere.
14Ebong'unete ipading'atin kang' ebong',
iremasi bala ing'okwo, emanete lokapolon,
15bala ing'okwo irimiete akote inyamen
ka akiruruma keng'eroto adumun inyamen lu ilesikina.
16Konye erukokini eong' kuju ka agogong' kon;
ng'ini taparacu erukokini eong' amina kon na emam esial keporoto kaloko kuju.
Irau ijo nama akeri eong' aking'op, nama eyeng'utere eong' kapakio kanuka ican.
17Keturi eong' ijo, lo kegang'it eong'.
Nama akeri eong' aking'op erait Akuju, Akuju lo kamina eong'.
Currently Selected:
Isabulin 59: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
