Isabulin 45
45
Ekiruke loka akitur ejakait komanyit
Nama kalo epolokiit ekiruke: Kwape ka ikorom. Amaskil ka Isapa ka Kora; ekiruke loka amina.
1Ipasara akiro nukajokak kotau kang',
ajeuni eong' ekiruke lo kanuka ejakait.
Eputosi ang'ajep kang' ka akalamut kalokegirigiran.
2Ibonotot ijo noi kokiliok kere; ebukokite asyanut opono kon;
kanuka ng'unu esulwanyik Akuju ijo ikaru kere.
3Koyenik ekileng' kon, ejakait loka agogong';
kotoma akibusesu kon ka ang'osibib.
4Kikunyak king'aren kotoma akibusesu kodumu akilanya
kanuka akidar adolite ka abeite!
Kinyek akan kon nako teten kisisiak ijo akitolot kojokan!
5Ekwaka ikojoi kon, edaadaete itawon ka ipading'atin kon;
eluronokinete ijo akwapin kakejen kon.
6Ebuni ajakaanut na ainak Akuju ijo akitoloto ikaru kere.
Ipugae ijo itung'a kon kadolite;
7imina ijo nu edolito bobo mam ijo kimina nukarokok.
Ng'ini nes atenikina aseuna Akuju ijo bobo abukoki nesi ijo alakara akilanya ejakait kere.
8Esaete inapen kon akinyet ka emira na ekukuny,
kirukokiito ijo lukerukok kotogoi kalu ilimite ka amugwar ka itomei.
9Apesur kijakaa nes aberu ace nuka ang'osibib nu isiriamete ijo,
ajakait de egwoi koteten kon, enapit nesi esawabu lo elae.
10Kiira Okwai akoku, nu enera eong',
kimuruok itung'a kon ka ajena kon.
11Atemelele kon nes einakini ejakait akimuite ijo;
erait nesi ejakait kon, kanuka ng'un itemokina ijo akiyong' nes.
12Einunete itung'a luko Taya ijo idutan;
itung'a lu ebarito cut
13ka abara kana egelegela.
Itenite enaga keng' kesawabu.
14Enapit nesi igoen keng' lu elaete noi eyaaro nesi nama ka ejakait,
ka abekon keng', nu inyamito nesi, ajaasi agari keng'.
15Eyaite kesi kotoma ailel nepepe ka alakara
elomete kesi otogo ka ejakait.
16Ijo, ejakait kang' ibuni ijo ajaikin ka isapa ipu lu ebunete
akirum icolong'o kes ka papa kus araun ijakaa,
bobo ibuni ijo akitaraun kesi lukepugak akwap kere.
17Ebuni ekiruke kang' akitoloto ajena kon ikaru kere,
bobo ng'ini itwan ituri ijo apakio kere nu ebuuto.
Currently Selected:
Isabulin 45: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
