Isabulin 39
39
Akimonyo kani icana
Nama kalo epolokiit ekiruke. Namaka Yedutun. Ekiruke ka Daudi.
1Abu eong' katema, “Abuni eong' acoikina ikamuut nu esomae eong'
bobo mam eong' kaisikini akituk kang' ainakin eong' asoma aronus;
mam eong' kalimuni ibore ipede ering'a itung'a lukarokok apete.”
2Abu eong' katau ti, mam kalimut akirot apede,
atikere kuju ka ibore kere kani ejokuna!
Konye abutu icani kang' kiyatakinosi,
3kosodi akiyalolong' akitelekaar eong'.
Ng'ini kere na awomowoma eong', nes eyatakinototor icani;
mam eong' apalikin aking'isenene:
4“Lokapolon, ajari eong' apak na etia ai? Iwori atwania eong'?
Kolimokine eong' iwori eng'etakinore akijar kang'.”
5Ituurian ijo koni akijar kang'!
Kakonyen kon mam apak kanga naka akijar kerait ibore.
Teni ng'ini ibore ni ejari mam eputosi ka akutar ka ekuwam,
6mam kilanyit etoribe.
Ng'ini ibore ni isomaete oni emam adumunet;
itukete oni abara, konye mam kijenete ng'ai edumuni.
7Lokapolon, inyena konye amunokin eong'?
Epiak eong' amuno kang' nama kon.
8Koyuune eong' karokusio kang' kere,
bobo mam aisikin ibang'aisik akwenare eong'.
9Atauni eong' ti, mam eong' kalimuni akirot,
naarai ijo nes kiinakini eong' ecanakin ekipone lo.
10Mam akisicana eong' bobo!
Apu eong' atwanare kanuka ikondei kon.
11Itisilari ijo arokusio kosi kakiretanakin kon,
bobo bala etapukan, imunauni ijo nu aminasi siong'.
Teni mam siong' kelanyito akutun ka ekuwam!
12Lokapolon, kiira akilip kang', bobo kopup akimonyo kang';
kobu king'arakine eong' na amonyia eong'.
Bala luka asonya kang' kere, arait eong' epejononi kon ka apak kana edit.
13Kinyekine eong' tetere ajaikinosi eong' ka alakara adiosi
ering'a eong' kaikara kasodi amamuun.
Currently Selected:
Isabulin 39: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
