Isabulin 149
149
Ekosio loka Akitur
1Kiturwoto Lokapolon!
Kirukokisi Lokapolon ekiruke lo itet;
kiturwoto nesi kotoma atuket kana etukokina itung'a keng' lu emunokina!
2Kolakara Israel kanuka Ekasuban kon;
kojaasi ka ailel, osi itung'a luko Sayon kanuka Ejakait kus!
3Kiturwoto ekiror keng' kakileje
korama atenuso ka adeudeun iturete osi nesi.
4Elakara Lokapolon ka itung'a keng';
einakini nesi lu iyapepera apedor naka akilanya.
5Kinyekisi itung'a ka Akuju kolakara kanu elanyiata kesi
bobo kirukoto ka aile akwaare kere.
6Kinyek kesi kocelutu cut iturete kesi Akuju,
ka ileng'ia kes lukaujak lu ekwaka kakanin kes
7kanuka akilanya akwapin
nepepe ka akitisilar itung'a
8ka akiyen ijakaa kes kinyororon,
ka akiyen lukayaitok kes kinyororon kaluka icumai;
9ka akitisilar akwapin kwape kicorakina Akuju.
Na nes akilanyo naka itung'a ka Akuju.
Kiturwoto Lokapolon!
Currently Selected:
Isabulin 149: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
