Isabulin 136
136
Ekosio loka Akiyalama
1Kiyalamikisi Lokapolon, naarai ejokuna nesi;
amina keng' erait naka ikaru kere.
2Kiyalamikisi lo epolo kamaka akujun kere;
amina keng' erait naka ikaru kere.
3Kiyalamikisi Lokapolon kamaka ijakaa kere;
amina keng' erait naka ikaru kere.
4Nesi bon nes isomae aumosia nukapolok noi;
amina keng' erait naka ikaru kere.
5Kacwaa keng' nes asubia nesi kuju;
amina keng' erait naka ikaru kere;
6abu nesi kodukoki akwap kuju ka akipi kanu ipu noi;
amina keng' erait naka ikaru kere;
7abu nesi kosub akolong' ka elapa;
amina keng' erait naka ikaru kere;
8kipugae akolong' paaran;
amina keng' erait naka ikaru kere;
9elapa ka akanyer kipugaete kware;
amina keng' erait naka ikaru kere.
10Abu nesi kwaara isapa lusodit luko Misiri;
amina keng' erait naka ikaru kere.
11Abu nesi kolemu itung'a luko Israel ko Misiri;
amina keng' erait naka ikaru kere;
12ka akani keng' kana icasit, kana ejaasi ka apedor;
amina keng' erait naka ikaru kere.
13Abu nesi kotiaka Akare Nakareng'an;
amina keng' erait naka ikaru kere;
14abu nesi koyaa itung'a keng' itorito neni;
amina keng' erait naka ikaru kere;
15konye abu nesi kojalaki kilikosi akipi ejakait loko Misiri nepepe ka ajore keng';
amina keng' erait naka ikaru kere.
16Abu nesi koyaa itung'a keng' itorito kesi moding';
amina keng' erait naka ikaru kere.
17Abu nesi kwaara ijakaa luka apedor;
amina keng' erait naka ikaru kere;
18abu nesi kwaara ijakaa lu ejenuna noi;
amina keng' erait naka ikaru kere;
19Sayon, ejakait loka itung'a ka Amori;
amina keng' erait naka ikaru kere;
20ka Og, ejakait loko Basan;
amina keng' erait naka ikaru kere.
21Abu nesi koinaki itung'a keng' amaata kes;
amina keng' erait naka ikaru kere;
22abu nesi kigwaaki kesi akanin ka Israel, lokejaanakinan keng';
amina keng' erait naka ikaru kere.
23Amam nesi abu kimuruok oni na elanyere oni;
amina keng' erait naka ikaru kere;
24abu nesi kolacaki oni ka akanin ka ipading'atin wok;
amina keng' erait naka ikaru kere.
25Einanakini nesi ng'in ibore ni ejari inyamen;
amina keng' erait naka ikaru kere.
26Kiyalamikisi Akuju loko kuju;
amina keng' erait naka ikaru kere.
Currently Selected:
Isabulin 136: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
