Isabulin 135
135
Ekosio loka Akitur Akuju
1Kiturwoto Lokapolon!
Kiturwoto ekiror keng', osi lukejaanakinak ka Akuju,
2lu igwoete ko Otogo ka Lokapolon,
ko Otogo ka Akuju wok.
3Kiturwoto Lokapolon naarai ejokuna nesi;
kiturwoto ekiror keng', naarai ejokuna nesi.
4Abu nesi koseu Yakobo araus lokeng',
itung'a luko Israel araus lukeng'.
5Ajeni eong' ebe epolo Lokapolon wok,
epolo adepar akujun kere.
6Isomae nesi nu ekote nesi asoma kokuju kiton kwap,
ka akaren nepepe ka akipi kere nu iduloro.
7Eyaunene nesi idowon luka akiru alomun kosial kakwap;
eyaunene nesi akiru na epolo noi,
bobo eyaunene nesi akaale kokiding' kakiruruma kidowon,
ka akutun ekuwam alomun kodula keng'.
8Ko Misiri abu nesi kwaara idwe kere lusodit ka ityeng' kere lusodit.
9Abu nesi kang'ina kisoma akitodiareta ka aumosia
kanuka akisicana ejakait ka ofisan keng' kere.
10Abu nesi komudia akwapin nu ipu
ka akiyara ijakaa luka agogong' noi:
11Siyon, ejakait loka itung'a kaluko Amori, Og, ejakait loko Basan,
nepepe ka ijakaa kere ko Kanan.
12Abu nesi koinaki itung'a keng' amaata kes;
abu nesi kigwaaki kesi akanin ka Israel.
13Lokapolon, ebunio akiturite ijo ng'in pak
ng'in auri ebuni akiitute ijo.
14Ebuni Lokapolon akigang' itung'a keng';
ebuni akisoni itung'a keng'.
15Akujun nu ka akwapin esubite ka epuesa ka esawabu;
ejeite kesi ka akanin ka itung'a.
16Ejaasi kesi akituke, konye mam kebeikinete ejori,
ejaasi ka akonyen konye mam kiteete.
17Ejaasi kesi ka akii konye mam kepupete mam cut kebeikinete akiyeng'a.
18Elipit eong' ng'ulu kere lu esubete akujun ka amunokiite kesi
koputokinosi ka kesi akujun nu asubata kesi!
19Kiturwoto Lokapolon, osi itung'a luko Israel;
kiturwoi nesi, osi isaseredootin ka Akuju!
20Kiturwoto Lokapolon, osi Ilebin;
kiturwoto nesi, osi kere lu imaete nesi!
21Kiturwoto Lokapolon ko Sayon, ko Yerusalem, ere keng'.
Kiruroto Lokapolon!
Currently Selected:
Isabulin 135: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
