Isabulin 114
114
Aumosia ka Akuju apaki naka alomar ko Misiri
1Na alomarata itung'a luko Israel ko Misiri,
na alomara auri ka Yakobo ka akwap kang'in kanaka ilong'au,
2abu Yuda korau itung'a ka Akuju lukalaunak,
abu Israel korau akwap keng' kelope.
3Abu Akare Nakareng'an kong'olek kosodi amotar;
abu Ang'olol nako Yordan kinyek alele.
4Abutu imoru lukapolok kicurokisi bala akinei;
abutu imoru lucik kosukotio bala imerekekin.
5Inyena kebuu kisomakin ijo Akare, nikiinakini ijo amotar?
Bobo ijo Yordan, inyo kinyekina ijo alele?
6Osi imoru lukapolok, inyo kicurototore osi bala akinei?
Osi imoru lucik, inyo kisukiata osi bala imerekekin.
7Kiceku, Okwai akwap koking'aren ka Lokapolon;
ka ajaus ka Akuju ka Yakobo,
8kalo ibelonokini amoru korautu abwalin nuka akipi,
ka akibelokin amoru nu icasito ka akitaraun icorin ka akipi!
Currently Selected:
Isabulin 114: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
