Isabulin 112
112
Alakara naka itwan kanikajokan
1Kiturwoi Lokapolon!
Erereng' itwan ni eyong'it Lokapolon,
ni elakara ayong'ite ikisila ka Lokapolon.
2Ebunete idwe ka itwan kanikajokan ajaus ka agogong' ka akwap;
isulwanyikino auri keng'.
3Ebuni ekale keng' akibar,
bobo ebuni nesi akitolot kojokan ikaru kere.
4Ebuni akolong' acakiite itung'a lukajokak ka akirionus,
ng'ulu lu ejaasi ka asianut, ng'ulu lu ejooka kalu isomaete nu itemokina.
5Ejaasi ka asulwany itwan ni ikopanakini itung'a emam kekote ibore ipede iyatakina kuju;
itwan ni isomae asoma keng' kokipone kalo edolit.
6Mam cut kilanyio itwan ni edolit,
ideun ng'ini iitunono nesi ikaru kere.
7Mam nesi kekuriana akiro nukarokok;
ejaasi nesi ka etau kalo icasit, bobo itee nesi Lokapolon Akuju.
8Icasit nesi ko otau, bobo mam nesi kekurianaar;
ebuni nesi anyun ipading'atin keng' ilanyio.
9Elemi nesi kalakakina, eleminikini nesi lukapalapalak;
ajokun keng' erait naka ikaru kere. Agogong' keng' itamao kayong'ite.
10Iteete lukarosio nu kosodete akadakin;
enyakaete ikial ekadakiito kosodete awoli,
nu ekote itwan nikarokusio edaunonosi along'u.
Currently Selected:
Isabulin 112: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
