Isabulin 111
111
Kanuka akiturite Lokapolon
1Kiturwoto Lokapolon!
Ketau kang' kere abuni eong' akiyalamikini Lokapolon katukot ka itung'a keng'.
2Epoloko noi nu isomae Lokapolon!
Ng'ulu kere lu elakara kanuka ng'unu ewomowomoete kuju kes.
3Ng'unu kere nu isomae nesi eyong'ite noi bobo epoloko noi;
adolite keng' erait naka ikaru kere.
4Mam Lokapolon kinyekini oni kimuruokisi asoma keng' nuka aumosia;
ejokuna nesi bobo ejaasi ka asianut.
5Einanakini nesi ng'ulu lu eyong'ito nesi inyamen;
mam cut nesi kimuruokini akitutuket keng'.
6Etodiki nesi itung'a apedor keng' kokipone kaloka ainakin kesi amaata nuka ilong'au.
7Kang'in ibore kani isomae nesi, emunokina nesi bobo edolit nesi;
acorasia keng' kere eraito nu munokina.
8Eraito kesi nuka apakio kere;
alemuno kesi kabeitee nepepe kadolite.
9Abu nesi kolakaki itung'a keng', kigwakini nesi akitutuket naka ikaru kere ka kesi.
Edolit nesi bobo ejaasi nesi ka agogong'
10Ekipone loka ajaus ka acoa erait akiyong' Lokapolon;
etubonokini nesi kokipone kalokajokan ng'ulu kere lu eyong'ito acorasia keng'.
Itemokina akiturite nesi ikaru kere.
Currently Selected:
Isabulin 111: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
