Isabulin 101
101
Akitumunikinet ka Ejakait
Ekiruke ka Daudi
1Ekiruke kang' erait kuju ka ayong'ara ka abeite,
bobo erukokiit eong' ijo, Okwai Lokapolon.
2Aricakini eong' elotete lo mam kejaasi ka arokusio.
Okwai, iwori ibunia ijo nama kang'?
Abuni eong' ayaite akijar nakajokan ko otogo kang';
3mam eong' cut kabuni akitolosite akitere ibore kijokin nikaronon.
Kakadakiito eong' arokusio ka itung'a kalukarokok.
Mam akiro kes kecamarosi ka eong'.
4Kolwanikina aronus kere kama kang';
mam cut kabuni akimoro ibore ipede nika aronon.
5Abuni eong' amudiar itwan kere ni esomi ipaduko keng' kang'opite.
Mam eong' kekanyete ka itwan kere nika epogi kicasite akou.
6Abuni eong' akitere ka amina ng'ulu lu emunokina ka akwap,
tetere ebunete kesi akiboi nenipe ka eong';
nesi ni elosi koroto kalo ideere nes ebuni akijaanakin eong'.
7Emam itwan kere ni isomae arokusio ebuni akiboi ko otogo kang';
emam iliokoi ebuni akitolosite akiboi kama eboya eong'.
8Ng'in paaran abuni eong' amudiar lukarokok kijokin kakwap,
abuni eong' amudiar lukarokok kere ko ore lokapolon ka Lokapolon.
Currently Selected:
Isabulin 101: TESOP
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS
