Matayo 16
16
1 #
Mat 12.38; Luk 11.16 Farisayoofi Sadukayoni gara isaa d'ufte aka sila ilaalattu, Akheekha gubba nu agarsiisi jed'aniini. 2Yesoni waan worraani jed'e, Yo aduuni d'iite galchuuni diimate, bori bokai irroobu jettani. 3Ammo diirama, Bokai irrooba jettani, waan dumansi guraatae d'ud'ufaeefi. Isaani waan gubba beetani, ammo akheekha bara kana gargari barachu imbeetani. 4#Mat 12.39; Luk 11.29 D'alooti hamani Waaqa didu kunini akheekha mama, barbaada akheekhi mama ka anini nama garsiisu injiru ka Yona male. Duuba akasi jed'e kae worra bira iti d'aabate.
Waan barsiisa bukho
(Mariko 8.14-21)
5Jari isaa gama galaanati taakinaani, qit'a fud'achu ded'ani. 6#Luk 12.1Yesoni waan worraani jed'e, Bukho Farisayootiifi ta Sadukayo eegad'a. 7Jennaani jari isaa woliini hasae waan jed'e, Nu qit'aani ind'umne. 8Yesoni waan kana beennaani waan jed'eeni, D'ugefachaani teesani waan diqo. Maafi hasooftani, Nu qit'a inqamnu jettani? 9#Mat 14.17-21 Ammalle inhubanne? Qit'a shanaani ka nami kunki shani nyaate inqaabatani? Ammalle dadu hagami ta hambaa guurtani? 10#Mat 15.34-38Yokhaani qit'a torbaani ka nami kunki afuri nyaate inqaabatani? Ammalle dadu hagani ta hambaa guurtani? 11Akami inhubanne re aka anini waan qit'a dubbachuti injirre? Bukho Farisayootiifi ta Sadukayo eegad'a. 12Jennaani aka inni bukho qit'a ta Farisayootiifi ta Sadukayo imbaaniini, ammo barsiisa Farisayootiifi ta Sadukayo eegad'a jed'eeni hubatani.
Petroni, Atini Kristo Yesoni jed'a
(Mariko 8.27-30; Luka 9.18-21)
13Duuba Yesoni lafa Kaisaria Filipi d'umnaani, jara isaa gaafate waan jed'eeni, Biyyiti, Ilmi Namatiini eennu jetti? 14#Mat 14.1-2; Mar 6.14-15; Luk 9.7-8Worri waan jed'eeni, Hagi toko, Yohana nama batisu jed'a, ka gari, Eliya jed'a, ka gari, Yeremia yokhaani raaga duri toko jed'a. 15Yesoni waan worraani jed'e, Ammo isani eennu naani jettani? 16#Yoh 6.68-69 Simoni Petroni waan jed'eeni, Atini Kristo, Ilma Waaqa jiruuti. 17Yesoni waan jed'eeni, Ayyaani keti, Simoni, ilma Yona. Nafafi d'iigi waan kana siti imullimne, ammo Abba kiyya ka gubba jiruti siti mullise. 18Anini siti hima: Maqaani ke Petro yokhaani d'akha, d'akha kana gubbati anini gumi tiyya ijaara. Dooti dandeete jabeenna isii indabsattu. 19#Mat 18.18; Yoh 20.23 Fura Finna gubba siti kenna; waan atini lafa tana keesati didde gubbaleti didani, waan atini lafati ee jette gubbaleti ee jed'ani. 20Jennaani Yesoni jara ergattu isaa ch'ufati seere, Aka anini Kristo nama tokoleti inhimina jed'eeni.
Yesoni waan duisa ufi dubbata
(Mariko 8.31—9.1; Luka 9.22-27)
21Eegi suni Yesoni diideese jara ufiti hime waan jed'eeni, Anini Yerusalemu d'aqu male. Harka jaaroletiifi qaalole gugurdotiifi jara Seera beekhutiini gaargala. Ammalle na ijeesani, guyya sadeeso kau male. 22Duuba Petroni kobati yaame waan jed'eeni, Waaqi si didinna, Aabbo. Wonti kuni tahu himmalle. 23Ammo Yesoni garagale waan jed'eeni, Na biraa deemi, Sheet'ana; atini na gufachiifta, heregi kanke ka nama male ka Waaqatiiniti.
Yesoni, ufi mormad'a jed'a
24 #
Mat 10.38; Luk 14.27 Jennaani Yesoni waan jara ufitiini jed'e, Yo nami tokoleeni na gula deemu fed'e ha ufi mormate, maskali ufi baate na gula deemuti. 25#Mat 10.39; Luk 17.33; Yoh 12.25Wonti akanatiifi nami jireenna ufi baasu fed'u ch'ufti ind'aba; ammo nami jireenna ufi naa jed'e balleesu inargata. 26Yo waan lafa ch'ufa argatani ammo jireenna ufii d'abani, maani namaa baati? Nami maani dandae gati jireenna ufiti baasa? 27#Mat 25.31; Far 62.12; Rum 2.6Ilmi Nama malaika ufi woliini guddinna Abbaatiini d'ufa, duuba nama ch'ufa huji isaa gula waan isaa male kennaafi. 28D'uguma, waan anini isaniini jed'u, Jara arma ejaanju kana keesa nama haga Ilmi Nama guddinna ufitiini d'ufuti indooneti jira.
Jijirama Yeso
(Mariko 9.2-13; Luka 9.28-36)
Currently Selected:
Matayo 16: BOR
Highlight
Share
Compare
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
