Matayo 15
15
1Jennaani Farisayoofi jari Seera beekhu Yerusalemu bahani gara Yeso d'ufani waan jed'aniini, 2Jari kanke maafi aada jaarole ch'absa? Hojja sagale nyaatu harka ind'iqatu. 3Yesoni waan worraani jed'e, Isani maafi aada teesani gula yaatani akasiini seera Waaqa ch'absitani? 4#Bah 20.12; 21.17; Qab-Ser 5.16; Law 20.9 Waaqi waan jed'e, Abbaafi haad'a tanteti saalfad'u; nama abbaafi haad'a ufi arabsu ha ijeesani. 5Ammo isani waan jettani, Yo nami abbaafi haad'a ufitiini, waan sila nara argattani yayu Waaqaa kennani jed'e, 6inni waan abba ufi saalfatuufi inqabu jettani. Tanaafi maro aada teesanitiifi yayu seera Waaqa ch'absitani. 7Isani kiyyibdoole! Isayani d'uga dubbate, gaafa waan keesani fage!
8 #
Isa 29.13
Biyyiti tunini afaanumaani na guddifti,
ammo garaani worra nara fago jira.
9Ufuma na yaamatani,
wonti akanatiifi barsiisa ufi keesa seera nama aka seera Waaqa barsiisani jed'e.
Waan nama t'ureesa
(Mariko 7.14-23)
10Jennaani Yesoni biyya ufiti yaame waan jed'eeni, Ch'aqasa, hubad'a. 11Wonti afaani nama keesa seene nama int'ureesitu, ammo waan afaani nama keesaa bahati nama t'ureesa.
12Jari Yeso gara isaa d'ufe waan jed'eeni, Farisayooni waan kana d'ageennaani ya dalante, beeta? 13Inni waan jed'e, Mukha Abbaani kiyya ka gubba inobriini ch'ufa imbuqisani. 14#Luk 6.39 Lakisa, worri balla. Yo nami ballaani balla d'ibiini deemu, worri lachu boola keesa bua. 15Jennaani Petroni, Mammaasa kana nu diigi jed'eeni. 16Yesoni waan jed'eeni, Isanileeni ammalle hubacha inarganne? 17Aka wonti afaani seene garaati dabarte gadi baatu imbeetani? 18#Mat 12.34 Ammo wonti afaani keesa baha, herega garaa keesaa d'ufti Duuba suniti nama t'ureesa. 19Garaa keesaa herega hamafi ijeechafi wolbarachaafi ch'abanumafi hannafi d'arafi arabati baha. 20Waan kanati nama t'ureesa. Ammo harka t'uritiini nyaachaani nama int'ureesitu.
D'ugefacha niiti toko
(Mariko 7.24-30)
21Yesoni achi kae lafa Tirotiifi Sidoni d'aqe. 22Niitiini gosa Kanaani toko iyaa d'ufte waan jetteeni, Ee Aabbo, Ilma Daudi, naa nahi, intala tiyya yayu jinniini aka hama qabatte. 23Ammo Yesoni woma deebisufi dide. Jari isa d'ufe waan jed'eeni, Niiti tana arma deemsisi, nu gula deemte nuti iyiti. 24Ammo Yesoni waan jed'eeni, Gara hooliye badde ta mana Israeli ch'allati na ergani. 25Ammo niitiini taani d'ufte isa durati jilbifatte waan jetteeni, Aabbo, na qarqaari. 26Yesoni waan jed'eeni, Sagale ijoolle duraa fuud'ani sare duraa buusitiini fullaaniti. 27Niitiini taani waan jetteeni, Sunini d'uga, Aabbo; ammo sareleeni hamba abba iraa jijiddu inyaatti. 28Jennaani Yesoni waan jed'eeni, Haato, d'ugefachaani tante waan guddo. Wonti atini feetu ha sii taatu. Duuba intalti isii hojuma suni fayyite.
Fayyisa nama heddu
29Yesoni achi deeme d'aatu galaana Galilaya dabre, gaara kore achi tae. 30Nami hedduuni isati d'ufe, naafafi ballafi farrafi duudafi nama d'ukuba gosa heddu Yesotiini d'ufani, jennaani inni worra fayyise. 31Tanaafi biyyiti duuda dubbatufi farra fayyufi naafa deemuufi balla lafa argu arginaani maadefatte, Waaqa Israeli guddifte.
Yesoni nama kunki afuri nyaachisa
(Mariko 8.1-10)
32Jennaani Yesoni jara ufi yaame waan jed'eeni, Anini biyya tanaa naha, waan isiini guyya sadi na woliini teete waan nyaatani d'abdeefi. Anini akanumati worra gadi d'iisu imfed'u, hegeri beelaani karaati gagabani. 33Jari isaa waan isaani jed'e, Sagale worra geetu lafa aloo tana keesa eesa argina? 34Yesoni waan worraani jed'e, Qit'a hagami qabdani? Worri, Nu qit'a torbaafi qurt'umi didiqo toko qamna jed'eeni. 35Yesoni biyyaani, Lafa tataa jed'e, 36qit'a torbaanifi qurt'umi guure, eegi galata deebise ch'ach'abse, jara isati kenne. Jari biyya dura naqe. 37Nami ch'ufti nyaate quufe, hamba dadu torba miju guurani. 38Nad'eeni ijoolle male, nami nyaate haga kunki afuriti.
39Duuba Yesoni biyyaani, Nagayati jed'e, hobolo keesa seene, gara lafa Magadani d'aqe.
Yesoni akheekha worraa kennu dida
(Mariko 8.11-13; Luka 12.54-56)
Currently Selected:
Matayo 15: BOR
Highlight
Share
Compare
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
