Yoeli 3
3
1AABBO Waaqi waan jed'u,
Gaafasi anini worra Yudatifi ka Yerusalemu
finnuma worraa dansa qarati deebisa.
2Anini gosa ch'ufa wolti baase,
Bale Qorsumatiini d'ufe,
achiti maro waan worri gumi tiyya tolchetiifi worra qora.
Worri worra Israeli lafa gosa d'ibiti gargari bitineese,
lafa tiyya ta Israelile gargari qoode.
3Worri hit'a buuse, gumi tiyya qoodate;
ijoolle d'iiratiifi ta dubrale aka tisse gurgurani,
sharmut'afi daad'iini bitatani.
4 #
Isa 14.29-31; 23.1-18; Yer 47.1-7; Eze 25.15—28.26; Amo 1.6-10; Sef 2.4-7; Zek 9.1-7; Mat 11.21-22; Luk 10.13-14 Maal naraa feetani worra Tirotiifi ka Sidonitiifi ka arda Filisti? Haalo na baafachu feetani? Yo isani haalo baafachu feetani, anini maro tokotu arrifad'e haalo isani baafad'a! 5Isani qarsifi worqi tiyya fud'attani waan guddo anini olkeyad'e ch'ufa maneeni waaqoota teesaniti geefattani. 6Isani ya worra Yudatifi ka Yerusalemule fageesitani gosa Grikiti gurgurtani. 7Anini ammatana lafa isani worra iti gurgurattani suni keesaa worra baase waan isani worra tolchitani isani tolcha. 8Anini ilmaani teesani ta d'iiratiifi ta dubrale worra Yudati gurgure, worrileeni gosa Sheba ta fago jirtuti gurgura. Nami dubbi tana jed'e ana, AABBO Waaqa.
9Dubbi tana gosa ch'ufati hima:
Had'iisa kurfefad'a;
nama duulaa wolti yaama;
nama keesani ka lolaale ch'ufa wolti yaama,
woma ineegiina, lola d'aqa jed'a.
10 #
Isa 2.4; Mik 4.3 Maraasha fuud'a, tumtuti geesa, ha goraade tumtuti;
haamtule fuud'a, iti geesa, ha woraana tumtuti.
Daafanaleeni ha janna ufiini jed'uti.
11Isani gochiti d'aatu jirtu tunini ch'ufti hurrisa koota,
artiti wolti baha.
Ee AABBO Waaqa, duula kanke ergi, worra had'i.
12Gochiti ha kurfoofte,
Bale Qorsumati d'uftu.
Achiti anini tae gosa d'aatu jirtu ch'ufa qora.
13 #
Mul 14.14-16,19-20; 19.15 Mid'aani ya bilchaatani;
haamtuuni haama.
Fullaani daad'i iti mid'aasani
ya mid'aani zabibutiini guutamte;
koota, mid'aani suni ch'ach'arasa.
Waan gochiti ch'ufti ch'ubbu guddo tolchiteefi,
worrale akuma mid'aani suni tolchani.
14Nami gumiini muumme inqamne
ya Bale Qorsuma keesati wolti bahe.
Achiti guyyaani AABBO Waaqaa d'ioti d'ufa.
15Adufi jiileeni dukanae,
urjini deebite inifsitu.
Aka Waaqi gumi isaati eebisu
16 #
Amo 1.2
AABBO Waaqi Sioni ira mandie lalaba;
qonqo isaa Yerusalemu keesati d'agayani;
lafafi gubbaleeni chochoote.
Ammo inni gumi ufii jabeese, worra Israeli qorqorata.
17Duuba isani aka anini AABBO Waaqa keesani,
ka gaara kiyya qulqullo Sioni ira tau, akasiini beetani.
Yerusalemuni dira qulqullo taha;
nami gosa d'ibi deebie had'e indabsatu.
18Gaafasi gaareeni mukha zabibu baaftu daad'iini iraa jidde,
kubile aanaani iraa lolaani;
lagi lafa Yuda ch'ufti iyyaa.
Madditi Mana Waaqa keesaa yaate
Bale Shitimuti naqati.
19Lafti Misiri lafa aloo taate,
lafti Edomuleeni lafa onte badde taati,
waan worri lafa Yuda had'e, nama worraa ka woma iyyakiiniti fit'eefi.
20-21Anini worra fit'ani suni haalo baasaafi,
Worra worra fit'e suni illakisu.
Ammo Yudafi Yerusalemu haga jiru jireenna
namati qubate keesa taa.
Anini, AABBO Waaqileeni,
gaara Sioni gubbati gala.
Borana Bible © Bible Society of Kenya, 2019.