Isaya 54
54
1 #
Gal 4.27
Ee Yerusalemu,
atini qara niiti maseena fakaata,
ammo ammatana gammadi, kobli sirbi.
Ammatana atini nad'eeni takaa d'iirsi
illakisini ira ijoolle heddu d'alta!
2Waaro atini iti galtu ballisi;
haada isii d'eerisi, d'isa isii jabeesi!
3Atini seera lafa teeti mirgaafi bitati hiifate,
nami keetileeni lafa gochiti d'ibiini amma keesa qubatu deefate,
dira amma bade ona tahe kana nami guuta.
4Insodaatini deebiani si inch'eersani,
yokhaani si indabsani.
Ch'eera kanke ka gaafa atini kaimatifi
ch'eekho atini aka haad'a hiyyeesaa teete deebite inqaabatu.
5AABBO Waaqi guddaani ka si uume d'iirsa si tahe,
Waaqi qulqullooni Israeli, ka lafa ch'ufa fidu, si baasa.
6Atini niiti kaima, ta d'iirsi lakise gaargala argatte laalefattu fakaata.
Ammo AABBO Waaqi ufiti si yaame,
si deebise waan siini jed'u:
7Haga diqa toko anini si lakise
ammo eege naasu guddooni si deefad'a.
8Anini maro dallansutifi
haga diqa toko fuula siraa deefad'e,
duuba eege jaalala ind'umanneeni si jaalad'a.
AABBO Waaqi, ka si baasu, akana siini jed'a.
9 #
Uum 9.8-17
Gaafa bara Nuhu kaani anini kakhad'e waan jed'e,
Anini deebie lafa bisaanini imballeesu,
ammatana anini aka deebie siti indallanne
yokhaani si ingaargalchine kakhad'a.
10Ato gaareeni chochoosani kubilele balleesani,
jaalalti anini isi jaalad'u ind'umatu,
anini kakhu tiyya ta nagaya haga jiru jireenna jabeesa.
AABBO Waaqi ka sii nahu akana jed'a.
Waan Yerusalemuni takaa tana taatu
11 #
Mul 21.18-21
AABBO Waaqi waan jed'u,
Ee Yerusalemu, dira qarqaarsa inqamne,
ka gaargala qabu,
ka nami tokoleeni ka garaa si jabeesu injirre,
anini yayaba kanke d'akha ch'uluqaani jaara.
12Doofi tante d'akha diima ch'uluqaani jaare,
fullo tantele d'akha bibiliquuni jaare,
naabo tantele d'akhaye ch'ululut'uni jaara.
13 #
Yoh 6.45
Anumati ilmaani tante barsiise nagayafi hormaata kenneefi.
14D'ugaani si jabeesani, nama si dabse si mudamsiisu jalaa si baasani.
15Yo nami d'ufe si had'e anini quba inqabu;
nami si had'u ch'ufti imbada.
16Anini tumtu ibida buufte woraana tumtu uume,
askarti woraana sunini nama ijeeftule uume.
17Ammo woraani tokoleeni dandae woma si intolchu;
nama si himatu ch'ufa waan jettuuni qabda.
Anini hojatu tiyya ch'ufaa kalche, waan ch'ufa worra dabsachiisa.
Dubbi tana AABBO Waaqati jed'e.
Aka Waaqi namaa nahu
Borana Bible © Bible Society of Kenya, 2019.