Isaya 53
53
1 #
Yoh 12.38; Rum 10.16 Gumiini waan isani jettu,
Eenuti d'aamsa keenna d'ugeefate?
Eenuti dandae waan AABBO Waaqi tolche waan kana keesati arga?
2Inni AABBO Waaqa durati akuma mukha late,
hiddi isaa lafa goddu keesati bahu jira.
Inni guddinnaafi mid'aaguma nu isani millannu inqabu,
wonti nami millate isaani jaalatu tokoleeni injirtu.
3Isa tufatani didani,
inni gaargalaafi d'ukubsachale obse.
Nami isa ilaalu injiru,
nuleeni isa tufanne womatu indarre.
4 #
Mat 8.17
Ammo inni gaargala keennafi
laalefacha nu sila argannu fud'ate.
Ammo nu hojja ch'ufa waan Waaqi gaargala suni isatini d'ufe seene.
5 #
1 Pet 2.24
Ammo maro daba keennatifi isa woraanani,
maro ch'ubbu teennatifi isaa d'aanani.
Maro gaargala isaatiifi nu nagaya arganne, maro d'aanicha isatifi nu fayyisani.
6 #
1 Pet 2.25
Nuuni ch'ufti aka hooliye banne,
abbu kara ufi gula bahe.
Ammo AABBO Waaqi ch'ubbu teenna ch'ufa isa ira kaye.
7 #
Mul 5.6
#Huji 8.32-33Isa aka hama dabsani gaargalchani,
ammo inni woma tokole indubbanne.
Inni akuma ilmaani hoola, ta qalma deemaninifi
akuma hoola rifeensa iraa ch'irani,
ch'allise ufumaa eje.
8Isa qabani, wollaala iti murani,
ijeechaa geesani.
Nami tokoleeni waan isa tolchani suni iyyaalle.
Isa maro daba gumi teennatifi ijeesani.
9 #
1 Pet 2.22
Ato inni takaa wollaala tolche d'ara indubbatinile,
worra ch'ubbu woliini isa awaalani
dureeyyi woliini isa irreesani.
10AABBO Waaqi waan jed'u,
Inni fed'i tiyya gula gaargale;
duisi isa sorio dabaani namaa araaramani.
Duuba akanaani inni lubbu bule ilmaani isa ch'ufa arge,
fed'iini tiyyaleeni isani guutamti.
11Eegi guddo gaargale inni deebie gammada argate,
aka gaargali isaa sunini wo namaa bahu beekha.
Hojattuuni tiyya dansaani,
ta guddo na gammachiiftu, ch'ubbu nama heddu fud'ata,
aninileeni maro isaatiifi worraa araarama.
12 #
Mar 15.28; Luk 22.37 Tanaafi anini fulla guddinna ta
hayyooti gugurdoni irre qabdu teetu isaa kenna.
Waan inni fed'i ufitini jireenna ufi
baase worra ch'ubbu woliini duefi.
Inni ch'ubbu nama heddu fed'ate,
ammalle aka ch'ubbu worra suni araaramanifi
Waaqa kad'ate.
Jaalala AABBO Waaqi Israeli jaalatu
Borana Bible © Bible Society of Kenya, 2019.