Isaya 14
14
1AABBO Waaqi ammalle gumi ufii ta Israeliti nahe, worra fohate, ka ufi tolfate, lafa isaani ta qara taaniti deebise, achiti worra qubsisa. Nami gosa d'ibileeni d'ufe worra woliini taa. 2Gochiti hedduuni worra Israeli qarqaarte, lafa AABBO Waaqi worraa kenneti deebifte, duuba achiti gochiti sunini tisse worra Israeliti taati. Worri duri worra Israeli boojie, amma worra Israeliti boojie, worra qara worra dabse mohata.
Aka hayyu Babiloni fulla Ekheraa geesani
3AABBO Waaqi gaargalaafi d'ukubsachaafi huji jajabdu worra Israeli hojachiisani ira hafuura baasafi. 4Hojja inni akasi tolchu worri ha hayyu Babiloni goyeese waan jed'u: Hayyuuni nama dabsu ya bade, deebie nama indabsu! 5AABBO Waaqi irre worra ch'ubbu ka lafa mohatu ya iraa hobaase, 6worri sunini qara dallansuuni biyya dabse, gosa dabsate sunile taka gaargalchu illakimne. 7Ammo amma tana lafti ch'ufti yayu nagaya argatte, nami ch'ufti gammadaani sirbuti jira. 8Mukha d'ed'eeraafi hind'eesi Lebanonileeni hayyu balleesani suni iraa gammada, wonti akanatiifi inni ya bade, nami amma deebie worra ch'iru injiru!
9Booliti ekhera kurfefachu jirti, aka hayyu Babiloni liqimsitu. Ekheraani nama duri lafa irati irre qabu ya wolmarte, ekheraani hayyootaa barch'uma ufi iraa kau jirti. 10Ekheraani sunini isa yaamte waan jettu, Atinileeni amma akuma keenna laafa! Nu amma ya nama takaa taane! 11Duri kiraari d'aaniti si faarsani, ammo amma tana atini yayu fulla ekhera tanaani baate. Atini sire raamo ira rafte woya hiifa uyifatta.
12 #
Mul 8.10; 9.1 Hayyu Babiloni, bakalcha ganama, atini yayu gubbaa gabuute! Atini duri gosa heddu dabsatte ammo amma tana yayu lafa si buusani. 13#Mat 11.23; Luk 10.15Atini garaa kanketi, Anini gubbati olgale, barch'uma kiyya, ka hayyuma, urji gubba ira taa jetta. Ammalle anini gaara mirga fulla iti wolwoldaani taa jetta. 14Anini fiit'e dumansa kore Waaqa gudda fakaad'a jetta. 15Ammo fulla boola Ekheraatini si d'ufani, hunda boola si buusani.
16Ekheraani si millate, si mamte waan jettu, Nami duri lafa chochoose hayyoota holachiise kana? 17Nami dira ch'ufa balleese lafa ch'ufa aloo tolche kanuma? Nami nama boojie, tokole baasu dide, d'uguma kana? 18Hayyooti lafaa ch'ufti irreesa ufi dadansa qabdi, 19ammo atini irreesa inqabdu, reefa kankele alaati gatani akanumati shama. Reefa askarti had'iisa keesati hobaate ya reefa kanke gubbaa naqani, woliini boola d'akhaati jissani, lafati d'id'iitani. 20Waan atini lafa tante balleesite, nama kanke fit'eefi, aka hayyoota d'ibi awaala dansa inargattu. Nami worra keeti, ch'ubbichi tokoleeni, ka bahu injiru. 21Maro ababooti ilmaani hayyu kana ch'ubbu tolchiteefi ilmaani isa tana ha fit'ani, ilmaani tunini tokoleeni lafa mohatte dira heddu injaaratu.
Aka Waaqi dira Babiloni balleesu
22AABBO Waaqi guddaani waan jed'u, Anini dira Babiloni had'e, balleese ona tolcha. Anini waan tokole inhambisu, namaafi ilmaani isanile. Dubbi tana ana AABBO Waaqati jed'e. 23Anini Babiloni ch'affa lafa tolche, urunguni iti galti. Anini Babiloni haraa waan ch'ufa haruuni hare balleesa. Dubbi tana ana, AABBO Waaqa guddati jed'e.
Aka Waaqi worra Ashuru balleesu
24 #
Isa 10.5-34; Nah 1.1—3.19; Sef 2.13-15 AABBO Waaqi guddaani yayu kakhu kakhate waan jed'e: Wonti anini herege inuma taati, wonti anini malad'e inhanqatu. 25Anini worra Ashuru lafa tiyya keesaa balleese, gaareeni tiyya gubbati ira ejaanjad'a. Anini worra kiyya qaampara worra Ashuru iraa baase ulfinna worri baatu iraa fuud'a. 26Kunini mala kiyya, ka anini lafa ch'ufati malad'e, kunileeni harka kiyya, ka anini d'eerefad'e gosa ch'ufaani gaargalchu. 27AABBO Waaqi guddaani ya waan kana herege; eenuti dandae isa d'owa? Inni harka ufi d'eerefate nama balleesu fed'a; eenuti dandae harka isaa keesa deebisa?
Aka Waaqi worra Filisti balleesu
28 #
2 Hay 16.20; 2 Od-dur 28.27 Ganna Ahazini due, Waaqi d'aamsa kana biyyati d'aame waan jed'e: 29#Yer 47.1-7; Eze 25.15-17; Yoe 3.4-8; Amo 1.6-8; Sef 2.4-7; Zek 9.5-7 Isani worri Filisti, waan uleeni isani d'oofte ch'abt'eefi ingammadina. Hojja bofi toko duu, ka hagasi ira hammaati fulla suni d'alata. Wonti bofi sunini d'alu bofa barisu. 30Nami nama ch'ufa ira hiyyeesa d'eeda argate, ka woma inqamne nagayaani taa. Ammo AABBO Waaqi beela hamtu isani worra Filistiti erge, nama tokole bahu d'owa.
31Laalefad'a, boha, dira Filisti ch'ufa! Isani ch'ufti mudama! Awaarti guddooni kaate mirgaa d'ufti. Awaarti sunini duula ka daafanani tokoleeni keesa injirre. 32Nama Filisti ka nuti ergani, maani jennaani? Woni nu jennuuni, AABBO Waaqi yayu Sioni jabeese jaare; nami isaa ka gaargala qabu achiti baqata.
Aka Waaqi worra Moabu balleesu
Borana Bible © Bible Society of Kenya, 2019.