2 Thesalonike 2
2
1 #
1 Thes 4.15-17
Waan d'ufiisa Aabbo keenna Yeso Kristotiifi woldeenna nu isa woliini wolwoldeennu: anini isani kad'ad'a, oboleyaani, 2aka iworere yokhaani indalanne, yo guyyaani Aabbo ya d'ufe jed'ani. Hegeri waan kana nama fage yokhaani ka barsiisuti jed'e, yokhaani nuti tatabe tana keesati t'aafa jed'anifa. 3Nami tokoleeni kara tokoleeni isani insobini. Guyyaani ind'ufu, haga Loli guddaani tahe Nami Hamaani ka fulla ibidati male mullatuuti. 4#Dan 11.36; Eze 28.2 Waan nami kad'atuufi ka nami guddisu ch'ufa inni indida. Inni waan ch'ufa ira ufi guddise, d'aqe Mana Waaqa keesa tae Waaqa ufiini jed'a!
5Inqaabattaniiyu? Waan kana ch'ufa anini ato isani woliini jiru isaniti hime. 6Ammo woiti waan kana amma tahu d'owa, isani waan suni inuma beetani. Yo hojjaani geete Hamaani suni imullata. 7Hameenni nami hubachu indandeenne amma lafa jira, ammo wonti tahu malte intaatu, haga namicha waan suni d'owu kara keesaa gorsaniti. 8#Isa 11.4 Jennaani Hamaani Suni mullate, Aabbo Yesoni hafuura afaani isaatiini isa ijeese, d'ufiisa isaa ka guddinnatiini lafaa isa balleesa. 9#Mat 24.24Hamaani Kaani jabeenna Sheet'anatiini d'ufe mamisa gosa heddutiifi akheekha d'ara aka heddu tolche, 10soba hedduuni worra badu soba. Maro d'uga worra baaftu jaalachu didaniifi badani. 11Maro waan kanatifi Waaqi badi hamtu worrati erga, aka waan d'ara d'ugefatani. 12Duuba namaama ind'ugefatiini, ka daba jaalatu ch'ufa, wollaala iti murani.
Baafamafi isanii fohatani
13Hojja ch'ufa maro teesaniifi Waaqaa galata deebisu malle, isani oboleyaani Aabbooni jaalatu. Wonti akanatiifi Waaqi haguma qara isani fohate, aka baafamtani, waan Lubbuuni isani qulqulleesite isani d'uga fud'attaniifi. 14Waaqi Odu Dansa ta nu isaniti hasoomneeni isani yaame; wonti inni isani yaameefi aka isani qooda guddinna Aabbo Yeso Kristo argattani. 15Tanaafi oboleyaani, jabaad'a, ejad'a, d'uga nu barsiisafi tatabe teenna keesaleti isani barsiimne qaabad'a.
16Aabbo Yeso Kristofi Waaqi Abba keenna, ka nu jaalate eeba ufitiifi jannooma hegerifi abdi dansa nuu kenne, 17garaa keesani jabeese isani kibina, aka waan dansa ch'alla dubbattani tolchitani.
Waaqa nuu kad'ad'a
Borana Bible © Bible Society of Kenya, 2019.