TSINGANU 13
13
1Mwana uli nu vusitsa ahulishitsanga mivaalo ka tata wewe;
navutswa mwana wi shihenye henye yambakhananga khuhulishitsa.
2Mundu mulahi atsilililanga khumenya vulahi khurulana khu lilomoloma lielie;
navutswa vandu vayaanza khukaata vikombanga
khukhola vindu viu khusalilitsa.
3Mundu wiyikalilanga mu lilomoloma alindanga vulahi vulamu vwevwe,
navutswa woyo wayaanza khwilomolominya aliitsa khwitivitsa mwene.
4Mundu mukaara yikombanga anyole shindu
navutswa avulakhu shianyala khunyola;
navutswa mundu wu kholanga mihinzilu ni tsingulu anyolanga vindu vinyishi.
5Mundu wi likhola liu vulunji wayambakhana makhuva ku vuvehi,
navutswa mundu mutamanu akholanga vindu vi tsisoni
khandi viu khwononyinya lira.
6Likhola liu vulunji lilindanga mundu uli nu mwiima mulahi,
navutswa vwoni vuchilanga mundu mutamanu ativitswa.
7Mundu mulala yikhola kholanga khuva muhinda,
navutswa nu mumanani;
navutswa wundi yikhola kholanga khuva mumanani,
navutswa ali ni miandu minyishi.
8Muhinda arumishilanga miandu chiechie khuhonyinya vulamu vwevwe,
navutswa shindu shivulakhuho shinyala khurishitsa mumanani.
9Mundu wi likhola liu vulunji yang'ang'anga khuli vulavu;
navutswa vandu vatamanu vali khuli itaaha itsitsanga khutsiminywa.
10Mundu wilola achilanga lilembana livaho,
navutswa vandu vahuchililanga khukhonywa inganakani vavetsanga nu vusitsa.
11Miandu chinyolekhanga vwangu vuchila khunyakhana chiliitsa khuvwa,
navutswa mundu unyolanga shiti shia khase khosi
aliitsa khuva navio mu vunyishi.
12Lisuuvilitswa liakharweshitswa, lisalilitsanga mwoyo,
navutswa lienya lirweshitsangwa lili khuli musala ku vulamu.
13Mundu wambakhananga khukhonywa inganakani mwene yitivitsanga,
navutswa woyo uheetsanga malako luyali aliitsa khurungwa shihanwa.
14Mechitso ka vandu vali nu vusitsa kali khuli shirula shiu vulamu;
khu mundu avuli khukwa mu mireeko chi likhutsa.
15Mundu mucheli aheelwangwa luyali,
navutswa mundu unyala khuvula khusuuvililwa yilerelanga mwene litivitswa.
16Mundu wacheliha akholanga shia shindu khuvirila mu vucheli,
navutswa mundu muyiingwa yimanyinyanga khuva nu vasilo havulavu.
17Murumwa mutamanu achilanga vandu vakwa mu vutiinyu,
navutswa murumwa musuuvilwa achilanga khuvaho ni lihonyinywa.
18Mundu wambakhananga khulonda mivaalo
akwitsanga mumanani khandi anyola tsisoni,
navutswa woyo uhuchililanga khuchelihitswa aheelwangwa luyali.
19Mundu nanyoli shia yenyanga, ayaanzitsanga;
navutswa ni shifwavi khu vandu vayiingwa khulekha khukhola vutamanu.
20Mundu uchendanga na vandu vali nu vusitsa anyolanga vusitsa,
navutswa mulina wa vandu vayiingwa aliitsa khutivitswa.
21Vutiinyu vulondelelanga vandu vooni shia havundu hosi,
navutswa vandu vi likhola liu vulunji valiitsa khurungwa vindu vilahi.
22Mundu mulahi aliitsa khuva ni miandu chialiitsa khurichila vakuuka veve,
navutswa miandu chia vandu vooni chiliitsa khuvishilwa vandu vi likhola liu vulunji.
23Milimi chia vamanani chiamanga viraakwa vinyishi,
navutswa vikoranga khuvirila munjila indamanu.
24Mundu wambakhananga khushuta mwana wewe ni shivoko ashili khumuyaanza;
navutswa woyo wamuyaanza, amuchelihitsanga vwangu.
25Mundu wi likhola liu vulunji ali ni vinyishi viu khulia nu khwikura;
navutswa shia khase khosi vandu vatamanu vahulilanga inzala.
Currently Selected:
TSINGANU 13: LLLPRO
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013