MIKA KUKHURAANJILILA
KUKHURAANJILILA
Muprofeti Mika yilwatsa himbi mumatukhu malala ka Muprofeti Isaya yaliho khumuhika (750-700 KNK). Milwatso keke kichoma khu vandu vamenyanga mu vwamihi khuluveka luli ikuvanda, nululi lusomo lwa Yuda. Mika alolekhanga khuli yali mwechi wa Isaya. Yali wamenya mu litaala lia Moreshetsi, khuluveka luli ikuvanda imbo wa Yerusalemu. Liiva lialiho mumatukhu ki limenya liu muprofeti uyu, liahandikwa mu shitabu yishi mu miliango chiranu chiu khuraanga. Yilwatsa ndi litaala lia Samaria, liali nilili litaala likali mu vwamihi khuluveka luli ivuluka, nululi lusomo lwa Israeli, liliitsa khuseerwa nu khukumilwa. Yali ni lisuuvila khandi ndi vwamihi vwa Yuda vuliitsa khuvirila mu matiinyu malala mele. Yalomoloma khandi khuli Litempeli liliitsa khupomolwa, shindu shia vandu vali nivashili khukanakanakhu shinyala khwikholekha. Khulondokhana khu milwatso keke, Mika yalomoloma nu vululu khushila muno khu vimilili va vandu, vahinda, vamihi, vakhalachi, vasalisi nende vaprofeti, vakholelanga vandu vindu vitamanu.
Makhuva malala ki tsingulu kanyala khuvoolwakhu khushila muno ni makhuva khulondokhana khu lilaaka lialiho ndi milembe chiliitsa khuva mu shivala lwa Nyasaye mwene aliitsa khwamiha (4:1-4); khandi khu Mwami uliitsa khwitsa khurula Betselehemu, kahandikwa mu Lilakano Liyia (Mika 5:4; heenza Matayo 2:6 khandi Yohana 7: 42) nende makhuva kandi ki tsingulu mu Shitabu shia Mika 6:8, kavoolanga ndi shiu Mwami Nyasaye yenyanga ni yishi, “Ukhole makhuva ku vulunji, ukhole malahi, khandi umenye mu vwichehitsi na Nyasaye wowo.”
Kalimu Muvwimbi
Likhalachilwa lia Israeli nende Yuda 1:1—3:12
Likalushilwa nende Milembe 4:1—5:15
Likhuva liu Khuchelihitswa nende Lisuuvilitswa 6:1—7:20
Currently Selected:
MIKA KUKHURAANJILILA: LLLPRO
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013