LITSUSHITSWA KUKHURAANJILILA
KUKHURAANJILILA
Shitabu shi Litsushitswa, shiarechekhwa na makhuva kahandikwa vulahi vwene, ka Musa yalomoloma khu Vaisraeli, nivamenyanga Moabu, lwa vali nivamali luchendo lwavo luraambi lu mu shiangalangwi, khandi nivali himbi khwinjila khumenya mu shivala shia Kanaani.
Vindu vikali vilala viamanyikhana vulahi muno viahandikwa mu shitabu yishi, navio yivi: (1) Musa yitsushitsanga vindu vikali muno viakholekha mihika makhomi kane nichiakhavira. Asayanga vandu nivayaanza vitsushitsi khuli Nyasaye yavimilila khukhalakanyila mu shiangalangwi khandi valonde malako ka Nyasaye nu khuva vasuuvilwa khuye. (2) Musa yakalushila mu Malako Likhomi khandi yivaalanga vulahi vwene shivune shi Lilako Liukhuraanga, liu khwenya vandu khwihaana nu mwoyo kwosi khu Mwami Nyasaye wonyene. Atsilililanga khukalushila mu malako kandi lukanu ku khwimilila Vaisraeli mu limenya liavo mu shivala shialaakwa. (3) Musa yitsushitsanga vandu shivune shi lilakano lia Nyasaye yakhola navo, nu khwenya vatsililile khwihaana vuyia khukhola ka lilakano lienelo lienyanga. (4) Yoshwa umali khurovolwa khuva mwimilili ulondakhu wa vandu va Nyasaye. Lwa Musa yali niyakhimba lwimbo lu khwikhoyela Nyasaye khuli ali musuuvilwa, khandi niyakhakasitsa vandu vi tsimbia tsia Israeli, yakhutsila mu shivala shia Moabu, khuluveka luli ivukwi wu Muchela kwa Yorodani.
Lichomo likali mu shitabu yishi lili ndi Nyasaye wahonyinya khandi wakasitsa vandu veve vayarovola, va yali niyayaanza. Vandu veve khutukha vamanye ndio, khandi vamuyaanze nu khulonda malako keke, khu vatsililile khuva mwoyo nu khutsililila khukasitswa.
Tsimbaso tsiamanyikhana vulahi vwene muno mu shitabu yishi nu muliango kwa 6:4-6; natsio tsili na makhuva ka Yesu yalaanga lilako likali liene mu malako koosi: “Uyaanze Mwami Nyasaye, uli Nyasaye wowo nu mwoyo kwokwo kwosi, ni liiva liolio liosi, khandi ni tsingulu tsiotsio tsiosi.”
Kalimu Muvwimbi
Makhuva ka Musa Yaraanga khulomoloma 1:1—4:49
Makhuva ka Musa Yalomoloma lwa Khavili 5:1—26:19
a. Malako Likhomi 5:1—10:22
b. Malako, Makhuva Katushili Khulondwa nende Lichelihitswa 11:1—26:19
Mivaalo Kukhwinjila mu Shivala shia Kanaani 27:1—28:68
Lilakano Liakholwa Vuyia 29:1—30:20
Makhuva ka Musa Yalomoloma Lukhumalilikha 31:1—33:29
Likhutsa lia Musa 34:1-12
Currently Selected:
LITSUSHITSWA KUKHURAANJILILA: LLLPRO
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013