AMOSI 8
8
Malolo khu Matunda mu shikabu
1Mwami Nyasaye yamanyinya malolo kandi. Nalola mu malolo kenako shikabu, nishilimu na matunda ku mu shimiyu. 2Nalwo lwa Mwami Nyasaye yambolela, “Amosi, ni shina shiuloli?” Namuchipa, “Matunda ku mushiuvwi mu shikabu.” Mwami Nyasaye yambolela,
“Shiheeli shimali khutushila vandu vaanje Israeli;
mbulakhu khuli nyala khutsililila khwikhutsila vutamanu vwavo.
3Khulitukhu lienelo, tsinyimbo tsia vimbanga mu Litempeli
tsiliitsa khukwa tsiu khwikhula;
vandu vanyishi valiitsa khukhutsa;
mivili chiavo chiliitsa khusalanyinywa shia havundu hosi.
Inzi Mwami Nyasaye mali khuvoola.”
Khuli Nyasaye Aliitsa Khutivitsa Israeli
4Muhulishitsi, munyi vamunyashitsanga vandu vavula khwavatiila,
nu munuula vamanani vindu viavo,
5numuvoola,
“Litukhu liu Mweli Khwilavushitsa Vuyia liliitsa khuvwa lina,
khulu khwenya khukuulitsa imu;
litukhu li Lisabato khu khuhaane inganu yu khukuulitswa,
nu khuchehitsa shipimu, khumeeta vukuuli
nu khurumishila tsilaatili tsiu vuvehi;
6khandi khukuula ni ifetsa vindu via vamanani,
khandi vateteshele ni vilaaro,
nu khukuulitsa indakala yi inganu?”
7Mwami Nyasaye, uli Nyasaye wa Israeli umali khwisuuha,
“Toto, shinzitsanga khwivililakhu vikholwa vienyu vitamanu tawe.
8Shivala shiliitsa khutechela shichila vikholwa vienyu vienevo,
shia mundu wosi wumenyanga mushio aliitsa khwikhula;
shivala shiosi shilitsa khwinuya nuya khuli Muchela kwa Naili,
kuliitsa khusumeela nu kukhaama
khuli Muchela kwa Naili mu shivala shia Misri.”
9Mwami Nyasaye avoolanga,
“Khulitukhu lienelo, niitsa khukhola liuva khuyeela mu mavwevwe,
khandi shivala mwaama mbasu mululu nu kwakhanga.
10Niitsa khukhola matukhu ki milukha chienyu
khukwa ku khwikhula,
tsinyimbo tsienyu tsiosi khukwa tsia maliika;
muliitsa khwifwala tsinguvu tsia makunia,
nu khuveeka liswi khu mirwi chienyu
khumanyinya ndi muli nu vuveleli mu mioyo,
khuli mundu yikhulanga mwana wewe wonyene
wayayaanza muno.
Litukhu lienelo liliitsa khuva litamanu mulimalilikha!”
11Mwami Nyasaye avoolanga,
“Matukhu kali himbi khutukha
lwa niitsa khuruma inzala mu shivala;
ni kilikali, iliitsa khuvula khuva inzala yu khulia,
inoho yu khung'wa matsi;
navutswa iliitsa khuva inzala yu khwenya
khuhulila makhuva ku Mwami Nyasaye.
12Vandu valiitsa khuhuya huya shia havundu hosi
khuraanjila khu inyanza khutukha khu inyanza yindi,
khandi khuraanjila ivuluka khutukha ivukwi;
valiitsa khwilukhaka iyi neyo,
khwenya khuhulila likhuva liu Mwami Nyasaye;
navutswa valiitsa khuvula khulinyola.
13“Khulitukhu lienelo, khali vakhana vakaasa likoondo nende vayayi vavukha
valiitsa khushiinda shichila vuluhu vwa matsi.
14Yavo visuuhanga khu nyasaye wu vuvehi wi litaala lia Samaria,
nivavoola, ‘Munyi vandu vuluhia lwa Dani,
khwisuuhanga khu nyasaye wenyu uli mwoyo,’
nivavoola, ‘Munyi vandu vi litaala lia Beresheba,
khwisuuhanga khu nyasaye wenyu.’
Voosi valiitsa khutivitswa, valikora vutswa.”
Currently Selected:
AMOSI 8: LLLPRO
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013
AMOSI 8
8
Malolo khu Matunda mu shikabu
1Mwami Nyasaye yamanyinya malolo kandi. Nalola mu malolo kenako shikabu, nishilimu na matunda ku mu shimiyu. 2Nalwo lwa Mwami Nyasaye yambolela, “Amosi, ni shina shiuloli?” Namuchipa, “Matunda ku mushiuvwi mu shikabu.” Mwami Nyasaye yambolela,
“Shiheeli shimali khutushila vandu vaanje Israeli;
mbulakhu khuli nyala khutsililila khwikhutsila vutamanu vwavo.
3Khulitukhu lienelo, tsinyimbo tsia vimbanga mu Litempeli
tsiliitsa khukwa tsiu khwikhula;
vandu vanyishi valiitsa khukhutsa;
mivili chiavo chiliitsa khusalanyinywa shia havundu hosi.
Inzi Mwami Nyasaye mali khuvoola.”
Khuli Nyasaye Aliitsa Khutivitsa Israeli
4Muhulishitsi, munyi vamunyashitsanga vandu vavula khwavatiila,
nu munuula vamanani vindu viavo,
5numuvoola,
“Litukhu liu Mweli Khwilavushitsa Vuyia liliitsa khuvwa lina,
khulu khwenya khukuulitsa imu;
litukhu li Lisabato khu khuhaane inganu yu khukuulitswa,
nu khuchehitsa shipimu, khumeeta vukuuli
nu khurumishila tsilaatili tsiu vuvehi;
6khandi khukuula ni ifetsa vindu via vamanani,
khandi vateteshele ni vilaaro,
nu khukuulitsa indakala yi inganu?”
7Mwami Nyasaye, uli Nyasaye wa Israeli umali khwisuuha,
“Toto, shinzitsanga khwivililakhu vikholwa vienyu vitamanu tawe.
8Shivala shiliitsa khutechela shichila vikholwa vienyu vienevo,
shia mundu wosi wumenyanga mushio aliitsa khwikhula;
shivala shiosi shilitsa khwinuya nuya khuli Muchela kwa Naili,
kuliitsa khusumeela nu kukhaama
khuli Muchela kwa Naili mu shivala shia Misri.”
9Mwami Nyasaye avoolanga,
“Khulitukhu lienelo, niitsa khukhola liuva khuyeela mu mavwevwe,
khandi shivala mwaama mbasu mululu nu kwakhanga.
10Niitsa khukhola matukhu ki milukha chienyu
khukwa ku khwikhula,
tsinyimbo tsienyu tsiosi khukwa tsia maliika;
muliitsa khwifwala tsinguvu tsia makunia,
nu khuveeka liswi khu mirwi chienyu
khumanyinya ndi muli nu vuveleli mu mioyo,
khuli mundu yikhulanga mwana wewe wonyene
wayayaanza muno.
Litukhu lienelo liliitsa khuva litamanu mulimalilikha!”
11Mwami Nyasaye avoolanga,
“Matukhu kali himbi khutukha
lwa niitsa khuruma inzala mu shivala;
ni kilikali, iliitsa khuvula khuva inzala yu khulia,
inoho yu khung'wa matsi;
navutswa iliitsa khuva inzala yu khwenya
khuhulila makhuva ku Mwami Nyasaye.
12Vandu valiitsa khuhuya huya shia havundu hosi
khuraanjila khu inyanza khutukha khu inyanza yindi,
khandi khuraanjila ivuluka khutukha ivukwi;
valiitsa khwilukhaka iyi neyo,
khwenya khuhulila likhuva liu Mwami Nyasaye;
navutswa valiitsa khuvula khulinyola.
13“Khulitukhu lienelo, khali vakhana vakaasa likoondo nende vayayi vavukha
valiitsa khushiinda shichila vuluhu vwa matsi.
14Yavo visuuhanga khu nyasaye wu vuvehi wi litaala lia Samaria,
nivavoola, ‘Munyi vandu vuluhia lwa Dani,
khwisuuhanga khu nyasaye wenyu uli mwoyo,’
nivavoola, ‘Munyi vandu vi litaala lia Beresheba,
khwisuuhanga khu nyasaye wenyu.’
Voosi valiitsa khutivitswa, valikora vutswa.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013