AMOSI 9
9
Likhalachilwa li Shivala shia Israeli
1Nalola Mwami Nyasaye nasinjile himbi ha vwaali, navoola,
“Tuuya tsirilu khutukha lwi misinji chiavwo chinuya nuya;
menekanyinya tsirilu tsienetso khutukha
lwa tsikwila vandu khu mirwi chiavo;
niitsa khwiira ni shivavi yavo varikala.
Mundu avulakhuho khali mulala uliitsa khwihonolokha,
ni kilikali, mundu avulakhuho uliitsa khwilukha.
2Khali niiva valimanga nivinjila mu shihatisi,
niitsa khuvarulitsamu;
khali niiva vaninanga nivatsia mwikulu,
niitsa khuvaruula hasi.
3Khali niiva vayivisa vene khu vutoonje vwi Shikulu shia Karameli,
niitsa khuvakhavayo nu khuvavukula.
Khali niiva vanzivisa khutsia hasi hene hi inyanza,
naho ha niitsa khuhaanila lilako,
inzukha yu mu inyanza ivalume.
4Khali niiva vatsiku vavo valiitsa khuvahila mu vuhaambe,
niitsa khuhaanilayo lilako liu khwiirwa ni shivavi.
Niitsa khuvaheenzishitsa
khuvakholela vindu vitamanu, navutswa vilahi tawe.”
5Mwami Nyasaye, uli Nyasaye wi Mikaanda Chiliihe,
neye utiilanga khulilova niliyekukha,
khukhola vandu voosi vamenya mulio khwikhula,
khandi shivala shiosi shichinguukha khwikha hasi,
nu khwiyinikha khuli Muchela kwa Naili kuli Misri.
6Mwami Nyasaye wayumbakha hango hehe mwikulu,
khandi wakhunikha lilova na malesi.
Alaanganga matsi ki inyanza,
nakhuvitsa imbula khulilova liumakanu.
Lira lielie nu Mwami Nyasaye!
7Mwami Nyasaye avoolanga,
“Munyi Vaisraeli, shiumuli khwinzi khuli Vaetsopia tawe?
Shiali ninzi warulitsa Israeli mu shivala shia Misri,
Vafilisti khurula Kurete
khandi Vasiria khurula Kiru?
8Inzi Mwami Nyasaye mbenzanga khulola vwami vukholanga vwoni;
khandi niitsa khuvutivitsa khulilova;
nikhali shinganakananga niitsa khutivitsa vandu vi inzu ya Yakobo tawe.
Inzi Mwami Nyasaye mali khuvoola.”
9“Loli! Niitsa khuhaana lilako,
nu khutechelitsa Vaisraeli mu vandu vi tsimbia tsindi tsiosi,
khuli mundu yilulanga imu khu luteelu,
navutswa imu indala iliitsa khuvula khuroonya hasi.
10Voni voosi mu vandu vaanje valiitsa khwiirwa ni shivavi,
yavo vavoolanga, ‘Matiinyu shikanyala khukhukwila
inoho khukhutivitsa tawe!’ ”
11Mwami Nyasaye avoolanga,
“Litukhu lili himbi khutukha lwa niitsa khuhenula vwami vwa Daudi,
vulolekhanga khuli inzu yayongovela yapomolwa.
Niitsa khumbakha vuyia masisi kavwo,
khandi vukalushitsi khuli vwavetsanga.
12Vaisraeli valiitsa khuvukula shivala shiarikala shia Edomu
khandi vandu vi tsimbia tsiali tsianje tsiosi.
Niitsa khukhola kenako.
Inzi Mwami Nyasaye mali khuvoola.
13“Ni kilikali, matukhu kali himbi khutukha,
lwa mundu ulimanga aliitsa khuvira muchesi,
khandi matunda ki misabibu
kaliitsa khwama vwangu khuvira idivai ilombwakhu.
Vikulu viliitsa khurundukha idivai inuulu
khandi iliitsa khusuundukha khu vikulu.
14Niitsa khukalushitsila Vaisraeli shivala shiavo,
navo valiitsa khumbakha vuyia mataala kapomolwa khumenyamu;
valiitsa khuraaka misabibu mu milimi chiavo
nu khung'wa idivai yachio,
valiitsa khuraaka viraakwa mu milimi
nu khulia viraakwa vienevo.
15Niitsa khukhola vandu vaanje khumenya mu shivala shia navaha;
valiitsa khuvula khukhungwamu khandi.
Inzi Mwami Nyasaye, uli Nyasaye wenyu mali khuvoola.”
Currently Selected:
AMOSI 9: LLLPRO
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013
AMOSI 9
9
Likhalachilwa li Shivala shia Israeli
1Nalola Mwami Nyasaye nasinjile himbi ha vwaali, navoola,
“Tuuya tsirilu khutukha lwi misinji chiavwo chinuya nuya;
menekanyinya tsirilu tsienetso khutukha
lwa tsikwila vandu khu mirwi chiavo;
niitsa khwiira ni shivavi yavo varikala.
Mundu avulakhuho khali mulala uliitsa khwihonolokha,
ni kilikali, mundu avulakhuho uliitsa khwilukha.
2Khali niiva valimanga nivinjila mu shihatisi,
niitsa khuvarulitsamu;
khali niiva vaninanga nivatsia mwikulu,
niitsa khuvaruula hasi.
3Khali niiva vayivisa vene khu vutoonje vwi Shikulu shia Karameli,
niitsa khuvakhavayo nu khuvavukula.
Khali niiva vanzivisa khutsia hasi hene hi inyanza,
naho ha niitsa khuhaanila lilako,
inzukha yu mu inyanza ivalume.
4Khali niiva vatsiku vavo valiitsa khuvahila mu vuhaambe,
niitsa khuhaanilayo lilako liu khwiirwa ni shivavi.
Niitsa khuvaheenzishitsa
khuvakholela vindu vitamanu, navutswa vilahi tawe.”
5Mwami Nyasaye, uli Nyasaye wi Mikaanda Chiliihe,
neye utiilanga khulilova niliyekukha,
khukhola vandu voosi vamenya mulio khwikhula,
khandi shivala shiosi shichinguukha khwikha hasi,
nu khwiyinikha khuli Muchela kwa Naili kuli Misri.
6Mwami Nyasaye wayumbakha hango hehe mwikulu,
khandi wakhunikha lilova na malesi.
Alaanganga matsi ki inyanza,
nakhuvitsa imbula khulilova liumakanu.
Lira lielie nu Mwami Nyasaye!
7Mwami Nyasaye avoolanga,
“Munyi Vaisraeli, shiumuli khwinzi khuli Vaetsopia tawe?
Shiali ninzi warulitsa Israeli mu shivala shia Misri,
Vafilisti khurula Kurete
khandi Vasiria khurula Kiru?
8Inzi Mwami Nyasaye mbenzanga khulola vwami vukholanga vwoni;
khandi niitsa khuvutivitsa khulilova;
nikhali shinganakananga niitsa khutivitsa vandu vi inzu ya Yakobo tawe.
Inzi Mwami Nyasaye mali khuvoola.”
9“Loli! Niitsa khuhaana lilako,
nu khutechelitsa Vaisraeli mu vandu vi tsimbia tsindi tsiosi,
khuli mundu yilulanga imu khu luteelu,
navutswa imu indala iliitsa khuvula khuroonya hasi.
10Voni voosi mu vandu vaanje valiitsa khwiirwa ni shivavi,
yavo vavoolanga, ‘Matiinyu shikanyala khukhukwila
inoho khukhutivitsa tawe!’ ”
11Mwami Nyasaye avoolanga,
“Litukhu lili himbi khutukha lwa niitsa khuhenula vwami vwa Daudi,
vulolekhanga khuli inzu yayongovela yapomolwa.
Niitsa khumbakha vuyia masisi kavwo,
khandi vukalushitsi khuli vwavetsanga.
12Vaisraeli valiitsa khuvukula shivala shiarikala shia Edomu
khandi vandu vi tsimbia tsiali tsianje tsiosi.
Niitsa khukhola kenako.
Inzi Mwami Nyasaye mali khuvoola.
13“Ni kilikali, matukhu kali himbi khutukha,
lwa mundu ulimanga aliitsa khuvira muchesi,
khandi matunda ki misabibu
kaliitsa khwama vwangu khuvira idivai ilombwakhu.
Vikulu viliitsa khurundukha idivai inuulu
khandi iliitsa khusuundukha khu vikulu.
14Niitsa khukalushitsila Vaisraeli shivala shiavo,
navo valiitsa khumbakha vuyia mataala kapomolwa khumenyamu;
valiitsa khuraaka misabibu mu milimi chiavo
nu khung'wa idivai yachio,
valiitsa khuraaka viraakwa mu milimi
nu khulia viraakwa vienevo.
15Niitsa khukhola vandu vaanje khumenya mu shivala shia navaha;
valiitsa khuvula khukhungwamu khandi.
Inzi Mwami Nyasaye, uli Nyasaye wenyu mali khuvoola.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013