AMOSI 7
7
Malolo khu Tsisichi
1Mwami Nyasaye yamanyinya malolo. Nalola nalombanga shituma shi tsisichi, vandu nivamali khukhalaka vunyasi vwi miruku chiu mwami, mumatukhu ka vunyasi vwali nu vwakharaanga khumeela khandi. 2Nalola mu malolo kaanje tsisichi nitsiliitsanga shia shiraakwa shiosi shiviisi mu shivala. Nalwo lwa navoola,
“Yivi Mwami Nyasaye, khusayanga nuyaanza ukhusemehe!
Vandu vi inzu ya Yakobo vanyala khwihonolokha munjila shina?
Ni isavu ya vandu vati vutswa!”
3Mwami Nyasaye yakalukhanyinya inganakani yeye,
navoola, “Shikanyala khwikholekha kario tawe.”
Malolo ka Khavili khu Mulilu
4Mwami Nyasaye yamanyinya malolo kandi. Nalola Mwami Nyasaye niyirechekhanga khusalilitsa vandu veve nu mulilu mukali. Mulilu kwalaalitsa luliiva lwi inyanza, nu kuraanga khusamba shivala. 5Nalwo lwa navoola,
“Mwami Nyasaye, khusayanga nuyaanza uleshe khukhola kenako!
Vandu vi inzu ya Yakobo vanyala khwihonolokha munjila shina?
Ni isavu ya vandu vati vutswa!”
6Mwami Nyasaye yakalukhanyinya inganakani yeye shichila kenako;
navoola, “Yaka shikanyala khwikholekha khandi tawe.”
7Mwami Nyasaye yamanyinya khandi malolo kandi. Nalola Mwami Nyasaye nasinjile himbi khu lisisi, liali niliumbakhwa narumishila ikavilo yu khupimila. Yali ukumile ikavilo mu mukhono kwekwe.
8Mwami Nyasaye yambolela, “Amosi, ni shina shiuloli?”
Namuchipa, “Ikavilo yu khupimila.” Nalwo lwa yambolela,
“Mbikhanga ikavilo yu khupimila hakari mu vandu vaanje Vaisraeli;
shinzitsanga khwikhutsila vwoni vwavo tawe;
9havundu ha vitsukhulu va Isaka vakholelanga misango
haliitsa khusambulanyinywa;
khandi Havundu Hatakatifu ha Israeli
haliitsa khurikala hele vutswa.
Niitsa khumulula vandu vi inzu yu vwami ya Yerobohamu.”
Amosi nende Amazia
10Navutswa lwa musalisi Amazia yahulila makhuva ka Amosi yavoola, yasimukha vwangu, natsia khuvoolela Mwami Yerobohamu wa Israeli, “Amosi aloshitsanga na Vaisraeli khuli anyala khukhwiira yivi. Lilomoloma lielie limali khwononyinya shivala. 11Amosi umali khuvoola,
‘Yerobohamu aliitsa khukhutsila muliihe,
khandi Vaisraeli valiitsa khuhilwa mu vuhaambe
khurula mu shivala shiavo.’ ”
12Navutswa Amazia yavoolela Amosi,
“Yivi muloli, rula hanu! Kalukha mu shivala shia Yuda!
Uliitsa khunyolayo shiukhulia shioshio nuprofetela!
13Navutswa lekha khuprofetela mu litaala lia Betseli;
shichila ni hatakatifu wu mwami wamihanga;
naho hi litempeli li inzu yu vwami liumbakhwa.”
14Nalwo lwa Amosi yachipa, “Shindi muprofeti inoho mulala khu mukaanda kwa vaprofeti tawe. Navutswa ndi mwayi, khandi musembeli wi misala chia makhuyu. 15Navutswa Mwami Nyasaye yanaanga khurula mu shiayo shia makondi. Yambolela, ‘Simukha utsi khuporofetela vandu vaanje Israeli.’
16Khulwa yako, Amazia, hulishitsakhu ku Mwami Nyasaye avoolanga.
Yivi uvoolanga: Lekha khuprofetela Israeli,
inoho khwilwatsila vitsukhulu va Isaka.
17Navutswa Mwami Nyasaye avoolanga,
‘Mukhali wowo aliitsa khukhola vulaaya mu litaala likali,
khandi vaana vovo vi shiyayi nende vi shikhana
valiitsa khwiirwa ni shivavi;
ma shivala shioshio shilikavulanyinywa.
Yivi mwene uliitsa khukhutsila mu shivala shi shifwavi,
ni kilikali, Vaisraeli valiitsa khuhilwa mu vuhaambe,
ihale wene khurula mu shivala shiavo.’ ”
Currently Selected:
AMOSI 7: LLLPRO
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013
AMOSI 7
7
Malolo khu Tsisichi
1Mwami Nyasaye yamanyinya malolo. Nalola nalombanga shituma shi tsisichi, vandu nivamali khukhalaka vunyasi vwi miruku chiu mwami, mumatukhu ka vunyasi vwali nu vwakharaanga khumeela khandi. 2Nalola mu malolo kaanje tsisichi nitsiliitsanga shia shiraakwa shiosi shiviisi mu shivala. Nalwo lwa navoola,
“Yivi Mwami Nyasaye, khusayanga nuyaanza ukhusemehe!
Vandu vi inzu ya Yakobo vanyala khwihonolokha munjila shina?
Ni isavu ya vandu vati vutswa!”
3Mwami Nyasaye yakalukhanyinya inganakani yeye,
navoola, “Shikanyala khwikholekha kario tawe.”
Malolo ka Khavili khu Mulilu
4Mwami Nyasaye yamanyinya malolo kandi. Nalola Mwami Nyasaye niyirechekhanga khusalilitsa vandu veve nu mulilu mukali. Mulilu kwalaalitsa luliiva lwi inyanza, nu kuraanga khusamba shivala. 5Nalwo lwa navoola,
“Mwami Nyasaye, khusayanga nuyaanza uleshe khukhola kenako!
Vandu vi inzu ya Yakobo vanyala khwihonolokha munjila shina?
Ni isavu ya vandu vati vutswa!”
6Mwami Nyasaye yakalukhanyinya inganakani yeye shichila kenako;
navoola, “Yaka shikanyala khwikholekha khandi tawe.”
7Mwami Nyasaye yamanyinya khandi malolo kandi. Nalola Mwami Nyasaye nasinjile himbi khu lisisi, liali niliumbakhwa narumishila ikavilo yu khupimila. Yali ukumile ikavilo mu mukhono kwekwe.
8Mwami Nyasaye yambolela, “Amosi, ni shina shiuloli?”
Namuchipa, “Ikavilo yu khupimila.” Nalwo lwa yambolela,
“Mbikhanga ikavilo yu khupimila hakari mu vandu vaanje Vaisraeli;
shinzitsanga khwikhutsila vwoni vwavo tawe;
9havundu ha vitsukhulu va Isaka vakholelanga misango
haliitsa khusambulanyinywa;
khandi Havundu Hatakatifu ha Israeli
haliitsa khurikala hele vutswa.
Niitsa khumulula vandu vi inzu yu vwami ya Yerobohamu.”
Amosi nende Amazia
10Navutswa lwa musalisi Amazia yahulila makhuva ka Amosi yavoola, yasimukha vwangu, natsia khuvoolela Mwami Yerobohamu wa Israeli, “Amosi aloshitsanga na Vaisraeli khuli anyala khukhwiira yivi. Lilomoloma lielie limali khwononyinya shivala. 11Amosi umali khuvoola,
‘Yerobohamu aliitsa khukhutsila muliihe,
khandi Vaisraeli valiitsa khuhilwa mu vuhaambe
khurula mu shivala shiavo.’ ”
12Navutswa Amazia yavoolela Amosi,
“Yivi muloli, rula hanu! Kalukha mu shivala shia Yuda!
Uliitsa khunyolayo shiukhulia shioshio nuprofetela!
13Navutswa lekha khuprofetela mu litaala lia Betseli;
shichila ni hatakatifu wu mwami wamihanga;
naho hi litempeli li inzu yu vwami liumbakhwa.”
14Nalwo lwa Amosi yachipa, “Shindi muprofeti inoho mulala khu mukaanda kwa vaprofeti tawe. Navutswa ndi mwayi, khandi musembeli wi misala chia makhuyu. 15Navutswa Mwami Nyasaye yanaanga khurula mu shiayo shia makondi. Yambolela, ‘Simukha utsi khuporofetela vandu vaanje Israeli.’
16Khulwa yako, Amazia, hulishitsakhu ku Mwami Nyasaye avoolanga.
Yivi uvoolanga: Lekha khuprofetela Israeli,
inoho khwilwatsila vitsukhulu va Isaka.
17Navutswa Mwami Nyasaye avoolanga,
‘Mukhali wowo aliitsa khukhola vulaaya mu litaala likali,
khandi vaana vovo vi shiyayi nende vi shikhana
valiitsa khwiirwa ni shivavi;
ma shivala shioshio shilikavulanyinywa.
Yivi mwene uliitsa khukhutsila mu shivala shi shifwavi,
ni kilikali, Vaisraeli valiitsa khuhilwa mu vuhaambe,
ihale wene khurula mu shivala shiavo.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013