AROMA 16

1RĨU nĩndamũgathĩrĩria Foibe, mwarĩ wa Ithe witũ, ũrĩa mũtungati#16.1 Mũtungati wa kanitha: rora kohoro kaandĩkĩtwo Filip 1.1. wa kanitha ũrĩa wa Kenkirea, 2nĩ getha mũmũgwate ũgeni thĩinĩ wa Mwathani, mũkĩmũtuge o ta ũrĩa aagĩrĩirũo nĩ gũtugwo nĩ andũ arĩa aamũre, na mũmũteithie ũndũ-inĩ o wothe ũrĩa angĩkorũo abataire nĩ gũteithio nĩ inyuĩ; amu-rĩ, we nake aanatangĩra andũ aingĩ, o gwata niĩ mwene.

3 # Atũm 18.2. Geithiai Pirisika na Akula, o arĩa tũrutaga wĩra nao twĩ thĩinĩ wa Kristo Jesu, 4na nĩo mendire gũtinio mĩtwe nĩ getha niĩ ndikoragwo; nao-rĩ, to niĩ nyiki ndamacokeria ngatho, no nĩmaacokerio ngatho ningĩ nĩ makanitha mothe ma andũ a Ndũrĩrĩ. 5O naguo kanitha ũrĩa ũcemanagia nyũmba-inĩ yao, ũgeithiei. Geithiai mwendwo wakwa Epainito, na nowe waambĩrĩirie gũtuĩka wa Kristo bũrũri wa Asia. 6Na mũgeithie Mariamu, ũrĩa wanenogia mũno akĩruta wĩra nĩ ũndũ wanyu. 7Geithiai Anderoniko na Juniasi, arĩa a mũhĩrĩga witũ, o arĩa twohetwo hamwe nao, o na makagĩa igweta thĩinĩ wa atũmwo, o na ningĩ nĩmaatuĩkire a Kristo mbere yakwa. 8Geithiai Ampiliato, ũrĩa nyenda mũno ũhoro-inĩ wa Mwathani. 9Na mũgeithie Urubano, ũrĩa tũrutithanagia wĩra wa Kristo nake, o na mwendwo wakwa Sitakusi. 10Ningĩ mũgeithie Apele, mũndũ ũmenyekete atĩ nĩ wa Kristo kũna. Na mũgeithie andũ a kwa Arisitobulo. 11Geithiai Herodioni, ũrĩa wa mũhĩrĩga witũ. Nao andũ a kwa Narikiso, arĩa a Mwathani, mũmageithie. 12Geithiai Turufaina na Turufosa, arĩa matũire menogagia wĩra-inĩ wa Mwathani. Na mũgeithie Perisi, mũndũ mwende mũno, ũrĩa o nake wananogera wĩra wa Mwathani. 13#Mar 15.21.Geithiai Rufusi, arĩ we mũndũ mũthure nĩ Mwathani, o na nyina, nake no ta maitũ. 14Ningĩ mũgeithie Asunkirito, na Felegoni, na Herime, na Pateroba, na Herima, o na ariũ a Ithe witũ arĩa me hamwe nao. 15Geithiai Filologo na Julia, na Nereo o na mwarĩ wa nyina, na Olumpa, o na arĩa aamũre othe matũire hamwe nao. 16Geithaniai inyuene, o mũndũ ageithie ũrĩa ũngĩ na ngeithi theru ya kũmumunyana. Nĩmwageithio nĩ makanitha ma Kristo mothe.

17Na rĩrĩ, ariũ a Ithe witũ, ndamũthaitha atĩ mwĩmenyagĩrĩre arĩa marehage nyamũkano o na maũndũ ma kũhĩngithia andũ, marĩa mataiguaine na ũhoro ũrĩa inyuĩ mwarutirũo: hũgũkai mũtigane nao. 18Amu andũ ta acio, ti Mwathani witũ Kristo matungatagĩra, no nda ciao o ene; na tondũ wa ũrĩa ndeto ciao inyorokete na ikaiguwo ta irĩ njega, ngoro cia andũ arĩa matoĩ ũũru ikahenio nĩo. 19Inyuĩ-rĩ, ũhoro wa gwathĩka kwanyu nĩũkinyĩte kũrĩ andũ othe. Na tondũ ũcio nĩngenaga mũno nĩ ũndũ wanyu; no rĩrĩ, ũrĩa ngwenda nĩ atĩ, ha maũndũ marĩa mega, mũtũũre mũrĩ ogĩ, naho ha maũndũ marĩa moru, mũikarage ta mũrĩ imore. 20Nake Ngai mwene thayũ nĩarĩhehenja Shaitani o narua mũmũrangĩrĩrie makinya-inĩ manyu.

Wega wa Mwathani witũ Jesu Kristo ũroikara na inyuĩ. [Amen.]

21 # Atũm 16.1. Nĩmwageithio nĩ Timotheo, ũrĩa tũrutaga wĩra nake, o na Lukio na Jasoni na Sosipatero, a mũhĩrĩga witũ. 22Niĩ Teritio, o niĩ ngwandĩka marũa maya, nĩndamũgeithia na niĩ thĩinĩ wa Mwathani. 23#Atũm 19.29; 1 Kor 1.14; 2 Tim 4.20.Gaio nake, ũrĩa ũngwatĩte ũgeni gwake o na nĩatugaga andũ a kanitha othe, nĩaamũgeithia. Nĩmwageithio nĩ Erasito, mũrori-kĩgĩĩna wa itũũra rĩrĩ, o na Kwarito, mũrũ wa Ithe witũ.

24[Wega wa Mwathani witũ Jesu Kristo ũrogĩa na inyuĩ inyuothe. Amen.]

25Na rĩrĩ, Ngai nĩwe ũhotaga kũmwĩkĩra hinya na njĩra ĩrĩa nyonanie nĩ Ũhoro-ũrĩa-Mwega ’hunjagia, o ũrĩa wa kwanĩrĩra ũhoro wa Jesu Kristo; na nĩguo ũringaine na kũguũranĩrio kwa ũhoro wa hitho ũrĩa watũire ũhithĩtwo ũgaikara o ũguo ngiri mahinda marĩa ma mĩndĩ na mĩndĩ; 26naguo rĩu nĩ kuumĩrio uumĩrĩtio, na kũringana na ũrĩa Ngai, we ũtũũraga tene na tene aathanire-rĩ, nĩũmenyithagio andũ a ndũrĩrĩ ciothe na Maandĩko marĩa ma anabii, nĩ getha matuĩke aathĩku ũhoro-inĩ wa wĩtĩkio. 27Nake we Ngai, o we wiki mũũgĩ-rĩ, arotũũra agoocagwo na njĩra ya Jesu Kristo nginya tene na tene. Amen.

Currently Selected:

AROMA 16: OGKBIBLE

Highlight

Copy