MATHAYO 12

1 # Gũcok 23.25. HĨNDĨ ĩo Jesu akĩgera mĩgũnda-inĩ ya ngano mũthenya wa thabatũ; na arutwo ake maarĩ ahũtu, magĩgĩitĩka gũtua ngira cia ngano magĩcihuta makĩrĩa. 2Nao Afarisai mona ũguo, makĩmwĩra atĩrĩ, Arutwo aku nĩmegwĩka ũrĩa ũtagĩrĩire gwĩkwo mũthenya wa thabatũ. 3#1 Sam 21.1-6.Nake akĩmoria atĩrĩ, Kaĩ mũtathomete ũrĩa Daudi ekire rĩrĩa aahũtiĩ, o na andũ arĩa maarĩ nake; 4#Alaw 24.9.ũrĩa aatonyire nyũmba ya Ngai na akĩrĩa mĩgate ĩrĩa yaigagĩrũo Ngai, ĩrĩa ataagĩrĩirũo nĩ kũrĩa we mwene, kana andũ arĩa maarĩ nake, tiga o athĩnjĩri-Ngai oiki? 5#Ndar 28.9,10.O na ningĩ, kaĩ mũtathomete watho-inĩ atĩ athĩnjĩri-Ngai arĩa marĩ hekarũ-inĩ mĩthenya ya thabatũ nĩmathahagia thabatũ, na matituwo ehia? 6No ngũmwĩra atĩrĩ, haha nĩharĩ mũnene kũrĩ hekarũ. 7#Mat 9.13; Hos 6.6.No rĩrĩ, mũngĩmenyete gĩtũmi gĩa ciugo ici, Ũrĩa nyendaga nĩ tha, no ti magongona, mũtingĩtuire andũ ehia matehĩtie. 8Nĩ ũndũ Mũrũ wa Mũndũ nĩ mwathani wa gwathaga mũthenya wa thabatũ.

9Agĩkiuma hau, agĩthiĩ agĩtonya thunagogi yao. 10Na atĩrĩrĩ, hagĩkorũo harĩ mũndũ wonjete guoko. Na nĩ getha mone ũndũ wa kũmũthitaka naguo, andũ makĩmũũria atĩrĩ, Watho nĩwĩtĩkĩrĩtie kũhonanio mĩthenya ya thabatũ? 11#Luk 14.5.Nake akĩmoria atĩrĩ, Inyuĩ-rĩ, nũ ũngĩkorũo arĩ na mbũri ĩmwe, nayo ĩngĩgũa irima-inĩ mũthenya wa thabatũ, githĩ ndangĩmĩgwata amĩrute? 12Kaĩ mũndũ atakĩrĩ bata gũkĩra mbũri? Nĩ ũndũ ũcio nĩ gwĩtĩkĩrie gwĩkagwo wega mĩthenya ya thabatũ. 13Agĩcoka akĩĩra mũndũ ũcio, Tambũrũkia guoko. Agĩgũtambũrũkia, gũgĩcoka gũtuĩka kũgima o ta kũrĩa kũngĩ. 14No rĩrĩ, Afarisai makiuma hau, magĩthiĩ ndundu mamenye ũrĩa mangĩhota kũmũũragithia.

15Nake Jesu aamenya ũguo, akĩĩeherera hau, agĩĩthiĩra. Na andũ aingĩ makĩmũrũmĩrĩra; nake akĩmahonia othe, 16akĩmakaania matikae kũmuonithania: 17nĩ getha ciugo iria ciaaririo nĩ Isaia ũrĩa mũnabii ihingio, rĩrĩa oigire,

18 # Isa 42.1-4. Atĩrĩrĩ, ũyũ nĩwe ndungata yakwa, ĩrĩa ndĩĩthurĩire;

Nĩyo nyenda, na nĩyo ĩkenagia ngoro yakwa:

Nĩngamĩikũrũkĩria Roho wakwa ĩmĩhube,

Nayo nĩĩkahunjĩria Ndũrĩrĩ cira wa kĩhooto.

19Ndĩgatetania, kana yanĩrĩre;

Na gũtirĩ mũndũ ũkaigua mũgambo wayo njĩra-inĩ.

20Kamũrangi kagondoku ndĩgakoina,

Naruo rũtambĩ rũa ũguta rũgĩtoga ndĩkarũhoria,

Nginya hĩndĩ ĩrĩa ĩgatũma cira wa kĩhooto ũthiĩ ũtoranie.

21Narĩo rĩĩtwa rĩake nĩrĩo andũ a Ndũrĩrĩ makerĩgagĩrĩra.

22Hĩndĩ ĩo akĩreherũo mũndũ warĩ na ndaimono, na mũtumumu, na ndahotaga kwaria: na Jesu akĩhonia mũndũ ũcio ũtaahotaga kwaria, agĩkĩaria na akĩona. 23Nakĩo kĩrĩndĩ gĩothe kĩrĩa kĩarĩ ho gĩkĩgega, gĩkiuga atĩrĩ, Ĩ ũyũ to gũgĩkorũo nĩwe mũrũ wa Daudi? 24#Mat 9.34; 10.25.No rĩrĩa Afarisai maaiguire ũhoro ũcio, makiuga atĩrĩ, Mũndũ ũyũ ndangĩhota gũtũma ndaimono ciume andũ, hatarĩ hinya wa Beelizebuli, ũrĩa mũnene wa ndaimono.

25Nake aamenya meciria mao, akĩmera atĩrĩ, Bũrũri wa mũthamaki o wothe, andũ aguo mangĩamũkana mahũrane o ene, wacoka gĩthaka; na itũũra o rĩothe, kana nyũmba o yothe, andũ akuo mangĩamũkana mahũrane o ene, gũtingĩtũũra: 26na angĩkorũo Shaitani nĩagwete kũingata Shaitani-rĩ, nĩ kwamũkana amũkanĩte we mwene, akehũra; naguo ũthamaki wake ũgagĩtũũra atĩa? 27Na niĩ-rĩ, ingĩkorũo nyingataga ndaimono na hinya wa Beelizebuli, kaĩ ariũ anyu magĩciingataga na hinya wa ũ? Nĩ ũndũ ũcio, o nĩo magatuĩka amũtuĩri cira. 28No rĩrĩ, ingĩkorũo niĩ nyingataga ndaimono na hinya wa Roho wa Ngai, no gũtuĩke atĩ nĩ ũthamaki wa Ngai ũmũkorereire. 29Na rĩrĩ, mũndũ angĩkĩhota atĩa gũtonya nyũmba ya mũndũ karau, amũtahe indo ciake, ataambĩte kuoha karau ũcio? Hĩndĩ ĩo nĩrĩo agacoka kũmũtaha indo iria irĩ nyũmba yake. 30#Mar 9.40.Mũndũ ũrĩa ũtarĩ thiritũ na niĩ nĩ thũ yakwa; na ũrĩa ũtacokagĩrĩria hamwe na niĩ, ũcio nĩaharaganagia. 31Nĩ ũndũ ũcio ngũmwĩra atĩrĩ, Andũ nĩmakoherũo mehia mothe, na irumi ciothe; no mũndũ angĩruma Roho ndakoherũo. 32#Luk 12.10.Na ũrĩa ũgacambia Mũrũ wa Mũndũ nĩakoherũo; no ũrĩa ũgacambia Roho Mũtheru ndakoherũo o na rĩ, mahinda maya, o na kana mahinda marĩa magoka.

33 # Mat 7.20; Luk 6.44. Agĩriai mũtĩ, na mwagĩrie maciaro maguo; kana mũthũkie mũtĩ, na mũthũkie maciaro maguo: tondũ mũtĩ ũmenyekaga nĩ ũndũ wa maciaro maguo. 34#Mat 3.7; 23.33; Luk 3.7; Mat 15.18; Luk 6.45.Inyuĩ njiaro cia nyamũ-cia-thĩ, mwakĩhota atĩa kwaria maũndũ mega, mũkĩrĩ oru? Tondũ kanua kaaragia maũndũ marĩa maiyũire ngoro. 35Mũndũ ũrĩa mwega arutaga maũndũ mega mũthithũ-inĩ wake mwega: na mũndũ ũrĩa mũũru arutaga maũndũ moru mũthithũ-inĩ wake mũũru. 36Na ngũmwĩra atĩrĩ, atĩ kiugo o gĩothe gĩa tũhũ kĩrĩa kĩngĩario nĩ andũ, no mũhaka makoiga gĩtũmi gĩakĩo mũthenya ũrĩa wa cira. 37Nĩ gũkorũo ciugo ciaku nĩcio igatũma ũtuwo mũthingu, nacio ciugo ciaku nĩcio igatũma ũtuwo mũũru.

38 # Mat 16.1; Mar 8.11; Luk 11.16. Hĩndĩ ĩo aandĩki-marũa amwe na Afarisai amwe makĩmũcokeria makĩmwĩra atĩrĩ, Mũrutani, tũkwenda ũtũringĩre kĩama. 39#Mat 16.4; Mar 8.12.Nake akĩmacokeria akĩmera, Rũciaro rũrũ rũaganu na rũa ũtharia rũendaga kuonio kĩama, na gũtirĩ kĩama rũkonio tiga kĩama kĩrĩa kĩa Jona, ũrĩa mũnabii: 40#Jona 1.17.nĩ ũndũ o ta ũrĩa Jona aagĩtire matukũ matatũ, mũthenya na ũtukũ, nda ya kĩũngũyũ kĩrĩa kĩnene, ũguo noguo Mũrũ wa Mũndũ akagĩta matukũ matatũ, mũthenya na ũtukũ, thĩinĩ wa ngoro ya thĩ. 41#Jona 3.5.Andũ arĩa a Nineve nĩmakarũgama mũthenya ũrĩa wa cira hamwe na andũ a rũciaro rũrũ na mamatue ehia: nĩ ũndũ o nĩmaaherire, maahunjĩrio ũhoro nĩ Jona; na rĩrĩ, haha nĩharĩ mũnene kũrĩ Jona. 42#1 Ath 10.1-10; 2 Maũ 9.1-12.Mũtumia mũthamaki, ũrĩa wa mwena wa gũthini, nĩakarũgama mũthenya ũrĩa wa cira hamwe na andũ a rũciaro rũrũ, nake amatue ehia: nĩ gũkorũo nĩoimire ituri cia thĩ nĩ getha akeiguĩre ũũgĩ wa Solomoni; na rĩrĩ, haha nĩharĩ mũnene kũrĩ Solomoni.

43Na rĩrĩ, roho ũrĩa mũthũku warĩkia kuuma mũndũ, nĩũgeraga kũndũ gũtarĩ maĩ, ũgĩcaragia handũ ha kũhurũka, ũkaaga. 44Hĩndĩ ĩo ũgakiuga, Nĩngũcoka nyũmba yakwa ĩrĩa ndoimire; na wakinya kuo, ũkamĩkora ĩrĩ theri, na ĩrĩ haate, na ĩrĩ ng’emie. 45Hĩndĩ ĩo ũgagĩthiĩ, ũkegĩrĩra maroho mangĩ mũgwanja moru kũrĩ guo mwene, namo magatonya magatũũra kuo: nayo mĩtũũrĩre ya kũrigĩrĩria ya mũndũ ũcio ĩgagĩthũka kũrĩ ĩrĩa ya mbere. Naruo rũciaro rũrũ rũaganu noguo ũhoro waruo ũgatuĩka.

46Na atĩrĩrĩ, o akĩaria na kĩrĩndĩ, nyina na ariũ a nyina magĩkorũo marũgamĩte nja makĩenda kwaria nake. 47Akĩĩrũo nĩ mũndũ atĩrĩ, Nyũkwa na ariũ a nyũkwa marũgamĩte nja, makĩenda kwaria nawe. 48Nowe agĩcokia, akĩũria mũndũ ũrĩa wamwĩrire ũguo atĩrĩ, Maitũ nũ? O na ariũ a maitũ nĩa? 49Nake akĩorota arutwo ake na guoko, akiuga, Onei maitũ, na ariũ a maitũ! 50Nĩ gũkorũo mũndũ o wothe ũrĩĩkaga maũndũ marĩa Awa ũrĩa wĩ Igũrũ endaga, ũcio nĩwe mũrũ wa maitũ, na mwarĩ wa maitũ, na maitũ.

Currently Selected:

MATHAYO 12: OGKBIBLE

Highlight

Copy