MACAKAYA 4
4
1HĨ! Ĩ kaĩ thahabu ĩrĩ gũgĩthita-ĩ! thahabu o ĩrĩa ngembu mũno kaĩ ĩrĩ kũgarũrũka-ĩ!
mahiga ma nyũmba ĩrĩa nyamũre nĩ maite magomano-inĩ ma ing’aratua ciothe cia itũũra.
2Ihĩĩ cia Zayuni-rĩ, iria ii bata ũũ, o iria ingĩgerekanĩka na thahabu ĩrĩa theru-rĩ,
rĩu kaĩ ikĩonetwo o ta irĩ o ndigithũ cia rĩũmba, o ta arĩ wĩra wa moko ma mũũmbi-ĩ!
3Gwata o mbwe nĩiheanaga nyondo, ikongithia ciana ciacio:
mwarĩ ũyũ wa kĩrĩndĩ giitũ-rĩ, atuĩkĩte mwagi-tha, o ta nyaga cia werũ-inĩ.
4Rũrĩmĩ rũa kaana karĩa kongero rũanagwatana na karakara nĩ kũnyota:
twana-rĩ, tũhoyaga irio, na gũtirĩ mũndũ ũtwenyũragĩra.
5Arĩa mararĩaga irio thuranĩre rĩu maikaraga mabarabara-inĩ mekonotete;
arĩa maarerirũo na nguo iria ndune, rĩu mahĩmbĩirie ciara iria cia rũrua.
6 #
Kĩam 19.24. Nĩ ũndũ waganu wa mwarĩ ũyũ wa kĩrĩndĩ giitũ nĩ mũnene o na kũrĩ ũhĩtia wa Sodomu,
kũrĩa kwang’aũranirio kahinda o kanini, na gũtarĩ mũndũ wakũhutirie na moko.
7Andũ a kũu gwake arĩa ekĩrĩre maatherete gwĩ tharunji, maarĩ erũ kũrĩ mwĩtha,
maarĩ atune mwĩrĩ gũkĩra ruru iria ndune, gũkuuhwo kwao no ta gwa kahiga ka goro karĩa getagwo yakuti:
8Na rĩu mothiũ mao mairĩte o na gũkĩra ikara; magĩthiĩ na cia barabara matingĩmenyeka;
ikonde cia mĩĩrĩ yao ciũmanĩrĩire na mahĩndĩ; nĩ ngũgũnyaru, ikoma o ta mũtĩ.
9Kaba arĩa moragagwo na rũhiũ kũrĩ acio mekũũragwo nĩ ng’aragu,
amu acio nĩ gũthaha mathahaga marĩ ahungure nĩyo, nĩ kũhukĩrũo nĩ maciaro ma mũgũnda.
10 #
Gũcok 28.57; Ezek 5.10. Moko ma aka o arĩa maarĩ tha nĩmarugĩte ciana ciao ene;
nĩcio iratuĩkĩte irio ciao hingo ĩo ya kwanangwo kwa mwarĩ ũyũ wa kĩrĩndĩ giitũ.
11Jehova nĩakĩhingĩtie marũrũ make na ndatigĩrĩre, agagĩthothora marakara make marĩa mahiũ;
nĩaakĩtie mwaki Zayuni, naguo ũkarambia gwata o itina ciakuo.
12Athamaki a thĩ, o na kana kĩrĩndĩ gĩothe kĩrĩa gĩtũũraga gũkũ thĩ, gũtirĩ wetĩkagia
atĩ ũrĩa mũmuku, o ũcio thũ, niangĩtonya ihingo cia Jerusalemu.
13Na gwĩkĩtwo ũguo nĩ ũndũ wa mahĩtia ma anabii akuo, o na mawaganu ma athĩnjĩri-Ngai akuo,
arĩa maanaita thakame ya andũ arĩa athingu o kuo thĩinĩ.
14Rĩu no gũturura matururaga mabarabara-inĩ ta ndumumu; nĩ athũkie nĩ thakame,
andũ magagĩthũũra kũmahutia o na arĩ nguo ciao.
15Makamakaĩrĩria makoiga, Eherai! Mwĩ na ng’ũki! Thengai, thengai, mũtigatũhutie!
ningĩ mora, maatuĩka orũri, me kũu kwa ndũrĩrĩ, andũ makoigaga atĩrĩ, Matingĩcoka gũikara marĩ ageni a gũkũ!
16Marakara ma Jehova nĩmo mamanyaganĩtie; ndarĩcoka kũmarũmbũiya:
andũ nĩmatigĩte gũtĩa maũthĩ ma athĩnjĩri-Ngai acio, o na makarega gũtuga athuri acio.
17Maitho maitũ no marathirĩrĩkĩra tũkĩrorereria gĩteithio giitũ tũhũ:
twĩ gĩcũĩro-inĩ giitũ-rĩ, tũtũire tũcũagĩra rũrĩrĩ rũtangĩtũhonokia.
18Makinya maitũ nĩmarũmanagĩrĩrũo namo, tũgakĩremwo nĩ gũtuĩkania ing’aratua cia gwitũ:
rĩu ithirĩro riitũ nĩrĩkuhĩhĩirie, matukũ maitũ nĩ mahingu, amu-rĩ, ithirĩro riitũ rĩanakinya.
19Atũthingati maarĩ ihenya gũkĩra nderi cia igũrũ:
maatũhanyũkirie irĩma-inĩ, na magĩtuoheria werũ-inĩ.
20Ũrĩa warĩ ta mĩheehũ ya maniũrũ maitũ, o ũrĩa mũitĩrĩrie maguta nĩ Jehova, we nĩaagwatirio na marima mao,
o ũcio twagwetaga tũkoiga atĩ, Twĩ mwĩgunyĩ-inĩ wake, gũtũũra nĩtũgũtũũra o gũkũ gatagatĩ ka ndũrĩrĩ.
21No kĩigue wega, ũkene, wee mwarĩ ũyũ wĩtagwo Edomu, wee ũgĩtũũraga bũrũri wa Uzu:
gĩkombe gĩkĩ-rĩ, nĩgĩkahungura gĩgũkore o nawe; wee nĩũgatuĩka mũrĩu, na wĩige njaga.
22Wee mwarĩ ũyũ wĩtagwo Zayuni-rĩ, iherithia rĩa waganu waku nĩ ihingie;
wee ndarĩcoka gũgũtwara rĩngĩ ũrĩ mũtahe.
Waganu waku, wee mwarĩ ũyũ, ti Edomu-rĩ, nĩguo agoka kũng’ethera;
mahĩtia maku nĩmo akoimbũria.
Currently Selected:
MACAKAYA 4: OGKBIBLE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
