EZEKIELI 15

1Na rĩrĩ, ndũmĩrĩri ya Jehova ĩkĩnginyĩrĩra ngĩũrio atĩrĩ, 2Mũrũ wa mũndũ, mũthabibu ũkĩrĩte mĩtĩ ĩrĩa ĩngĩ yothe na kĩ, o naruo rũhonge rũa mũthabibu rũĩkũũranĩte atĩa na mĩtĩ ĩrĩa ĩngĩ ya kĩrĩti? 3Anga he mũtĩ ũngĩahũrũo thĩinĩ waruo ũkarute wĩra o na ũrĩkũ? O na kana hihi andũ moe hwang’a harĩ ruo mahocagie kĩndũ ho? 4Atĩrĩrĩ, nĩ gũikio rũikagio mwaki-inĩ rũtuĩke rũkũ; naguo mwaki ũkarũcina mĩthia yaruo yerĩ, o nakuo gatagatĩ karuo gũgacura; anga rũagĩcoka gũkorũo rũĩ kĩguni gĩa kũruta wĩra o na ũrĩkũ? 5Atĩrĩrĩ, rĩrĩa rũrarĩ rũgima rũtirarutithagio wĩra o na ũrĩkũ; githĩ rũtingĩkĩaga kũrutĩrũo wĩra makĩria rĩu rũhĩĩte nĩ mwaki, na rũgacura? 6Tondũ ũcio Mwathani Jehova oigĩte ũũ: O ta ũrĩa ngũũranĩte mũthabibu ũcio na mĩtĩ ĩrĩa ĩngĩ ya kĩrĩti, ngaũtua rũkũ rũa gũcinwo na mwaki-rĩ, ũguo noguo ngeka andũ arĩa matũũraga Jerusalemu. 7Nĩ gũtũma ngatũma ũthiũ wakwa ũmomĩre o kũũma. O na harĩa makeruta mwaki-inĩ-rĩ, mwaki ũcio ndũrĩ hingo ũtakamarĩa ũmanine biũ; na inyuĩ nĩmũkamenya atĩ niĩ nĩ niĩ Jehova, hĩndĩ ĩrĩa ngatũma ũthiũ wakwa ũmomĩre o kũũma. 8Naguo bũrũri nĩngatũma wanangĩke, nĩ ũndũ nĩmehĩtie makaagarara watho wakwa; ũguo nĩguo Mwathani Jehova oigĩte.

Currently Selected:

EZEKIELI 15: OGKBIBLE

Highlight

Copy

Compare