EZEKIELI 1

1 # Kũg 19.11. ATĨRĨRĨ, mwaka wa mĩrongo ĩtatũ, o mweri wa ĩna, mũthenya wa ĩtano wa mweri ũcio, rĩrĩa ndarĩ o kũu gũkuhĩ na rũũĩ rũa Kebari twĩ hamwe na andũ arĩa maatahĩtwo-rĩ, igũrũ rĩkĩemũka, na niĩ ngĩkĩona cioneki cia Ngai. 2#2 Ath 24.10-16; 2 Maũ 36.9,10.Na rĩrĩ, mũthenya wa ĩtano wa mweri ũcio, naguo nĩguo warĩ wa mwaka wa ĩtano ĩrĩa mũthamaki Jehoiakini aaninĩte nginya aatahwo, 3mũthenya o ro ũcio-rĩ, ndũmĩrĩri ya Jehova ĩgĩkinyĩrĩra Ezekieli ũrĩa mũthĩnjĩri-Ngai, mũrũ wa Buzi, kũu bũrũri wa Akalidei, gũkuhĩ na rũũĩ rũu rũa Kebari; nakuo guoko kwa Jehova gũgĩkĩgĩa hamwe nake. 4Na rĩrĩ, ngĩgĩcũthĩrĩria, ngĩona rũhuho rũa kĩhuhũkanio ruumĩte na mwena wa gathigathini, naruo rũkĩrehe itu inene mũno rĩiyũrĩte mwaki, naguo mwaki ũcio nĩ kũrĩrĩmbũka warĩrĩmbũkaga, na ũtheri ũkoima thĩinĩ waguo ũtunĩhĩte ta ũũkĩ-wa-ngoma, naguo ũtheri ũcio uumĩte mwaki-inĩ ũcio ũkarigicĩria itu mĩena yothe. 5#Kũg 4.6.O na ningĩ kũu thĩinĩ warĩo gũkiumĩra mĩhianĩre ya ciũmbe inya irĩ muoyo. Naguo ũrĩa cionagwo ihaana nĩ ũũ: mũhianĩre wacio ciothe watariĩ ta wa mũndũ, 6ningĩ nyamũ o yothe yacio ĩkagĩa na mothiũ mana, o na mathagu mana. 7Namo magũrũ ma cio mehandĩte marũngarĩte ki; namo makinya ma magũrũ ma cio maatariĩ ta mahũngũ ma gacaũ, na maakengaga ta gĩcango gĩthũĩtwo mũno. 8Na ningĩ nguruĩ ya mathagu ma cio ciarĩ na moko ta ma mũndũ na mĩena yacio yothe ĩna. Ningĩ mothiũ ma cio, o na mathagu ma cio, ciothe inya, maatariĩ ũũ: 9mathagu ma cio-rĩ, nĩ kũnyitana maanyitanĩte, o ithagu rĩkanyitana na rĩrĩa rĩngĩ; na no gũthiĩ ciathiaga irorete na mbere irũngĩrĩirie ciothe inya. 10#Ezek 10.14; Kũg 4.7.Naho ha ũhoro wa mũhianĩre wa mothiũ ma cio-rĩ, ciarĩ na ũthiũ ta wa mũndũ; ningĩ cio inya ikagĩa na ũthiũ ta wa mũrũthi mwena wa ũrĩo; na ningĩ cio inya ikagĩa na ũthiũ ta wa ndegwa mwena wa ũmotho; o na ningĩ cio inya ikagĩa na ũthiũ ta wa nderi. 11Ũguo nĩguo mothiũ ma cio maatariĩ. Na rĩrĩ, mathagu ma cio maatambũrũkĩtio na igũrũ, makanyitana mĩthia, merĩ merĩ, o namo marĩa mangĩ makahumba mĩĩrĩ yacio, merĩ merĩ. 12Nacio ciathiaga irorete na mbere ĩrũngĩrĩirie, na igathiĩ cierekeire o kũndũ kũrĩa roho wa Ngai werekagĩra; ningĩ itiehũgũraga igĩthiĩ. 13#Kũg 4.5.Naho ha ũhoro wa ciũmbe icio irĩ muoyo-rĩ, cionagwo ihaana ta makara ma mwaki megwakana, na ikonwo ihaana ta icinga cia mwaki naguo mwaki ũcio warũũgarũũgaga o hau gatagatĩ-inĩ ga ciũmbe icio irĩ muoyo; ningĩ mwaki ũcio warĩrĩmbũkaga mũno, nakuo kũu mwaki-inĩ ũcio gũkoimaga rũheni. 14Nacio ciũmbe icio irĩ muoyo ciateng’eraga, igathiĩ igĩcokaga na thutha, o ta ũrĩa rũheni ruonagwo rũkĩhenia.

15 # Ezek 10.9-13. Na ndarora ciũmbe icio irĩ muoyo-rĩ, ngĩona atĩ he magũrũ ma ngari makinyĩte thĩ me mwena-inĩ wa handũ harĩa ciũmbe icio irĩ muoyo irũngiĩ, o kũgũrũ gũgakuhanĩrĩria na kĩũmbe kĩmwe, namo magũrũ macio magĩtuĩka mana o ta mothiũ ma cio. 16Naguo mũhianĩre wa magũrũ macio, na mũthondekere wamo makĩonwo, watariĩ ta rangi wa thuniarati, namo mothe mana nĩmaahaanaine. Ningĩ mũhianĩre wamo, o na mũthondekere wamo, watariĩ ta wa kũgũrũ gũtonyetio gatagatĩ ga kũgũrũ kũrĩa kũngĩ. 17Namo magĩthiĩ-rĩ, maathiaga na mĩena yamo yo ĩna, na matigarũrũke na mwena magĩthiĩ. 18#Kũg 4.8.Nayo mĩrĩnga ya mbara ĩrĩa yarĩ mĩena-inĩ ya magũrũ macio yarĩ mĩtungu mũno na ya kũmakania, na ĩkaiyũrũo nĩ maitho na mĩena yothe. 19Na rĩrĩ, hĩndĩ ĩrĩa ciũmbe icio irĩ muoyo ciathiaga-rĩ, magũrũ macio o namo magathiĩ mĩena-inĩ yacio o ro ũguo; ningĩ hĩndĩ ĩrĩa ciũmbe icio irĩ muoyo ciaambata na igũrũ ciume thĩ magũrũ macio makaambata na igũrũ o namo. 20Nakuo kũndũ kũrĩa guothe roho wendaga gũthiĩ, nokuo o nacio ciathiaga, o kũu roho wacio wendaga; o namo magũrũ macio makaambata na igũrũ mĩena-inĩ yacio, nĩ gũkorũo roho wĩ muoyo warĩ thĩinĩ wa magũrũ macio ma ngari o namo. 21Na hĩndĩ ĩrĩa marĩa maathiĩ, o namo maya mangĩ magathiĩ; na rĩrĩa marĩa maarũgama, o namo maya mangĩ makarũgama o ro ũguo na rĩrĩa ciũmbe icio irĩ muoyo ikwambata na igũrũ ciume thĩ, o namo magũrũ macio makaambata na igũrũ mĩena-inĩ yacio; nĩ gũkorũo roho wĩ muoyo warĩ thĩinĩ wa magũrũ macio o namo. 22#Kũg 4.6.Narĩo igũrũ rĩa kĩũmbe kĩu gĩothe kĩrĩ muoyo-rĩ, kwarĩ mũhianĩre ta wa itu rĩtambũrũkie rĩatariĩ ta mbarabu ĩrĩ itua-nda, na nĩrĩo rĩatambũrũkĩte igũrũ rĩa mĩtwe yacio. 23Nakuo na ruungu rũa itu rĩu nĩkuo mathagu ma cio maatambũrũkĩtio, o rĩmwe rĩng’ethanĩire na rĩrĩa rĩngĩ; nacio ciũmbe icio o kĩmwe kĩmwe kĩarĩ na mathagu merĩ marĩa maakĩhumbĩte mwena ũyũ, o na mwena ũrĩa ũngĩ wa mwĩrĩ wakĩo. 24#Kũg 1.4-15; 19.6.Nacio rĩrĩa ciathiĩ ngaigua mathagu ma cio makĩhuruta rũhuho ta arĩ mũrurumo wa maĩ maingĩ, o na ta arĩ mũgambo wa Ũrĩa-Mwene-Hinya-Wothe; o na ngaigua ta arĩ inegene rĩa ngũĩ nene, o ta rĩa ita. Na hĩndĩ ĩrĩa ciarũgama-rĩ, igacoka gũthuna mathagu ma cio. 25Na igũrũ rĩa mũtambũrũko ũcio warĩ igũrũ rĩa mĩtwe yacio-rĩ, gũkaiguwo mũgambo. Na hĩndĩ ĩrĩa ciũmbe icio ciarũgama igacoka gũthuna mathagu ma cio. 26#Ezek 10.1; Kũg 4.2,3.O na ningĩ igũrũ rĩa itu rĩu, hau igũrũ rĩa mĩtwe yacio, gũkagĩa mũhianĩre wa gĩtĩ-kĩa-ũnene, nakĩo gĩkĩonwo-rĩ, gikonagwo kĩhaana ta kahiga ka yakuti ĩrĩa ya bururu; ningĩ kwarĩ mũhianĩre ũngĩ ta wa mũndũ, nake aaikarĩire mũhianĩre ũcio wa gĩtĩ-kĩa-ũnene. 27#Ezek 8.2.Ngĩcoka ngĩona ta gũtunĩhĩte ta rangi wa ũũkĩ-wa-ngoma, o ta arĩ kũgĩa kũgĩĩte na mwaki mũhianĩre-inĩ ũcio ũtariĩ ta wa mũndũ, na ũgathererũka na mĩena yothe; naguo wathererũkĩte mwena wothe wa na igũrũ kuuma o njohero-inĩ ya mũndũ ũcio; ningĩ ngĩkĩona ta he mwaki wathererũkaga mwena wake wothe wa mũhuro kuuma o njohero-inĩ, na gũkagĩa ũtheri ũmũrigicĩirie mĩena yothe. 28Naguo ũtheri ũcio wamũrigicĩirie mĩena yothe-rĩ, watariĩ o ta mũkũnga-mbura ũrĩa wonagwo itu-inĩ hĩndĩ ya mbura. Naguo ũtheri ũcio ũkonagwo ta arĩ mũhianĩre wa ũrĩa Jehova arĩ riri. Na rĩrĩa ndawonire, ngĩĩgũithia, ngĩturumithia ũthiũ thĩ, ngĩgĩcoka ngĩigua mũgambo wa mũndũ ũkwaria.

Currently Selected:

EZEKIELI 1: OGKBIBLE

Highlight

Copy

Compare