AEFESO 5
5
1NĨ ũndũ ũcio-rĩ, rũmanagĩriai kwĩgerekania na Ngai, ta ciana ciendetwo mũno; 2#Thama 29.18; Thab 40.6.na mũtũũre mwendaine, o ta ũrĩa Kristo nake aamwendire inyuĩ, agĩkĩĩruta nĩ ũndũ witũ, nĩ getha atuĩke ihaki o na igongona rĩa kũrutĩrũo Ngai, rĩĩ na mũtararĩko ũnungĩte wega. 3No rĩrĩ, ũmaraya, na waganu o wothe, o na kana gũcumĩkĩra indo ciene, macio-rĩ, tigagai o na kũmagweta thiritũ-inĩ yanyu, o ta ũrĩa andũ aamũre maagĩrĩirũo nĩ gwĩka; 4ningĩ maũndũ ma thoni, na kwaria ũrimũ kana itherũ rĩtarĩ rĩega, macio namo matikanagwetwo, tondũ matiagĩrĩire; kaba mũgĩage na ngatho. 5Tondũ nĩmũũĩ wega ũndũ ũyũ, atĩ mũhũri-maraya kana mũndũ mwaganu, kana ũrĩa ũcumĩkagĩra indo ciene, (na rĩrĩ, ũrĩa wĩkaga ũguo no mũhoi mĩhianano), andũ acio-rĩ, gũtirĩ wĩ na igai o na rĩrĩkũ akagaĩrũo ũthamaki-inĩ wa Kristo na wa Ngai. 6Menyai mũhenio nĩ mũndũ na ciugo cia tũhũ: nĩ gũkorũo maũndũ macio nĩmo matũmaga marakara ma Ngai makinyĩrĩre rũciaro rũrĩa rũa andũ aremu. 7Tondũ ũcio-rĩ, tigagai kũgwatanĩra nao maũndũ macio: 8nĩ ũndũ rĩa mbere mwarĩ o nduma, no rĩu mũrĩ ũtheri nĩ ũndũ wa Mwathani. Thiagai na mĩthiĩre ĩrĩa ya ciana cia ũtheri, 9nĩ ũndũ maciaro ma ũtheri nĩmonekaga na ũhoro wothe wa gwĩkana wega, na wa ũthingu o na ũhoro-ũrĩa-wa-ma; 10na mũroragie maũndũ mũmenye marĩa makenagia Mwathani. 11Ningĩ mũtikanagĩe ngwatanĩro na arĩa marutaga mawĩra ma nduma-inĩ, marĩa matarĩ na maciaro, no kaba mũmaguũragie moimbũke. 12Tondũ-rĩ, o na kwaria ũhoro wa maũndũ marĩa mekagwo na hitho nĩ andũ acio nĩ ũndũ wĩ thoni. 13Ĩndĩ maũndũ mothe, rĩrĩa maguũragio moimbũke, nĩmonanagio nĩ ũtheri: amu kĩndũ o gĩothe kĩrĩa kĩonanĩtio nĩgĩtuĩkĩte o ũtheri. 14Nĩ ũndũ ũcio ekuuga atĩrĩ; Arahũka wee ũkomete, ũriũke uume kũrĩ arĩa akuũ, nake Kristo nĩegũkwarĩra.
15Nĩ ũndũ ũcio-rĩ, wĩmenyagĩrĩrei mũno mĩthiĩre ĩrĩa mũthiaga nayo, mũtigathiage na ĩrĩa ya irimũ, tiga o ĩrĩa ya andũ ogĩ, 16#Kol 4.5.na mũtigate ihinda rĩrĩa rĩagĩrĩru rĩa gwĩkaga wega, nĩ ũndũ matukũ maya tũrĩ namo nĩ moru. 17Nĩ ũndũ ũcio-rĩ, tigagai gũikara mũritĩte, no mũikarage mũmenyete ũrĩa Mwathani endaga gwĩkwo. 18Ningĩ mũtikanarĩwo nĩ ndibei, nĩ ũndũ ũrĩu nĩguo ũkĩragĩrĩria ũmaramari, 19#Kol 3.16,17.nĩ kaba mũiyũrũo nĩ Roho, mwaranagĩrie na thaburi na nyĩmbo cia Ngai, o na nyĩmbo cia kũguna maroho ma andũ, mũkĩinagĩra Mwathani na ngoro cianyu, na mũkĩmũhũragĩra kĩnanda. 20Ningĩ mũcokagĩrie Ngai, o we Ithe witũ, ngatho mahinda mothe nĩ ũndũ wa maũndũ mothe, thĩinĩ wa rĩĩtwa rĩa Mwathani witũ Jesu Kristo, 21mũkĩĩnyihanagĩria o mũndũ na mũndũ ũrĩa ũngĩ nĩ ũndũ wa ũrĩa mwĩtigĩrĩte Kristo.
22 #
Kol 3.18; 1 Pet 3.1. Inyuĩ atumia, athĩkagĩrai athuri anyu inyuene, o ta ũrĩa mũngĩathĩkagĩra Mwathani. 23Tondũ mũndũ mũrũme nĩwe mũtwe wa mũtumia, o ta ũrĩa Kristo nake arĩ we mũtwe wa kanitha, akĩrĩ o we mũhonokia wa mwĩrĩ ũcio. 24Na rĩrĩ, o ta ũrĩa kanitha wathĩkagĩra Kristo, o ũguo noguo kwagĩrĩire atĩ atumia nao maathĩkagĩre athuri ao maũndũ-inĩ mothe.
25 #
Kol 3.19; 1 Pet 3.7. Inyuĩ athuri-rĩ, endagai atumia anyu o ta ũrĩa Kristo nake endire kanitha, akĩya kwĩneana nĩ ũndũ waguo; 26nĩ getha awamũre aũtherie, nĩ kũũthambia gũthambia kũrĩa kwa maĩ hamwe na Ũhoro, 27nĩ getha ahote kwĩrehere kanitha wĩ riri, ũtarĩ na kĩmeni, kana handũ hagũtharu, kana ũndũ o na ũmwe ta ũcio; no ũtuĩke mũtheru, na ũkaaga kaũũgũ. 28O ũguo noguo athuri nao maagĩrĩirũo nĩ kwendaga atumia ao ene, o ta arĩ o mĩĩrĩ yao ene. Mũndũ ũrĩa wendaga mũtumia wake, nĩwe wĩendaga: 29nĩ ũndũ gũtirĩ kwonwo mũndũ ũthũire mwĩrĩ wake mwene; no nĩ kũũhe aũheaga irio na akaũikaragia wega, o ta ũrĩa Kristo nake ekaga kanitha: 30nĩ ũndũ tũrĩ ciĩga cia mwĩrĩ wake. 31#Kĩam 2.24.Tondũ ũcio-rĩ, mũndũ nĩatigane na ithe na nyina, agwatanio na mũtumia; nao erĩ matuĩke mwĩrĩ ũmwe. 32Ũcio nĩ ũhoro wa hitho, wĩ bata o ma; no ngiuga ũguo-rĩ, nĩ ũhoro wa Kristo na kanitha ndĩragweta. 33No rĩrĩ, o na gwatuĩka nĩ ũguo-rĩ, inyuĩ na inyuĩ, o mũndũ nĩendage mũtumia wake, o ta ũrĩa eendete we mwene: o nake mũtumia ndakaage gwĩtigĩra mũthuriwe.
Currently Selected:
AEFESO 5: OGKBIBLE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
