AEFESO 4
4
1NĨ ũndũ ũcio-rĩ, niĩ ndũire njohetwo nĩ ũndũ wa Mwathani, ndamũthaitha mũthiage na mĩthiĩre ĩrĩa yaganĩrĩire na ũhoro ũrĩa mwĩtĩirũo, 2#Kol 3.12,13.mwĩnyihĩtie mũno, na mũhoreire, na mũkirĩrĩirie, na ningĩ mũkiranagĩre mwendaine o mũndũ na mũndũ; 3na mwĩkagĩre kĩyo gĩa gũtũũra mũgwatanĩtio hamwe na ngwatanĩro ĩrĩa yumaga kũrĩ Roho, muohanĩtio na thayũ. 4Nĩkũrĩ mwĩrĩ o ũmwe, na Roho o ũmwe, o ta ũrĩa na inyuĩ mwetirũo mwĩrĩgagĩrĩre kĩĩrĩgĩrĩro o kĩrĩa kĩmwe kĩegemaine na gwĩtwo kwanyu. 5Nake Mwathani no ũmwe, naguo wĩtĩkio o ũmwe, nakuo kũbatithio o kũmwe, 6nake Ngai no ũmwe, nĩwe Ithe wa andũ othe, ũrĩa ũkĩrĩte andũ othe, na akaiyũra guothe, o na agatũũra thĩinĩ wa andũ othe. 7No rĩrĩ, o mũndũ o mũndũ witũ nĩaaheirũo Wega wa Ngai, kũringana na ũrĩa aagerereirũo kĩheo nĩ Kristo. 8#Thab 68.18.Nĩ ũndũ wa ũguo kuugĩtwo atĩrĩ,
Hĩndĩ ĩrĩa aambatire Igũrũ, nĩetahĩire itaha,
Na akĩhe andũ iheo.
9(Rĩu-rĩ, ciugo ici atĩ, Aambatire Igũrũ, to cia kuonania atĩ o na gũikũrũka nĩaaikũrũkĩte gũkũ thĩ kũriku? 10Ũcio waikũrũkire nowe ũrĩa waambatire Igũrũ, o Igũrũ mũno, nĩ getha aiyũre kũndũ guothe). 11Agĩkĩheana amwe matuĩke atũmwo, na angĩ anabii, na angĩ ahunjia, na angĩ arĩithi a ngoro cia andũ, o na arutani; 12nĩ getha andũ arĩa aamũre matuĩke aagĩrĩru kũna, naguo wĩra wa gũtungatanĩra ũrutagwo, naguo Mwĩrĩ wa Kristo wongererũo hinya: 13o nginya hĩndĩ ĩrĩa ithuĩ ithuothe tũgakinyĩrĩra ũhoro wa gwĩtĩkia wĩtĩkio o ũmwe, o na wa kũmenya Mũrũ wa Ngai, na o mũndũ witũ atuĩke mũndũ mũgima ũrĩ na kĩũga kĩiganaine na kĩrĩa gĩa Kristo, arĩ we ũiyũrĩte ũgima wothe: 14nĩguo tũtige gũikaraga tũrĩ o ciana tũkĩagaagagio tũgĩtwarangagwo nĩ ũrutani o wothe, ta arĩ rũhuho rũgũtũhuruta, o na kana tũtwaragĩrĩrio nĩ ũhinga wa andũ, o na wara ũrĩa mahenagĩrĩria andũ naguo makamahĩtithia. 15No rĩrĩ, nĩ kaba twaragie ũhoro-ũrĩa-wa-ma tũkĩendanaga, na tũkũrakũrage maũndũ-inĩ mothe tũkĩmũkinyagĩrĩra o we ũrĩ Mũtwe, nĩwe Kristo. 16#Kol 2.19.Naguo ũhoro ũyũ uumaga harĩ we, atĩ mwĩrĩ wothe ũthondekagwo ũkagwatanio hamwe, nĩ ũrĩa nyunĩro ciohanagia ciĩga ciaguo, o kĩĩga gĩgĩteithanagia wega na kĩrĩa kĩngĩ, naguo ũgakĩĩongagĩrĩra hinya ũgakũrakũraga nĩ ũndũ wa kwendana.
17Nĩ ũndũ ũcio nguuga atĩrĩ, na ngamuumbũrĩra ndĩ thĩinĩ wa Mwathani, atĩ mũtigacoke gũthiaga na mĩthiĩre ĩrĩa andũ a Ndũrĩrĩ mathiaga nayo, marũmanĩrĩire na uungumania wa meciria mao. 18Andũ acio-rĩ, ha ũhoro wa ũũgĩ no matũire nduma-inĩ, na nĩmaamũranĩtio na muoyo wa Ngai nĩ ũndũ wa ũrimũ ũrĩa ũrĩ thĩinĩ wao, uumanĩte na ũrĩa ngoro ciao ciũmĩte; 19nao nĩ ũndũ wa rũtũrĩko rũa ngoro ciao, nĩmetwarĩrĩirie maũndũ-inĩ ma ũũra-thoni, magekaga waganu wa mĩthemba yothe me na thuti ciaguo. 20No inyuĩ-rĩ, ũguo tiguo mwĩrutĩte ũhoro wa Kristo; 21mũngĩkorũo ti-itherũ nĩmũiguĩte mũgambo wake, na mũkarutwo ũhoro mwĩ thĩinĩ wake, o ũhoro-wa-ma ũrĩa wĩ na Jesu. 22#Kol 3.9.Ha ũhoro wa mĩthiĩre yanyu ya mbere-rĩ, ĩaũrei mũndũ ũrĩa wa tene, ũrĩa ũthũkĩte nĩ ũndũ wa kũrũmĩrĩra merirĩria ma kũhenania; 23na mwerũhio maroho o na meciria manyu, 24#Kol 3.10; Kĩam 1.26.na mwĩhumbe mũndũ ũrĩa mwerũ, o ũrĩa wombirũo ahaanaine na Ngai, e na ũthingu, na ũtheru ũrĩa uumanĩte na ũhoro-wa-ma.
25 #
Zek 8.16. Nĩ ũndũ ũcio-rĩ, eheriai maheni na mwaranagĩrie ũhoro-wa-ma o mũndũ na mũndũ ũrĩa ũngĩ; amu o mũndũ witũ no kĩĩga kĩa ũrĩa ũngĩ. 26#Thab 4.4.Mwarakara-rĩ, wĩmenyagĩrĩrei mũtikanehie; na mũtikanathũithie riũa mũrakaire: 27o na mũtikanarekererie mũcukani one kamweke. 28Mũndũ ũrĩa ũiyaga nĩatige gũcoka kũiya; kaba arutage wĩra akĩĩnogagia, ekage na moko make maũndũ marĩa mega, nĩ getha one kĩndũ gĩa kũhe mũndũ ũrĩa ũbataire. 29Tigagai kwaria ciugo njũru na tũnua twanyu; kaba mwaragie ciugo iria ciagĩrĩire cia kũguna andũ hĩndĩ ĩrĩa mabataire, nĩguo itũme arĩa maciiguaga magĩage na Wega wa Ngai. 30Na rĩrĩ, mũtikanaiguithie Roho Mũtheru wa Ngai ũũru, o we ũrĩa mwekĩrirũo rũũri nĩwe o nginya mũthenya ũrĩa wa gũkũũrũo ũgakinya. 31Eheriai kũrĩ inyuĩ ũhoro wothe wa gũtũũranĩria ũũru ngoro, o na mang’ũrĩka na marakara na gũtetania na kũrumana, na ningĩ mweherie muku wothe. 32#Kol 3.13.Tuganagai o mũndũ na mũndũ ũrĩa ũngĩ, na mũiguanagĩre tha, mũkĩohanagĩra mehia o mũndũ na mũndũ ũrĩa ũngĩ, o ta ũrĩa Ngai nake amuoheire mehia manyu, arĩ thĩinĩ wa Kristo.
Currently Selected:
AEFESO 4: OGKBIBLE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
