GŨCOKERITHIA MAATHANI 34

1Thutha wa ũguo Musa agĩkĩambata kĩrĩma kĩa Nebo oimĩte werũ ũrĩa mwaraganu wa Moabi, agĩkinya o gacũmbĩrĩ ka Pisiga, karĩa kang’etheire Jeriko. Nake Jehova agĩkĩmuonia bũrũri wothe wa Gileadi, o nginya Dani, 2na Nafitali guothe, o na bũrũri wothe wa Efiraimu na Manase, o na bũrũri wothe wa Juda, o nginya iria-inĩ rĩa mwena wa ithũĩro 3o na akĩmuonia bũrũri wa Gũthini, o na werũ wa kĩanda kĩa Jeriko, itũũra rĩrĩa rĩĩtagwo itũũra rĩa mĩkĩndũ, o nginya Zoaru. 4#Kĩam 12.7; Kĩam 26.3; Kĩam 28.13.Nake Jehova akĩmwĩra atĩrĩ, Kũrĩa nĩkuo bũrũri ũrĩa nderĩire Iburahimu, na Isaaka, o na Jakubu, na mwĩhĩtwa, ngiuga ũũ: Ũcio nĩguo ngahe mbeũ yaku. Bũrũri ũcio-rĩ, nĩndareka ũwĩyonere na maitho maku, no ndũringa kuo. 5Tondũ ũcio Musa, ndungata ĩo ya Jehova, agĩgĩkuĩra kũu, o kũu bũrũri wa Moabi, o ta ũrĩa kiugo kĩa Jehova gĩatariĩ. 6Nake akĩmũthika gĩtuamba-inĩ kĩrĩa kĩng’etheire Bethi-peoru, o kũu bũrũri wa Moabi na gũtirĩ mũndũ o na ũmwe ũrĩ wamenya harĩa mbĩrĩra yake ĩrĩ o na ũmũthĩ. 7Nake Musa agĩkua aninĩte mĩaka igana rĩa mĩrongo ĩĩrĩ; na maitho make matiorĩte, kana hinya wake wa mwĩrĩ ũkanyihanyiha. 8Nacio ciana cia Isiraeli ikĩrĩrĩra Musa o kũu werũ-inĩ ũcio mwaraganu wa Moabi matukũ mĩrongo ĩtatũ. Namo matukũ macio ma kũrĩrĩra Musa magĩgĩthira. 9Nake Joshua wa Nuni agĩkorũo nĩaiyũrĩtwo nĩ roho wa ũũgĩ; nĩ ũndũ Musa nĩamũigĩrĩire moko; nacio ciana cia Isiraeli ikĩmũigua, nake agĩgĩĩka o ta ũrĩa Jehova aathĩte Musa gwĩkwo. 10#Thama 33.11.Na rĩrĩ, kũu Isiraeli kuuma ihinda rĩu gũtiigana gũcoka kũgĩa mũnabii ũngĩ ũtariĩ ta Musa, ũrĩa Jehova aamenyanĩte nake na ũndũ wa kuonana ũthiũ na ũthiũ. 11Ningĩ gũtiigana kũgĩa ũngĩ take ũhoro-inĩ wa kũringa ciama, o na gwĩka maũndũ ma kũgegania, marĩa Jehova aamũtũmĩte ageke kũu bũrũri wa Misiri harĩ Firauni, na ndungata ciake ciothe, o na bũrũri wake wothe, 12o na maũndũ-inĩ marĩa mekagwo na guoko kwĩ hinya, o na maũndũ manene ma kũguoyohania marĩa mothe mekirũo nĩ Musa, akĩonagwo nĩ andũ othe a Isiraeli.

Currently Selected:

GŨCOKERITHIA MAATHANI 34: OGKBIBLE

Highlight

Copy

Compare