GŨCOKERITHIA MAATHANI 26

1Na nĩgũgatuĩka atĩrĩ, atĩ hĩndĩ ĩrĩa ũgakinya bũrũri ũrĩa Jehova Ngai waku akũheaga, ũwĩgwatĩre ũtuĩke igai rĩaku, na ũũtũũre; 2#Thama 23.19.no mũhaka ũkoya maciaro ma mbere ma irio cia mĩthemba yothe ya mĩgũnda yaguo, o marĩa ũkona ma kũinũkia moimĩte mĩgũnda ya bũrũri ũcio Jehova Ngai waku akũheaga, ũmekĩre kĩondo, ũcoke ũthiĩ nakĩo o handũ harĩa Jehova Ngai waku agathura nĩguo rĩĩtwa rĩake rĩtũũre ho; 3nawe ũgagĩthiĩ he mũthĩnjĩri-Ngai ũrĩa ũgakorũo ho matukũ macio, ũmwĩre atĩrĩ, Nĩngũheana ũhoro njĩre Jehova Ngai waku mũthenya ũyũ wa ũmũthĩ, atĩ nĩnginyĩte bũrũri ũrĩa Jehova ehĩtire akĩĩra maithe maitũ atĩ nĩagatũhe. 4Nake mũthĩnjĩri-Ngai ũcio aiyũkie kĩondo kĩu, akĩrute guoko gwaku, akĩige thĩ o hau mbere ya kĩgongona kĩa Jehova Ngai waku. 5Nawe hĩndĩ ĩo ũgagĩcokĩa uugĩre o hau mbere ya Jehova Ngai waku atĩrĩ, Baba aarĩ Mũsuriata worũraga; nake agĩgĩikũrũka agĩthiĩ Misiri, agĩtũũra kuo e mũgeni, andũ ake marĩ anyinyi mũno magĩtarũo; nao magĩkĩingĩhĩra kuo magĩtuĩka rũrĩrĩ rũnene, na rũĩ hinya, na rũa andũ aingĩ mũno; 6nao andũ a Misiri magĩtũhinyĩrĩria, na magĩtũnyarira, magĩtũigĩrĩra mawĩra ma hinya mũno matũtuĩte ngombo ciao; 7na ithuĩ tũgĩgĩkaĩra Jehova, Ngai wa maithe maitũ nake Jehova akĩigua gũkaya kũu gwitũ, nake akĩona ũrĩa tũranyarirũo, o na wĩra ũrĩa tũrarutithio wa hinya, o na kũhinyĩrĩrio kũrĩa tũrahinyĩrĩrio; 8nake Jehova agĩtũruta Misiri, na njara ĩrĩ hinya, o na guoko gũtambũrũkĩtio, hamwe na maũndũ ma kũguoyohania mũno, na kũringa ciama, o na maũndũ ma kũgegania; 9nake nĩatũrehete kũndũ gũkũ, agatũhe bũrũri ũyũ, o bũrũri wĩ bũthi wa iria, o na ũũkĩ. 10Na atĩrĩrĩ, wee Jehova, rĩu nĩndakũrehere maciaro ma mbere ma thĩ ĩno ũ’heete. Nawe ũkĩmaige thĩ mbere ya Jehova Ngai waku, ũcoke ũinamĩrĩre mbere ya Jehova Ngai waku, ũmũhoe; 11nawe nĩũgakena nĩ ũndũ wa maũndũ mothe mega marĩa Jehova Ngai waku akũheete, wee mwene, na nyũmba yaku, na Mũlawii, o na mũndũ wa kũngĩ ũrĩa ũtũũranĩtie nawe.

12 # Gũcok 14.28,29. Na rĩrĩ, mwaka wa ĩtatũ, naguo nĩguo mwaka ũrĩa gĩcunjĩ gĩa ikũmi kĩrutagwo-rĩ, warĩkia kũruta gĩcunjĩ kĩu gĩaku gĩa ikũmi kĩa indo ciothe iria irutagwo ituĩke gĩcunjĩ kĩu gĩa ikũmi, o ta ũrĩa indo ciaku igakorũo ciingĩhĩte-rĩ, nĩũgakĩhe Mũlawii, o na mũndũ wa kũngĩ, o na mwana wa ngoriai, o na mũtumia wa ndigwa, nĩ getha marĩĩre irio itũũra-inĩ rĩanyu thĩinĩ, maihũne; 13nawe ũgĩcoke uugĩre mbere ya Jehova Ngai waku atĩrĩ, Indo iria ciamũrĩtwo nĩndacieheria ndaciruta gwakwa mũciĩ, ndacihe Mũlawii, na mũndũ wa kũngĩ, na mwana wa ngoriai, o na mũtumia wa ndigwa, o ta ũrĩa maathani maku mothe marĩa ũnjathĩte matariĩ; ndiagararĩte maathani macio o na rĩmwe, kana ngariganĩrũo nĩmo; 14indo icio ndirĩ ndacirĩa hĩndĩ ĩrĩa ngũrĩrĩra kĩimba, kana ngĩcioya ngĩcieheria ndĩ na thahu, kana ngĩciheana nĩ ũndũ wa andũ akuũ nĩnjiguĩte uuge wa Jehova Ngai wakwa, na ngeka maũndũ mothe o ta ũrĩa ũnjathĩte. 15Ndagũthaitha ũrore thĩ wĩ gĩikaro-inĩ kĩu gĩaku gĩtheru, o kũu igũrũ matu-inĩ, ũrathime andũ aku Isiraeli, o na thĩ ĩno ũtũheete, o ta ũrĩa wehĩtire ũkĩĩrĩra maithe maitũ atĩ nĩũgatũhe bũrũri wĩ bũthi wa iria na ũũkĩ.

16Mũthenya ũyũ wa ũmũthĩ Jehova Ngai waku egũgwatha atĩ ũmenyagĩrĩre irĩra icio cia watho wa kũrũmĩrĩrũo na matuĩro ma cira; tondũ ũcio tũũra ũmamenyagĩrĩra na ngoro yaku yothe, o na muoyo waku wothe, o na ũmekage. 17Ũmũthĩ nĩwoimbũranĩra atĩ Jehova nĩwe Ngai waku, na atĩ nĩwagĩrĩirũo nĩ gũthiaga na njĩra ciake, na kũmenyagĩrĩra irĩra cia watho wake wa kũrũmĩrĩrũo o na maathani make, o na matuĩro make ma cira, na kũiguaga uuge wake; 18#Thama 19.5; Gũcok 4.20; 7.6; 14.2; Tit 2.14; 1 Pet 2.9.nake Jehova nĩoimbũranĩire ũmũthĩ atĩ wee wĩ rũrĩrĩ rũĩ bata mũno rũamũrĩirũo we mwene, o ta ũrĩa aakwĩrĩire, na atĩ nĩ wega ũikarage ũrũmĩtie maathani make mothe; 19na atĩ nĩegũkũnenehia gũkĩra ndũrĩrĩ iria ingĩ ciothe iria ombire, ũhoro-inĩ wa ngumo, na kũgĩa igweta, o na gũtĩĩka; na atĩ ũtuĩke rũrĩrĩ rũamũrĩirũo Jehova Ngai waku, o ta ũrĩa oigĩte.

Currently Selected:

GŨCOKERITHIA MAATHANI 26: OGKBIBLE

Highlight

Copy

Compare