AKOLOSAI 3
3
1 #
Thab 110.1. HAKĨRĨ ũguo-rĩ, mũngĩkorũo nĩmwariũkirio hamwe na Kristo, no kĩmathagei maũndũ marĩa marĩ Igũrũ, kũrĩa Kristo arĩ, aikaire guoko-inĩ kwa ũrĩo kwa Ngai. 2Rũmbũyagiai maũndũ marĩa marĩ Igũrũ, na mũtigage kũrũmbũria marĩa marĩ thĩ. 3Nĩ ũndũ nĩmwakuire, naguo muoyo wanyu nĩ mũhithe hamwe na Kristo thĩinĩ wa Ngai. 4Na rĩrĩa Kristo, o we ũrĩ muoyo witũ, akonanio, hĩndĩ ĩo o na inyuĩ nĩmũkonanio hamwe nake mwĩ na riri.
5Nĩ ũndũ ũcio, tuagai ciĩga cianyu iria irĩ gũkũ thĩ ta ikuĩte; nacio nĩ ici, atĩrĩ, ũmaraya, na meciria mathũku, na thuti njũru, na kwĩrirĩria maũndũ moru, na gũcumĩkĩra, nakuo no ũndũ ũmwe na kũinamĩrĩra mĩhianano na kũmĩhoya. 6Maũndũ macio-rĩ, nĩmo matũmaga marakara ma Ngai makinyagĩre andũ a rũciaro rũrĩa rũremu; 7namo nĩmo mwathiaga namo rĩa mbere, hĩndĩ ĩrĩa mwatũire mũmekaga. 8No rĩu kĩeheriei maya mothe o namo: marakara, na mang’ũrĩka, na muku, na kũrumana, na kwaria maũndũ ma thoni na kanua. 9#Ef 4.22.Tigagai kũhenania na kanua o mũndũ na ũrĩa ũngĩ, kuona atĩ nĩmwĩaũrĩte mũndũ ũrĩa wa tene, o na ciĩko ciake 10#Ef 4.24; Kĩam 1.26.na mũkehumba mũndũ ũngĩ mwerũ, ũrĩa werũhagio o nginya agĩe na ũmenyo, agakĩgĩa na mũhianĩre wa ũrĩa wamũũmbire. 11Na ũhoro-inĩ ũcio-rĩ, gũtingĩgĩa na Mũyunani kana Mũyahudi; mũndũ ũruĩte kana mũndũ ũtaruĩte, mũndũ mũcenji#3.11 Mũcenji: rora kohoro kaandĩkĩtwo Atũm 28.2. kana Mũsikuthi#3.11 Mũsikuthi: acio nĩ rũrĩrĩ rũa tene rũa atoi.; o na ngombo kana mũndũ ũtarĩ ngombo; no Kristo wiki na nĩwe ũiyũire guothe.
12 #
Ef 4.2. Tondũ ũcio-rĩ, kuona atĩ mũrĩ athure nĩ Ngai, mũgagĩtuĩka andũ atheru mendetwo nĩwe, wĩhumbei mwĩhumbĩre wa ngoro ũrĩa wa kũiguanĩra tha, na wa gũtugana, na kwĩnyihia, na kũhorera, o na gũkirĩrĩria, 13#Ef 4.32.mũgĩkiranagĩra na mũkĩohanagĩra o mũndũ na ũrĩa ũngĩ, angĩkorũo nĩharĩ mũndũ matetanĩtie na ũrĩa ũngĩ-rĩ; kĩohanagĩrei inyuene o ta ũrĩa Mwathani nake aamuoheire inyuĩ. 14Ningĩ gũkĩra maũndũ macio mothe-rĩ, gĩagai na wendani, na nĩguo wohanagia maũndũ mothe hamwe nĩguo maagĩrĩre kũna. 15Rekei thayũ wa Kristo ũteithũranage maũndũ mothe ngoro-inĩ cianyu; na nĩguo mwetĩirũo mwathagwo nĩguo, kuona atĩ mũrĩ a mwĩrĩ ũmwe; ningĩ mũgĩage na ngatho. 16#Ef 5.19,20.Rekei Ũhoro wa Kristo ũikarage ũingĩhĩte mũno thĩinĩ wanyu, ũkĩmũũhĩgagia na ũũgĩ wothe; na mũrutanage inyuĩ ene, mũgĩtaaranaga na thaburi, na nyĩmbo cia Ngai, o na nyĩmbo cia kũguna maroho ma andũ, mũkĩinagĩra Ngai mũrĩ na Wega wake thĩinĩ wa ngoro cianyu. 17Na ningĩ atĩrĩ, maũndũ marĩa mothe mũrĩĩkaga, mũkĩaria o na kana mũgĩĩka ũndũ o ũrĩkũ-rĩ, mekagei na rĩĩtwa rĩa Mwathani Jesu, mũgĩcokagĩria Ngai Ithe witũ ngatho na ũndũ wake.
18 #
Ef 5.22; 1 Pet 3.1. Inyuĩ atumia-rĩ, athĩkagĩrai athuri anyu o ta ũrĩa kwagĩrĩire andũ arĩa maikaraga thĩinĩ wa Mwathani. 19#Ef 5.25; 1 Pet 3.7.Na inyuĩ athuri-rĩ, endagai atumia anyu, na tigagai kũmakũũma. 20#Ef 6.1.O na inyuĩ ciana, iguagai aciari anyu maũndũ-inĩ mothe, nĩ ũndũ ũguo nĩguo ũkenagia Mwathani. 21#Ef 6.4.Na inyuĩ maithe-rĩ, tigagai kũrakaria ciana cianyu, mũtigatũme igĩe na kĩnyiria. 22#Ef 6.5-8.Na inyuĩ ngombo-rĩ, athĩkagai maũndũ-inĩ mothe nĩ aathani arĩa mamwathaga ũhoro-inĩ wa mwĩrĩ; to hĩndĩ ĩrĩa mekũmũrora na maitho, o ta mũgwĩcukumithania nao, no makĩria maathĩkagĩrei mũtarĩ na ũhinga ngoro, mũgĩĩtigagĩra Mwathani. 23Na rĩrĩ, ũndũ o wothe mũgwĩka-rĩ, wĩkagei na ngoro o ta arĩ wĩra wa Mwathani mũraruta, na ti wa andũ, 24mũkĩmenyaga atĩ nĩ Mwathani ũkamũhe kĩrĩa mwĩrĩirũo, arĩ kĩo igai rĩanyu: nĩ Mwathani Kristo mũtungatagĩra. 25#Gũcok 10.17; Ef 6.9.Tondũ-rĩ, mũndũ ũrĩa wĩkaga ũũru nĩagathukĩrũo na ũũru o ta ũcio ekĩte: na gũtirĩ ũhoro wa gũtĩĩra andũ maũthĩ.
Currently Selected:
AKOLOSAI 3: OGKBIBLE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
