2 AKORINTHO 9
9
1RĨU-RĨ, ha ũhoro wa ũteithio ũcio wa gũteithia andũ arĩa aamũre-rĩ, ndibataire nĩ kũmwandĩkĩra ũndũ. 2Amu nĩnjũĩ ũrĩa mũkoragwo mwĩendeire gwĩka ũguo, naguo ũndũ ũcio nĩguo ũtũmaga ndĩĩrahe nĩ ũndũ wanyu kũrĩ andũ a Makedonia, ngamera atĩ, ta mwaka ũmwe ũthirĩte, andũ a Akaia nĩmatũire methagathagĩte, na kĩyo kĩu kĩanyu nĩkĩo kĩarahũrĩte andũ arĩa aingĩ thĩinĩ wao. 3No rĩrĩ, nĩndatũma ariũ a Ithe witũ acio nĩ getha, ha ũhoro ũcio wa mũhothi-rĩ, ũhoro witũ wa kwĩraha nĩ ũndũ wanyu ndũkae gũtuĩka wa tũhũ; nĩguo mũgakorũo mũrĩkĩtie gwĩthagathaga, o ta ũrĩa ndoigire; 4nĩ getha gũtigatuĩke atĩ andũ a Makedonia amwe mangĩrehane na niĩ, na mamũkore mũtethagathagĩte-rĩ, ithuĩ twaya gũconoka nĩ ũndũ wa ũguo tũmwĩhokete. (Na rĩrĩa nguuga “ithuĩ,” nĩ ndikae kũmũgweta inyuĩ). 5Hakĩrĩ ũguo-rĩ, nĩndonire atĩ mbataire nĩ gũthaitha ariũ acio a Ithe witũ maambe mathiĩ kwanyu, mathondeke kabere ũhoro wa mũhothi wanyu wa ũtugi, ũcio mweranĩire tene atĩ nĩmũkũruta, nĩ getha mũhothi ũcio ũgakorũo wĩ ho, ũhothetwo na kwĩendera na ti kũringĩrĩrio.
6Ũndũ kũrĩ nĩ atĩ, Ũrĩa ũkũhanda tũnini akagetha o tũnini, nake ũrĩa ũkũhanda nyingĩ, nĩwe ũkagetha nyingĩ. 7Mũndũ o mũndũ nĩeke o ta ũrĩa acirĩire gwĩka na ngoro yake, na ndakarute kĩndũ ta egũkĩiguĩra ruo, kana ta arĩ kũringĩrĩrio aringĩrĩirio arute: nĩ gũkorũo Ngai endaga mũndũ ũrĩa ũkũheana akenete. 8Nake Ngai aahota gũtũma mũtũũre mũingĩhĩirũo maũndũ mothe ma ũtugi wake, nĩ getha inyuĩ, tondũ wa gũkoragwo hingo ciothe mũiganĩtie wega indo ciothe iria imũbatairie cia kwĩruta mabata manyu mothe-rĩ, mũkoragwo ningĩ mũingĩhĩtie cia kũrutaga wĩra o wothe mwega. 9#Thab 112.9.O ta ũrĩa haandĩkĩtwo, atĩrĩ,
Atũire aitangaga, akaheaga arĩa aagi;
Ũthingu wake ũtũũraga ũrũmĩte o kinya tene.
10 #
Isa 55.10. Nake ũrĩa ũheaga mũhandi mbeũ, na akaheanaga irio cia kũrĩa, nĩarĩmũheaga mbeũ cia kũhanda na aciingĩhagie, na ongagĩrĩre maciaro ma ũthingu wanyu: 11na mũgagĩtongagio na njĩra ciothe, mũhotage kũheana mũno na ũtana, naguo ũtana ũcio, tondũ wa wĩra witũ, ũtũme Ngai acokerio ngatho. 12Amu-rĩ, ũruti wa wĩra ũyũ wa gũteithia andũ to wa gũtũma andũ arĩa aamũre maiganwo nĩ kĩrĩa maagĩte, no ningĩ ũthothoraga mũno ũhoro wa gũcokeria Ngai ngatho nyingĩ. 13Wĩra ũcio wa gũtungatanĩra nĩ wa kuonania na kĩhooto ũrĩa mũtariĩ; andũ magakĩgooca Ngai nĩ ũndũ wa ũrĩa mwathĩkĩire Ũhoro-ũrĩa-Mwega wa Kristo, ũrĩa muumbũraga atĩ nĩmũwĩtĩkĩtie-rĩ, na nĩ ũndũ wa ũtana ũrĩa mũmahotheire naguo o ene, o na andũ arĩa angĩ othe; 14magakĩĩrirĩria kuonana na inyuĩ, o makĩmũhoyagĩra mũno, nĩ ũndũ wa ũrĩa mũkoragwo mũrĩ na Wega wa Ngai ũkĩrĩrĩirie mũno thĩinĩ wanyu. 15Nake Ngai arocokerio ngatho nĩ ũndũ wa kĩheo gĩake gĩtangiugĩka na ciugo ũrĩa gĩtariĩ!
Currently Selected:
2 AKORINTHO 9: OGKBIBLE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
