2 AKORINTHO 8
8
1 #
Rom 15.26. NA ningĩ, ariũ a Ithe witũ-rĩ, tũkũmũmenyithia ũhoro wa Wega wa Ngai, ũrĩa ũheanĩtwo makanitha-inĩ marĩa ma Makedonia; 2mũkĩmenye atĩ o hĩndĩ ĩrĩa andũ acio maageragio mũno tondũ wa mathĩna marĩa monete, gĩkeno kĩrĩa kĩingĩ matũire nakĩo, o hamwe na ũkĩaru wao mũnene igĩtũma maingĩhie ũtugi ũrĩa matuganaga naguo na ũtana. 3Tondũ-rĩ, niĩ nĩ niĩ mũira wa atĩ nĩmaaheanire indo o ta ũrĩa hinya wao waiganaga, ĩĩ-ni o na gũkĩra ũguo, nĩ ũndũ wa kwĩendera kwao, 4na magĩtũhoya na hinya mũno atĩ metĩkĩrio meke wega ũcio, magĩe ngwatanĩro-inĩ ĩo ya gũteithia andũ arĩa aamũre. 5Na magĩĩka ũndũ ũcio-rĩ, matiawĩkire ta ũrĩa twegereirie mangĩĩka, no rĩrĩ, nĩ kwamba maambire kwĩheana o ene kwĩ Mwathani, o na kũrĩ ithuĩ, tondũ wa ũrĩa Ngai endete. 6Tũkĩya kũringĩrĩria Tito atĩ kuona nĩwe waambĩrĩirie o mbere, acoke atuĩke wa kũhingia thĩinĩ wanyu wĩra ũcio wa ũtugi o naguo. 7Na rĩrĩ, o ta ũrĩa mũingĩhĩtie maũndũ mothe-rĩ, wĩtĩkio, na kũhota kwaria, na ũmenyo, o na kĩyo gĩtangĩnyiha, ningĩ wendani ũrĩa mũtwendete naguo-rĩ, kĩingĩhiei wega ũndũ ũyũ wa gũtugana o naguo.
8Ti gwatha ngũmwatha ngĩaria ũguo, tiga o kũgeria ndĩrageria wendani wanyu nyone ũrĩa ũrĩ wa ma, nĩ kũmũmenyithia kĩyo kĩrĩa andũ angĩ me nakĩo. 9Amu nĩmũũĩ Wega ũrĩa Mwathani witũ Jesu Kristo aarĩ naguo, mũgakĩmenya atĩ o na aarĩ gĩtonga, nĩaatuĩkire ngĩa nĩ ũndũ wanyu, nĩ getha inyuĩ mũtuĩke itonga nĩ ũndũ wa ũrĩa we aakĩarĩte. 10Naho ha ũhoro ũyũ, nĩ kuuga nguuga ũrĩa nguona arĩ guo mwega, nĩ gũkorũo ũguo noguo ũmwagĩrĩire, arĩ inyuĩ mwaambĩrĩirie gwĩka ũndũ ũcio mwaka ũmwe ũthirĩte, na to kũwĩka gwiki, no makĩria nĩ inyuĩ mwaambire kwenda gwĩka ũguo. 11Na rĩu ta hingiai kũwĩka o nakuo, nĩguo atĩ, o ta ũrĩa mwakorirũo mwĩendeire gwĩka, o na kũhingia mũkorũo mũhingĩtie ta ũrĩa hinya wanyu ũigana. 12Nĩ gũkorũo mũndũ angĩkorũo eyendeire gwĩka ũndũ, ũndũ ũcio nĩwĩtĩkagĩrũo kũringana na ũrĩa arĩ na indo na ti ũrĩa aciagĩte. 13Ndikuuga ũguo nĩguo andũ angĩ mehererio thĩna, na inyuĩ mũthĩne, 14no rĩrĩ nĩ getha kũigananio maũndũ, ihinda rĩrĩ ũrĩa inyuĩ mũingĩhĩtie indo ũtuĩke wa gũteithia wagi wao, nĩ getha rĩrĩa acio makaingĩhia indo, o nao magateithia wagi wanyu; nĩguo maũndũ maigananio. 15#Thama 16.18.O ta ũrĩa haandĩkĩtwo, atĩrĩ, Mũndũ ũrĩa wacokereirie nyingĩ ndaarĩ kĩndũ o na kĩ aatigarĩirio, o nake ũrĩa wacokereirie tũnini ndaanyihirie.
16No rĩrĩ, Ngai arogathwo tondũ wa ũrĩa ekagĩra ngoro ya Tito kĩyo gĩa kũrũmbũria mũno ũhoro wanyu, o ũndũ ũmwe na niĩ. 17Amu nĩetĩkĩrire kũigua ũrĩa twamũhatĩrĩirie, na ningĩ tondũ wa ũrĩa we mwene aarĩ na kĩyo kĩnene, akiuma gũkũ athiĩ kwanyu na kwĩendera gwake. 18Na rĩrĩ, hamwe nake nĩtwatũma mũrũ wa Ithe witũ ũrĩa wĩ na ngatho nene makanitha-inĩ mothe, nĩ ũndũ wa ũrĩa atungatagĩra Ũhoro-ũrĩa-Mwega; 19na to ũguo wiki, no ningĩ nĩwe wathurirũo nĩ makanitha atuĩke wa gũthiĩ rũgendo na ithuĩ ũhoro-inĩ wa mũhothi ũcio wa ũtugi, o ũcio tũrutagĩra wĩra nĩ getha tũgoocithagie Mwathani naguo, o na tuonanie ũrĩa twĩhaarĩirie gũteithania. 20Na tũkeherera ũndũ ũyũ atĩrĩ, atĩ tũtikae kuonerũo ũũru nĩ mũndũ o wothe ũhoro-inĩ wa wĩra wa gũtugana, ũcio tũramataga, 21#Thim 3.4.tondũ rĩrĩ, nĩ kũgeria tũgeragia gũthugunda maũndũ o marĩa mangĩonwo maagĩrĩire nĩ Mwathani, na towe wiki, o na monwo marĩ maagĩrĩru nĩ andũ o nao. 22Ningĩ hamwe na acio nĩtwatũma mũrũ wa Ithe witũ ũrĩa twanona kaingĩ atĩ arĩ na kĩyo kĩnene maũndũ-inĩ maingĩ, na rĩu arĩ nakĩo mũno makĩria nĩ ũndũ wa ũrĩa amwĩhokete mũno. 23Mũndũ angĩũria ũhoro wa Tito-rĩ, we nĩ mũthiritũ wakwa ũrĩa tũrutithanagia wĩra nake nĩ ũndũ wanyu; na ha ũhoro wa ariũ a Ithe witũ, acio angĩ-rĩ, nĩo atũmwo a makanitha, nao nĩo monanagia riri wa Kristo. 24Tondũ ũcio-rĩ, oniai andũ acio kĩhooto, mũkĩonagwo nĩ makanitha, kĩa ũrĩa wendani wanyu ũhaana, o na kĩa maũndũ marĩa matũmaga twĩrahe nĩ ũndũ wanyu.
Currently Selected:
2 AKORINTHO 8: OGKBIBLE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
