Matayo 5
5
Tona yugopai ri bagangara yo
(Mt. 5:1—7:29)
1Wa Yesu abi rimbasa, ko ki dakpa ku ri bagangara yo: ho ko asungu ni, gako abawiriki ki ye fuo ko. 2Ko ki za ngbako ki ta raba yo niya,
Aboro maku
(Rk. 6:20-23)
3“Aboro maku nga agu yo ini he ya i du ni zezere yo, bambiko gu ngbi nga ga ngbangbaturũ nga gayo.
4“Aboro maku nga agu yo narungo, bambiko i afú wasa fu yo.
5“Aboro maku nga bayee aboro, bambiko i adú ni adikumbo zegino.
6“Aboro maku nga agu yo gomoro amanga yo na gomoro ime tipa rurupai, bambiko i ambíka.
7“Aboro maku nga airahipai, bambiko i ahi pai fu yo.
8“Aboro maku nga agu yo du ziazia kpotoyo yo, bambiko i abí Mbori.
9“Aboro maku nga aboro azarõ, bambiko i ayá ti yo awiri Mbori.
10“Aboro maku nga agu yo i arungosi yo tipa rurupai, bambiko gu ngbi nga ga ngbangbaturũ nga gayo.
11“Maku fu roni ho aboro ka paa ni na oni, ki nirungosi roni, ki nigumba dungu apai kuti rimoroni ni wia tipa re. 12Oni sámbua tironi asambua, ki ningi angi; bambiko gaoni mosoro du ngbangbaturũ yo kii gbe: bambiko kina wo i amangi anebi nadu mbata fu roni.
Tikpo na imarago
(Mk. 9:50; Rk. 4:34-35)
13“Ga zegino tikpo nga oni; ono ka tikpo ahia nga ya, si ahia be gine? si angba nga tipa he wa sa te, kina ba ha aba i ki simbi he ni nduyo.
14“Ga zegino imarago nga oni. Gu bakporo dua yo ri bagangara ka i oko nga ha te. 15Ka boro tigi nga baro ki moi he tii maduka yo te, ono ni nidua ha auru nguaha; si ki nihasi rago fu agu yo dunduko du dimo yo. 16Imaroni hasi rago ahasa ku bangiri aboro i bi gaoni ruruapai, ka taasa rimo Baroni du ngbangbaturũ yo.
Ga Yesu yugopai tipa rugute
17“Ka oni bérẽ nga ha ya mi aye ka gbarasa rugute ya na anebi a ya; mi aye nga ka gbarasa apai te, mi aye ka digisa ha. 18Ya mi fu roni ni rengo, Daho ngbangbaturũ ka nyasa ni, na kpotosende, wiri toni he akpara nga ti rugute wa sa te, daho i ka digisa apai ni dunduko. 19Gu ni ka ingi ti gu gi rugute du ni toni he re, ki nirugu aboro i mangi wo, i aya ti ni payapaya boro susi rogo gu ngbi nga ga ngbangbaturũ. Ono gu ni ka manga ha ki niyugu he, i ayá ti ni kikii boro rogo gu ngbi nga ga ngbangbaturũ. 20Bambiko ya mi fu roni wẽ, ka gaoni ruruapai akia nga ti gu ruruapai nga ga abakeapai na aFarusi ya, oni aríma nga ku rogo gu ngbi nga ga ngbangbaturũ wa sa te.
Ga Yesu yugopai tipa zinga
(Rk. 12:57-59)
21“Oni agi he wa i agumba ha fu yo bakuru yo ya, ‘Ka mo imi nga boro ya; gu ni ka imi boro ni du ngba pai yo be sapangbanga.’ 22Ono ya mi fu roni, agu aboro dunduko nikazinga kuti awirinayo i nikadu ngba pai yo be sapangbanga: na gu ni ka ya fu wirinani, ‘Kungba he nga mo!’, ni nikadu ngba pai yo be abororondo, na gu ni ka ya, ‘Irapupo nga mo!’ Ni nikadu ngba pai yo be gu we du Geyena yo. 23Were ka mo agama ga gamahe bamotumo yo, mo ki tingidi he si ngia pai dagba roni na wirinamo, 24mo ki he ga gamahe barangba bamotumo yo, ki guari, mo ki mbakadi pai dagba roni na wirinamo mbata, mo nikaye ka gama ga gamahe. 25Mo ídi pai fu vuraro ni ipo wa du mo na ko gene; vuraro ka fu ro ku be basapungbanga, basapungbanga ki fu ro ku be baira abanzengere, i ki ba ro ku bambukisa yo. 26Ya mi foro ni rengo, ka mo guari nga yo wa sa ya, daho mo ka gasa ga yangara rukutu amarã sirigi dunduko ni.
Ga Yesu yugopai tipa pa bari
27“Oni agi he wa i agumba ha, ‘Ka mo mángi nga bari ya.’ 28Ono ya mi fu roni wẽ gu ni nangana de ni nyemu ri ni ima manga bari na ri kpotoni yo. 29Si ngia kumbabangiro ka mangi ro mo koto, mo mo ho amo, ki ba ha; bambiko ka gu paro kpi sa, si ngba ti ro ti ba yo bororo dunduko ku Geyena yo. 30Si ngia kumbabero ka mangi ro mo koto, mo yére he ayera, ki ba ha; bambiko ka gu paro kpi sa, si ngba ti ro, ti ndu bororo dunduko ku Geyena yo.
Ga Yesu yugopai tipa pa mbu de
(Mt. 19:9; Mk. 10:11-12; Rk. 16:18)
31“I agumba ha a, ya ‘Gu ni ka he diani ni fu waraga kpara boro na diani fu ri.’ 32Ono ya mi fu roni wẽ, gu ni ka he diani tipa kura pai angia nga pa bari ya, ni sa ri ni debari; gu ni nikadia ri fuo he yo ri, ni namanga pa bari.
Ga Yesu yugopai tipa zungahe
33“Oni agi he berewe, wa i agumba ha fu agu yo nadu mbata ya, ‘Ka mo zúnga nga he ni biriki ya, ono mo ká kuti ga zungahe fu Gbia.’ 34Ono ya mi fu roni wẽ, ka mo zúnga nga he wa sa ya; ka mo zúnga nga ngbangbaturũ ya, bambiko ga Mbori mbatabakindo nga ha; 35ka mo zúnga nga kpotosende a ya, bambiko gbada nduko nga ha; ka mo zúnga nga Yerusarema a ya, bambiko ga bakere Bakindo bakporo nga ha. 36Ka mo zúnga nga riro ya, bambiko ka mo sa nga mangeriro sa ni pusi he te ni bi he a te. 37Ono fugoroni du ni kina, ‘Ii, ii;’ na ‘Oó, oó’; gu ka susi gere kina gbegberẽ he nga ha.
Ga Yesu yugopai tipa karaga pai gbegberẽ
(Rk. 6:29-30)
38“Oni agi he wa i agumba ha, ‘Bangirise ku ba bangirise, na rinde ku ba rinde.’ 39Ono ya mi fu roni wẽ, ka mo sáka nga be gu gbegberẽ ni ya. Ono gu ni ka nari ro ti pangbaro ku kumbabe, mo ki sa gu kura ha fu ni a. 40Ka boro zi ro ku ngbanga yo, ki di ga baukadi, mo ídi he fu ni ni di ga gbanga roko a. 41Gu ni ka sosodi ro mo ndu ki ba ngbi sa, mo ídi he fu ni mo ki ndu ki ba ngbi ue. 42Mo fú he fu gu ni nasana he tipa ha, ka mo mígi nga tiro ti gu ni nakpi nyemu ka o he be ro ya.
Nyemuse tipa avura boro
(Rk. 6:27-28,32-36)
43“Oni agi he wa i agumba ha ya, ‘Mo kpí nyemu kuaro, ki sogo vuraro.’ 44Ono ya mi fu roni wẽ, Oni kpi nyemu avuraroni, ki kpari tipa agu yo narungosi roni; 45oni ki du ni awiri gu Baroni du ngbangbaturũ yo; bambiko ko nafu uru si kuru tipa agu yo nga gbegberẽ yo na agu yo nga wene yo a, ki kedi mai tipa ruru aboro na iraira yo a. 46Bambiko ka oni kpi nyemu kina gu ni nakpi nyemu roni, gaoni mosoro nga gine? Kina wo barogo marã ngbeti amanga ha te? 47Ka oni poi kuti kina agumeroni sa, gaoni apai susi ga akuaroni wãi? Kina wo aGendiria amanga ha te? 48Were oni du ni ziazia roni, wa kina Baroni du ngbangbaturũ yo du ni ziazia ko.
Currently Selected:
Matayo 5: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Matayo 5
5
Tona yugopai ri bagangara yo
(Mt. 5:1—7:29)
1Wa Yesu abi rimbasa, ko ki dakpa ku ri bagangara yo: ho ko asungu ni, gako abawiriki ki ye fuo ko. 2Ko ki za ngbako ki ta raba yo niya,
Aboro maku
(Rk. 6:20-23)
3“Aboro maku nga agu yo ini he ya i du ni zezere yo, bambiko gu ngbi nga ga ngbangbaturũ nga gayo.
4“Aboro maku nga agu yo narungo, bambiko i afú wasa fu yo.
5“Aboro maku nga bayee aboro, bambiko i adú ni adikumbo zegino.
6“Aboro maku nga agu yo gomoro amanga yo na gomoro ime tipa rurupai, bambiko i ambíka.
7“Aboro maku nga airahipai, bambiko i ahi pai fu yo.
8“Aboro maku nga agu yo du ziazia kpotoyo yo, bambiko i abí Mbori.
9“Aboro maku nga aboro azarõ, bambiko i ayá ti yo awiri Mbori.
10“Aboro maku nga agu yo i arungosi yo tipa rurupai, bambiko gu ngbi nga ga ngbangbaturũ nga gayo.
11“Maku fu roni ho aboro ka paa ni na oni, ki nirungosi roni, ki nigumba dungu apai kuti rimoroni ni wia tipa re. 12Oni sámbua tironi asambua, ki ningi angi; bambiko gaoni mosoro du ngbangbaturũ yo kii gbe: bambiko kina wo i amangi anebi nadu mbata fu roni.
Tikpo na imarago
(Mk. 9:50; Rk. 4:34-35)
13“Ga zegino tikpo nga oni; ono ka tikpo ahia nga ya, si ahia be gine? si angba nga tipa he wa sa te, kina ba ha aba i ki simbi he ni nduyo.
14“Ga zegino imarago nga oni. Gu bakporo dua yo ri bagangara ka i oko nga ha te. 15Ka boro tigi nga baro ki moi he tii maduka yo te, ono ni nidua ha auru nguaha; si ki nihasi rago fu agu yo dunduko du dimo yo. 16Imaroni hasi rago ahasa ku bangiri aboro i bi gaoni ruruapai, ka taasa rimo Baroni du ngbangbaturũ yo.
Ga Yesu yugopai tipa rugute
17“Ka oni bérẽ nga ha ya mi aye ka gbarasa rugute ya na anebi a ya; mi aye nga ka gbarasa apai te, mi aye ka digisa ha. 18Ya mi fu roni ni rengo, Daho ngbangbaturũ ka nyasa ni, na kpotosende, wiri toni he akpara nga ti rugute wa sa te, daho i ka digisa apai ni dunduko. 19Gu ni ka ingi ti gu gi rugute du ni toni he re, ki nirugu aboro i mangi wo, i aya ti ni payapaya boro susi rogo gu ngbi nga ga ngbangbaturũ. Ono gu ni ka manga ha ki niyugu he, i ayá ti ni kikii boro rogo gu ngbi nga ga ngbangbaturũ. 20Bambiko ya mi fu roni wẽ, ka gaoni ruruapai akia nga ti gu ruruapai nga ga abakeapai na aFarusi ya, oni aríma nga ku rogo gu ngbi nga ga ngbangbaturũ wa sa te.
Ga Yesu yugopai tipa zinga
(Rk. 12:57-59)
21“Oni agi he wa i agumba ha fu yo bakuru yo ya, ‘Ka mo imi nga boro ya; gu ni ka imi boro ni du ngba pai yo be sapangbanga.’ 22Ono ya mi fu roni, agu aboro dunduko nikazinga kuti awirinayo i nikadu ngba pai yo be sapangbanga: na gu ni ka ya fu wirinani, ‘Kungba he nga mo!’, ni nikadu ngba pai yo be abororondo, na gu ni ka ya, ‘Irapupo nga mo!’ Ni nikadu ngba pai yo be gu we du Geyena yo. 23Were ka mo agama ga gamahe bamotumo yo, mo ki tingidi he si ngia pai dagba roni na wirinamo, 24mo ki he ga gamahe barangba bamotumo yo, ki guari, mo ki mbakadi pai dagba roni na wirinamo mbata, mo nikaye ka gama ga gamahe. 25Mo ídi pai fu vuraro ni ipo wa du mo na ko gene; vuraro ka fu ro ku be basapungbanga, basapungbanga ki fu ro ku be baira abanzengere, i ki ba ro ku bambukisa yo. 26Ya mi foro ni rengo, ka mo guari nga yo wa sa ya, daho mo ka gasa ga yangara rukutu amarã sirigi dunduko ni.
Ga Yesu yugopai tipa pa bari
27“Oni agi he wa i agumba ha, ‘Ka mo mángi nga bari ya.’ 28Ono ya mi fu roni wẽ gu ni nangana de ni nyemu ri ni ima manga bari na ri kpotoni yo. 29Si ngia kumbabangiro ka mangi ro mo koto, mo mo ho amo, ki ba ha; bambiko ka gu paro kpi sa, si ngba ti ro ti ba yo bororo dunduko ku Geyena yo. 30Si ngia kumbabero ka mangi ro mo koto, mo yére he ayera, ki ba ha; bambiko ka gu paro kpi sa, si ngba ti ro, ti ndu bororo dunduko ku Geyena yo.
Ga Yesu yugopai tipa pa mbu de
(Mt. 19:9; Mk. 10:11-12; Rk. 16:18)
31“I agumba ha a, ya ‘Gu ni ka he diani ni fu waraga kpara boro na diani fu ri.’ 32Ono ya mi fu roni wẽ, gu ni ka he diani tipa kura pai angia nga pa bari ya, ni sa ri ni debari; gu ni nikadia ri fuo he yo ri, ni namanga pa bari.
Ga Yesu yugopai tipa zungahe
33“Oni agi he berewe, wa i agumba ha fu agu yo nadu mbata ya, ‘Ka mo zúnga nga he ni biriki ya, ono mo ká kuti ga zungahe fu Gbia.’ 34Ono ya mi fu roni wẽ, ka mo zúnga nga he wa sa ya; ka mo zúnga nga ngbangbaturũ ya, bambiko ga Mbori mbatabakindo nga ha; 35ka mo zúnga nga kpotosende a ya, bambiko gbada nduko nga ha; ka mo zúnga nga Yerusarema a ya, bambiko ga bakere Bakindo bakporo nga ha. 36Ka mo zúnga nga riro ya, bambiko ka mo sa nga mangeriro sa ni pusi he te ni bi he a te. 37Ono fugoroni du ni kina, ‘Ii, ii;’ na ‘Oó, oó’; gu ka susi gere kina gbegberẽ he nga ha.
Ga Yesu yugopai tipa karaga pai gbegberẽ
(Rk. 6:29-30)
38“Oni agi he wa i agumba ha, ‘Bangirise ku ba bangirise, na rinde ku ba rinde.’ 39Ono ya mi fu roni wẽ, ka mo sáka nga be gu gbegberẽ ni ya. Ono gu ni ka nari ro ti pangbaro ku kumbabe, mo ki sa gu kura ha fu ni a. 40Ka boro zi ro ku ngbanga yo, ki di ga baukadi, mo ídi he fu ni ni di ga gbanga roko a. 41Gu ni ka sosodi ro mo ndu ki ba ngbi sa, mo ídi he fu ni mo ki ndu ki ba ngbi ue. 42Mo fú he fu gu ni nasana he tipa ha, ka mo mígi nga tiro ti gu ni nakpi nyemu ka o he be ro ya.
Nyemuse tipa avura boro
(Rk. 6:27-28,32-36)
43“Oni agi he wa i agumba ha ya, ‘Mo kpí nyemu kuaro, ki sogo vuraro.’ 44Ono ya mi fu roni wẽ, Oni kpi nyemu avuraroni, ki kpari tipa agu yo narungosi roni; 45oni ki du ni awiri gu Baroni du ngbangbaturũ yo; bambiko ko nafu uru si kuru tipa agu yo nga gbegberẽ yo na agu yo nga wene yo a, ki kedi mai tipa ruru aboro na iraira yo a. 46Bambiko ka oni kpi nyemu kina gu ni nakpi nyemu roni, gaoni mosoro nga gine? Kina wo barogo marã ngbeti amanga ha te? 47Ka oni poi kuti kina agumeroni sa, gaoni apai susi ga akuaroni wãi? Kina wo aGendiria amanga ha te? 48Were oni du ni ziazia roni, wa kina Baroni du ngbangbaturũ yo du ni ziazia ko.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.