Matayo 4
4
Asada Yesu
(Mk. 1:12-13; Rk. 4:1-13)
1Ziazia Toro ki ngbe ku mbata yo fu Yesu ku ngbakungba yo bakitingbanga asadi ko. 2Ho ko agina riahe ni tipa uru 40 na yuru 40 a, gomoro ki nimangi ko. 3Iraasada ki ye ki ya fu ko, “Si ngia Wiri Mbori nga mo, mo gúmba ha fu agi ambia re si sa tihe ni kpokuta.” 4Ono Yesu ki karaga ha ki ya, “Si ni keke he ya,
‘Boro anye nga ni ungani mbiko kina riahe te,
ono mbiko agu apai dunduko naye ngba Mbori yo.’ ”
5Bakitingbanga ki ndu na ko ku rogo ziazia bakporo yo; ko ki moi ko ri ngbahõ yekaru, 6ki ya fu ko, “Si ngia Wiri Mbori nga mo, mo gíta ku sande; bambiko si ni keke he ya,
‘Ko arúga gako amaraika tipa ro,’
‘I asóngoda ro ni beyo,
mo ka fo nduro ti mbia.’ ”
7Yesu ki ya fu ko, “Si ni keke he berewe ya, ‘Ka mo ásadi nga Gbia nga gamo Mbori ya’ ” 8Bakitingbanga ki ndu na ko berewe ku ri bakere bagangara yo ki yugu angbi fu ko zegino dunduko, na gaha taarimo. 9Ko ki ya fu Yesu, “Ka mo ti sande ki irisi re, agi ahe dunduko re mi afú he foro.” 10Yesu ki ya fu ko, “Satana, mo gúari erẽ! bambiko si ni keke he ya,
‘Mo írisi Gbia nga gamo Mbori
mo rá fu kina ko.’ ”
11Bakitingbanga ki guari pati ko; oni ngére, amaraika ki ye ki mangi pa ko.
Yesu atona gako mangapai Gariraya yo
(Mk. 1:14-15; Rk. 4:14-15)
12Were ho Yesu agi he ni ya i zi Yoane, ko ki ndu ku Gariraya yo. 13Ko ki guari Nazareta yo, ki kuru ku Kaparanauma yo nadu pati baime, nambedi na Zeburuna na Nafatari: ki sungu yo: 14gu pai dũ ni digisidigisi he Yesaya agumba ha nga nebi, niya,
15“Gu ringara nga ga Zeburuna na gu ringara nga ga Nafatari,
ku pati baime, mbiti Yaradene yo,
Gariraya nga ga aGendiria
16agu aboro naasungu rogo bitimo
i bi bakere imarago,
na fu agu yo sungu rogo ringara na kirimo kpio,
imarago ki ha fu yo.”
17Ti gu rago re Yesu atona tungusa pai, ki ya, “Oni sá gaoni berã; bambiko gu ngbi nga ga ngbangbaturũ si nambeda.”
Yesu ayambu abaziatĩo biama
(Mk. 1:16-20; Rk. 5:1-11)
18Wa ko ata pati baime nga Gariraya, ko abi awirina ue, Simona i aya ti ko Petero, na Andarea nga wirinako, i nizumudi pio ku baime yo; bambiko abaziatĩo nangia yo. 19Ko ki ya fu yo, “Oni yé fuo re, mi ki sa roni ni abaziaboro.” 20I ki guari pati gayo apio ni ngarã ki nipeke ko. 21Ko ata guari yo ki bi kura awirina ue. Yakoba nga wiri Zebedayo na Yoane nga wirinako, i adu kurungba yo na bayo nga Zebedayo, ki nimbakadi gayo apio; ko ki yambu yo. 22I ki guari ni ngarã pati bayo kurungba yo, ki nipeke ko.
Yesu aunda rimbasa aboro
(Rk. 6:17-19)
23Yesu ki ta ata rogo Gariraya yo kirikiri dunduko niyugu pai rogo gayo abambutiria, nitungusi pa gu wene pangbanga nga ga ngbi, nihusi ngbatunga akaza na awokote dunduko namanga aboro. 24Pandeko ki gbandaka ku rogo Suria dunduko. Aboro ki ye na agu yo dunduko nadu na kaza fu ko, agu yo dunduko ngbatunga akaza azi yo na rungosi, agu yo adaimona aduaga kpotoyo yo, na agu yo nadu na imawirianya, na ngbaramoni; ko ki husi yo. 25Bakere rimbasa ki peke ko Gariraya yo na Dekapori yo na Yerusarema yo na Yuda yo na mbiti Yaradene yo.
Currently Selected:
Matayo 4: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Matayo 4
4
Asada Yesu
(Mk. 1:12-13; Rk. 4:1-13)
1Ziazia Toro ki ngbe ku mbata yo fu Yesu ku ngbakungba yo bakitingbanga asadi ko. 2Ho ko agina riahe ni tipa uru 40 na yuru 40 a, gomoro ki nimangi ko. 3Iraasada ki ye ki ya fu ko, “Si ngia Wiri Mbori nga mo, mo gúmba ha fu agi ambia re si sa tihe ni kpokuta.” 4Ono Yesu ki karaga ha ki ya, “Si ni keke he ya,
‘Boro anye nga ni ungani mbiko kina riahe te,
ono mbiko agu apai dunduko naye ngba Mbori yo.’ ”
5Bakitingbanga ki ndu na ko ku rogo ziazia bakporo yo; ko ki moi ko ri ngbahõ yekaru, 6ki ya fu ko, “Si ngia Wiri Mbori nga mo, mo gíta ku sande; bambiko si ni keke he ya,
‘Ko arúga gako amaraika tipa ro,’
‘I asóngoda ro ni beyo,
mo ka fo nduro ti mbia.’ ”
7Yesu ki ya fu ko, “Si ni keke he berewe ya, ‘Ka mo ásadi nga Gbia nga gamo Mbori ya’ ” 8Bakitingbanga ki ndu na ko berewe ku ri bakere bagangara yo ki yugu angbi fu ko zegino dunduko, na gaha taarimo. 9Ko ki ya fu Yesu, “Ka mo ti sande ki irisi re, agi ahe dunduko re mi afú he foro.” 10Yesu ki ya fu ko, “Satana, mo gúari erẽ! bambiko si ni keke he ya,
‘Mo írisi Gbia nga gamo Mbori
mo rá fu kina ko.’ ”
11Bakitingbanga ki guari pati ko; oni ngére, amaraika ki ye ki mangi pa ko.
Yesu atona gako mangapai Gariraya yo
(Mk. 1:14-15; Rk. 4:14-15)
12Were ho Yesu agi he ni ya i zi Yoane, ko ki ndu ku Gariraya yo. 13Ko ki guari Nazareta yo, ki kuru ku Kaparanauma yo nadu pati baime, nambedi na Zeburuna na Nafatari: ki sungu yo: 14gu pai dũ ni digisidigisi he Yesaya agumba ha nga nebi, niya,
15“Gu ringara nga ga Zeburuna na gu ringara nga ga Nafatari,
ku pati baime, mbiti Yaradene yo,
Gariraya nga ga aGendiria
16agu aboro naasungu rogo bitimo
i bi bakere imarago,
na fu agu yo sungu rogo ringara na kirimo kpio,
imarago ki ha fu yo.”
17Ti gu rago re Yesu atona tungusa pai, ki ya, “Oni sá gaoni berã; bambiko gu ngbi nga ga ngbangbaturũ si nambeda.”
Yesu ayambu abaziatĩo biama
(Mk. 1:16-20; Rk. 5:1-11)
18Wa ko ata pati baime nga Gariraya, ko abi awirina ue, Simona i aya ti ko Petero, na Andarea nga wirinako, i nizumudi pio ku baime yo; bambiko abaziatĩo nangia yo. 19Ko ki ya fu yo, “Oni yé fuo re, mi ki sa roni ni abaziaboro.” 20I ki guari pati gayo apio ni ngarã ki nipeke ko. 21Ko ata guari yo ki bi kura awirina ue. Yakoba nga wiri Zebedayo na Yoane nga wirinako, i adu kurungba yo na bayo nga Zebedayo, ki nimbakadi gayo apio; ko ki yambu yo. 22I ki guari ni ngarã pati bayo kurungba yo, ki nipeke ko.
Yesu aunda rimbasa aboro
(Rk. 6:17-19)
23Yesu ki ta ata rogo Gariraya yo kirikiri dunduko niyugu pai rogo gayo abambutiria, nitungusi pa gu wene pangbanga nga ga ngbi, nihusi ngbatunga akaza na awokote dunduko namanga aboro. 24Pandeko ki gbandaka ku rogo Suria dunduko. Aboro ki ye na agu yo dunduko nadu na kaza fu ko, agu yo dunduko ngbatunga akaza azi yo na rungosi, agu yo adaimona aduaga kpotoyo yo, na agu yo nadu na imawirianya, na ngbaramoni; ko ki husi yo. 25Bakere rimbasa ki peke ko Gariraya yo na Dekapori yo na Yerusarema yo na Yuda yo na mbiti Yaradene yo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.