Matayo 6
6
Ga Yesu yugopai tipa fu gamahe
1“Oni bánda tironi ka oni mángi nga gaoni ruruapai ku bangiri aboro, i bi roni na ni ya; ka si du wo mosoro du nga fu roni be Baroni du ngbangbaturũ yo te.
2“Were ho mo ka fu ga gamaahe ni; ka mo vúdi nga ngbunga, wa airabinki namanga rogo abambutiria yo na rogo agene kporo, aboro tambua yo mbiko ho ya. Ya mi fu roni ni rengo, i aima dia gayo mosoro. 3Ono ho mo ka fu ga gamaahe ni, ka garebero aina nga gu pai kumbabero amanga ha ya: 4ga gamaahe du ni gbuko; Bamo nabi apai ni gbuko, ko nikafu mosoro foro.
Ga Yesu yugopai tipa kparakpe
(Rk. 11:2-4)
5“Ho oni ka kpara ni, ka oni dú nga wa airabiriki ya; bambiko i nakpi nyemu ka ru ka kpara rogo abambutiria yo na ngboso agene, aboro bi yo. Ya mi fu roni ni rengo, i ima dia gayo mosoro. 6Ono mo, ho mo ka kpara ni, mo rími ku dimo yo, fuo kisa mo ngbadimo, mo ki kpari fu gu Bamo du rogo gbuko yo, gu Bamo nabi pai rogo gbuko ko nikafu mosoro foro.
7“Wa oni akpara ka oni kpári nga ni dogodi gu kpe ni ba sa sa wa aGendiria namanga ya; bambiko i naberã ha tigayo ya i agia fugoyo mbiko gumba ha ni badungu he. 8Were, ka oni dú nga wa yo ya; bambiko Baroni ini agu apai zingo ho amanga roni, mbata oni nikasana ko ti ni. 9Oni kpári wa gere tie:
Barani du ngbangbaturũ yo,
Ani írisi rimoro airisa.
10Ga ngbi yé,
Ani mángi rogo kpotosende wa mo akpi nyemu he,
Wa du he ngbangbaturũ yo.
11Mo fú gaani riahe fu rani areme;
12Mo vú rani ti gaani bape,
Wa ani navu gaani aboro bape a;
13Ka mo ngbé nga fu rani ku mbata yo sa asada ya,
Ono mo túka rani ti gbegberẽpai.
14Ka oni vu aboro ti gayo ingaapai, Baroni du ngbangbaturũ yo ko avú roni ti gaoni ingaapai. 15Ono ka oni avu nga aboro ti gayo ingaapai ya, Baroni avú nga roni ti gaoni ingaapai a te.
Ga Yesu yugopai tipa gina riahe
16“Were ho oni ka gina riahe ni a, ka oni dú nga wa airabiriki nayugo pa rungo ti kpakpuyo ya; bambiko i nagbarasa kpakpuyo, aboro bi yo ki ini ya i nagina riahe. Ya mi fu roni ni rengo, i aima dia gayo mosoro. 17Ono mo, ho mo ka gina riahe ni, mo mbédi riro, ki zundu kpakpuro; 18ka aboro bi nga ro ki ini ya mo nagina riahe ya, kina Bamo du rogo gbuko; Bamo nabi pai rogo gbuko yo, ko nikafu mosoro foro.
Ũkumuko ngbangbaturũ yo
(Rk. 12:33-34)
19“Ka oni dúngura nga ũkumuko ni gaoni zegino ya, no ayawe agbarasa ahe ni na gbegbe, no airadĩ akua bambu ni nidi ahe; 20ono oni dúngura ũkumuko ni gaoni ku ngbangbaturũ yo; yo ayawe agbarasa nga ahe ni na gbegbe ya, yo airadĩ akua nga bambu ni nidĩ ahe ya. 21Bambiko bara ho du ga ũkumuko ni, ngbaduro du kina ku ho a.
Ima boro
(Rk. 11:34-36)
22“Ima boro nga kina bangirise. Were ka bangiro du ni ruru he, kpotoro yo ki hi be imarago dunduko. 23Ono ka bangiro du ni iraira ha, kpotoro yo ki hi be bitimo. Were si ngia gu imarago du kpotoro yo si ni bitimo, na kii gu bitimo re!
Mbori, watadu ũzegino
(Rk. 16:13; 12:22-31)
24“A nga boro sa ka ra fu abaira ue te; bambiko ni asóga gu ni sa, ki kpi nyemu gu ni; watadu ni aká kuti gu ni sa, ki payasi pa gu ni. Ka oni ata ra nga fu Mbori nira fu ũzegino a te.
25“Were ya mi fu roni wẽ, ka oni wísigi nga pai tipa ungaroni ya, gine oni ka ri he, na gine oni ka mbira ha ya; na tipa kpotoroni ya, gine oni ka ukadi he ya. Unga asusa nga riahe te? kpotoboro asusa nga remu te? 26Oni bi azire ari yo, ami aru nga ahe te, ami ake nga ahe a te, ka ami aiga nga ahe ku rogo agbamu yo ya; Baroni du ngbangbaturũ yo nariga ra. Genoroni asusa nga genora te? 27Da dagba roni ka moi bagiza be sa ku ri gani sona ti wisiga pa ha? 28Tipagine oni a wisiga pa roko ti ni? Oni bérẽ pa ranga ati yo, wa si asona; si amanga nga sunge te, si apaa nga aremu te; 29ono ya mi fu roni wẽ, kina Soromo tigako na gako taarimo dú, i aukadi nga ko wa gu sa dagba gi te re. 30Ono ka Mbori ukadi nvuo ati yo wa gere nga gu du ho areme, gba i ka ba ha ku we yo, ko aúkadi nga roni susi gi te re? Ako oni du na toni idapase. 31Ka oni wísigi nga pai ki ya, ‘Gine ani ka ri he?’ na, ‘Gine ani ka mbira ha?’ na, ‘Gini roko ani ka ukadi tirani na ni?’ ya. 32Bambiko aGendiria nagbata agi ahe re dunduko; bambiko Baroni du ngbangbaturũ yo ini he ya oni nara mbiko agi ahe re dũ. 33Ono oni gbáta gako ngbi mbata, na gako rurupai; i ki kpamia agi ahe re dunduko fu roni kuti ni.
34“Ka oni wísigi nga pai tie tipa gu pai nikadu gba ya; bambiko kinagba nikawisiga pai tipa ha ni sa ha. Gu gbegberẽpai nga ga gu rago kina ha rengbe tipa ha.
Currently Selected:
Matayo 6: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Matayo 6
6
Ga Yesu yugopai tipa fu gamahe
1“Oni bánda tironi ka oni mángi nga gaoni ruruapai ku bangiri aboro, i bi roni na ni ya; ka si du wo mosoro du nga fu roni be Baroni du ngbangbaturũ yo te.
2“Were ho mo ka fu ga gamaahe ni; ka mo vúdi nga ngbunga, wa airabinki namanga rogo abambutiria yo na rogo agene kporo, aboro tambua yo mbiko ho ya. Ya mi fu roni ni rengo, i aima dia gayo mosoro. 3Ono ho mo ka fu ga gamaahe ni, ka garebero aina nga gu pai kumbabero amanga ha ya: 4ga gamaahe du ni gbuko; Bamo nabi apai ni gbuko, ko nikafu mosoro foro.
Ga Yesu yugopai tipa kparakpe
(Rk. 11:2-4)
5“Ho oni ka kpara ni, ka oni dú nga wa airabiriki ya; bambiko i nakpi nyemu ka ru ka kpara rogo abambutiria yo na ngboso agene, aboro bi yo. Ya mi fu roni ni rengo, i ima dia gayo mosoro. 6Ono mo, ho mo ka kpara ni, mo rími ku dimo yo, fuo kisa mo ngbadimo, mo ki kpari fu gu Bamo du rogo gbuko yo, gu Bamo nabi pai rogo gbuko ko nikafu mosoro foro.
7“Wa oni akpara ka oni kpári nga ni dogodi gu kpe ni ba sa sa wa aGendiria namanga ya; bambiko i naberã ha tigayo ya i agia fugoyo mbiko gumba ha ni badungu he. 8Were, ka oni dú nga wa yo ya; bambiko Baroni ini agu apai zingo ho amanga roni, mbata oni nikasana ko ti ni. 9Oni kpári wa gere tie:
Barani du ngbangbaturũ yo,
Ani írisi rimoro airisa.
10Ga ngbi yé,
Ani mángi rogo kpotosende wa mo akpi nyemu he,
Wa du he ngbangbaturũ yo.
11Mo fú gaani riahe fu rani areme;
12Mo vú rani ti gaani bape,
Wa ani navu gaani aboro bape a;
13Ka mo ngbé nga fu rani ku mbata yo sa asada ya,
Ono mo túka rani ti gbegberẽpai.
14Ka oni vu aboro ti gayo ingaapai, Baroni du ngbangbaturũ yo ko avú roni ti gaoni ingaapai. 15Ono ka oni avu nga aboro ti gayo ingaapai ya, Baroni avú nga roni ti gaoni ingaapai a te.
Ga Yesu yugopai tipa gina riahe
16“Were ho oni ka gina riahe ni a, ka oni dú nga wa airabiriki nayugo pa rungo ti kpakpuyo ya; bambiko i nagbarasa kpakpuyo, aboro bi yo ki ini ya i nagina riahe. Ya mi fu roni ni rengo, i aima dia gayo mosoro. 17Ono mo, ho mo ka gina riahe ni, mo mbédi riro, ki zundu kpakpuro; 18ka aboro bi nga ro ki ini ya mo nagina riahe ya, kina Bamo du rogo gbuko; Bamo nabi pai rogo gbuko yo, ko nikafu mosoro foro.
Ũkumuko ngbangbaturũ yo
(Rk. 12:33-34)
19“Ka oni dúngura nga ũkumuko ni gaoni zegino ya, no ayawe agbarasa ahe ni na gbegbe, no airadĩ akua bambu ni nidi ahe; 20ono oni dúngura ũkumuko ni gaoni ku ngbangbaturũ yo; yo ayawe agbarasa nga ahe ni na gbegbe ya, yo airadĩ akua nga bambu ni nidĩ ahe ya. 21Bambiko bara ho du ga ũkumuko ni, ngbaduro du kina ku ho a.
Ima boro
(Rk. 11:34-36)
22“Ima boro nga kina bangirise. Were ka bangiro du ni ruru he, kpotoro yo ki hi be imarago dunduko. 23Ono ka bangiro du ni iraira ha, kpotoro yo ki hi be bitimo. Were si ngia gu imarago du kpotoro yo si ni bitimo, na kii gu bitimo re!
Mbori, watadu ũzegino
(Rk. 16:13; 12:22-31)
24“A nga boro sa ka ra fu abaira ue te; bambiko ni asóga gu ni sa, ki kpi nyemu gu ni; watadu ni aká kuti gu ni sa, ki payasi pa gu ni. Ka oni ata ra nga fu Mbori nira fu ũzegino a te.
25“Were ya mi fu roni wẽ, ka oni wísigi nga pai tipa ungaroni ya, gine oni ka ri he, na gine oni ka mbira ha ya; na tipa kpotoroni ya, gine oni ka ukadi he ya. Unga asusa nga riahe te? kpotoboro asusa nga remu te? 26Oni bi azire ari yo, ami aru nga ahe te, ami ake nga ahe a te, ka ami aiga nga ahe ku rogo agbamu yo ya; Baroni du ngbangbaturũ yo nariga ra. Genoroni asusa nga genora te? 27Da dagba roni ka moi bagiza be sa ku ri gani sona ti wisiga pa ha? 28Tipagine oni a wisiga pa roko ti ni? Oni bérẽ pa ranga ati yo, wa si asona; si amanga nga sunge te, si apaa nga aremu te; 29ono ya mi fu roni wẽ, kina Soromo tigako na gako taarimo dú, i aukadi nga ko wa gu sa dagba gi te re. 30Ono ka Mbori ukadi nvuo ati yo wa gere nga gu du ho areme, gba i ka ba ha ku we yo, ko aúkadi nga roni susi gi te re? Ako oni du na toni idapase. 31Ka oni wísigi nga pai ki ya, ‘Gine ani ka ri he?’ na, ‘Gine ani ka mbira ha?’ na, ‘Gini roko ani ka ukadi tirani na ni?’ ya. 32Bambiko aGendiria nagbata agi ahe re dunduko; bambiko Baroni du ngbangbaturũ yo ini he ya oni nara mbiko agi ahe re dũ. 33Ono oni gbáta gako ngbi mbata, na gako rurupai; i ki kpamia agi ahe re dunduko fu roni kuti ni.
34“Ka oni wísigi nga pai tie tipa gu pai nikadu gba ya; bambiko kinagba nikawisiga pai tipa ha ni sa ha. Gu gbegberẽpai nga ga gu rago kina ha rengbe tipa ha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.