Yezekere 35
35
Gumba pai wa nebi kuti Bagangara Seira
1Sangba Yekova ki ye kono du mi ni niya: 2“Wiri boro, mo sá kpakpuro kuti Bagangara Seira, ki gumba pai wa nebi kuti he, 3ki ya fu he, Ya Gbia MBORI wẽ: Mo ngere, Bagangara Seira, mi gbarasi rimoro, mi atáã bere kuti ro, mi ki sa ro ni vurubate, ni gbegberẽ he. 4Mi asá gamo abaakporo ni ngbi ugure; mo asá tiro ni vurubate; mo ki ini he ya mi nga Yekova. 5Bambiko mo aka kuti nyenye sogote, ki fu aYisaraere ku be basape ti rago gayo gberãngbi; ti rago gayo yangara mbusa; 6si du, wa du mi ni ungare, wo poi Gbia MBORI, mi ambákada ro sa kure, kure ki nido fuo ro; bambiko ngbanga kure du ku ri ro, si du kure adó fuo ro ti ni. 7Mi asá Bagangara Seira gbegberẽ ni vurubate, mi ki rogo agu yo dunduko ku sa yo naaye ki niga. 8Mi ki hisi gamo abaagangara na kangba imiimi aboro; agu yo i ka imo yo ni basape i atiwa ku rogo gaoni angboongboorago na ku rogo gaoni angbungumu. 9Mi asá ro ni nyenye vurubate, ka boro ará nga rogo gamo abaakporo ya. Si du mo aina ha ya mi nga Yekova.
10“Bambiko ya mo, ‘Agi arikaaboro ue re na agi aringara ue re adú ni gimi, ani aróga ha ni gaani,’ ka Yekova vura du yo vuru 11si du, wa du mi ni ungare, wo poi Gbia MBORI, mi amánga ro ku sangba gu zinga na ku sangba gu deringo yo mo ayugu bambiko ga sogote kuti yo; mi ki yugu tire dagba yo yo, mo ki ini re, ho mi ka sara ngbanga ro ni. 12Mo ki ini he ya mi nga Yekova, gi agu agberangbayo dunduko nga gu gumba mo kuti abaagangara du Yisaraere yo, niya, ‘Si ni vurubate, i fu he fu rani ani riti he.’ 13Oni ki abia tironi kuti re ni ngbaroni, ki ningeesi gaoni gumbagumba apai kuti re; mi agi he. 14Ya Gbia MBORI wẽ: Mi asá ro ni vurubate, kpotosende ki ngi angi dunduko mbiko ho. 15Wa mo nangi ku ri ga ngbatunga aYisaraere ringara, bambiko si adu ni bate, wo mi akamanga ro; mo adú ni vurubate; nga Bagangara Seira, na Edome dunduko, na baha du. Si du i aina ha ya mi nga Yekova.
Currently Selected:
Yezekere 35: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Yezekere 35
35
Gumba pai wa nebi kuti Bagangara Seira
1Sangba Yekova ki ye kono du mi ni niya: 2“Wiri boro, mo sá kpakpuro kuti Bagangara Seira, ki gumba pai wa nebi kuti he, 3ki ya fu he, Ya Gbia MBORI wẽ: Mo ngere, Bagangara Seira, mi gbarasi rimoro, mi atáã bere kuti ro, mi ki sa ro ni vurubate, ni gbegberẽ he. 4Mi asá gamo abaakporo ni ngbi ugure; mo asá tiro ni vurubate; mo ki ini he ya mi nga Yekova. 5Bambiko mo aka kuti nyenye sogote, ki fu aYisaraere ku be basape ti rago gayo gberãngbi; ti rago gayo yangara mbusa; 6si du, wa du mi ni ungare, wo poi Gbia MBORI, mi ambákada ro sa kure, kure ki nido fuo ro; bambiko ngbanga kure du ku ri ro, si du kure adó fuo ro ti ni. 7Mi asá Bagangara Seira gbegberẽ ni vurubate, mi ki rogo agu yo dunduko ku sa yo naaye ki niga. 8Mi ki hisi gamo abaagangara na kangba imiimi aboro; agu yo i ka imo yo ni basape i atiwa ku rogo gaoni angboongboorago na ku rogo gaoni angbungumu. 9Mi asá ro ni nyenye vurubate, ka boro ará nga rogo gamo abaakporo ya. Si du mo aina ha ya mi nga Yekova.
10“Bambiko ya mo, ‘Agi arikaaboro ue re na agi aringara ue re adú ni gimi, ani aróga ha ni gaani,’ ka Yekova vura du yo vuru 11si du, wa du mi ni ungare, wo poi Gbia MBORI, mi amánga ro ku sangba gu zinga na ku sangba gu deringo yo mo ayugu bambiko ga sogote kuti yo; mi ki yugu tire dagba yo yo, mo ki ini re, ho mi ka sara ngbanga ro ni. 12Mo ki ini he ya mi nga Yekova, gi agu agberangbayo dunduko nga gu gumba mo kuti abaagangara du Yisaraere yo, niya, ‘Si ni vurubate, i fu he fu rani ani riti he.’ 13Oni ki abia tironi kuti re ni ngbaroni, ki ningeesi gaoni gumbagumba apai kuti re; mi agi he. 14Ya Gbia MBORI wẽ: Mi asá ro ni vurubate, kpotosende ki ngi angi dunduko mbiko ho. 15Wa mo nangi ku ri ga ngbatunga aYisaraere ringara, bambiko si adu ni bate, wo mi akamanga ro; mo adú ni vurubate; nga Bagangara Seira, na Edome dunduko, na baha du. Si du i aina ha ya mi nga Yekova.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.