Yezekere 34
34
Gumba pai wa nebi kuti ababanda aYisaraere
1Sangba Yekova aye kono du mi ni niya: 2“Wiri boro, mo gúmba pai wa nebi kuti ababanda akandoro nga ga aYisaraere yo, mo gúmba pai wa nebi ki ya fu yo, fu kina ababanda akandoro, Ya Gbia MBORI wẽ: Ako ababanda akandoro nga ga aYisaraere yo ninariga kina tironi! Ka ababanda akandoro rigi nga akandoro te? 3Oni nari nzeme, oni naukadi tironi na roko mange anya, oni naimo anya nzeme; ono oni ariga nga akandoro te. 4Oni anyakasa nga gu rurungbura ra a te, agu ra du na kaza oni ahusa nga ra te, gu gbarĩgbarĩ ra oni avoda nga ra a te, gu ngbuongbuo ra oni ayega nga na ami te, gu ingiingi ra oni agbata nga ra a te, oni nazoga ra na ome na kere nyaka. 5Si du gbandaka ami ti ni bambiko babandara adu nga ho te; ami ki du ni riahe tipa anya nvuo dunduko. 6Gimi akandoro agbandaka, ami ki niyara ri abaagangara dunduko na ri tumbatumba arago dunduko; gimi akandoro agbandaka ri kpotosende dunduko, ki zanga boro du ho ka ngera tipa ra, watadu ka gbata ra.
7“Si du, oni nga ababanda akandoro, oni gi sangba Yekova: 8Wa du mi ni ungare, wo poi Gbia MBORI, bambiko gimi akandoro du ni úmozi, gimi akandoro du ni riahe fu anya nvuo dunduko, wa adu nga babanda akandoro ti ra ya; bambiko gimi ababanda akandoro angera nga tipa gimi akandoro te, ono ababanda akandoro rigi kina tiyo, ka i ariga nga gimi akandoro ya; 9si du, oni ababanda akandoro, oni gi sangba Yekova: 10Ya Gbia MBORI wẽ, Oni ngére, mi gbarasi rimo ababanda akandoro; ngbanga gimi akandoro adú kina ku ri yo, mi ki za yo ti riga akandoro; ababanda akandoro ariga nga tiyo berewe te, Mi abátasa gimi akandoro ngbayo yo, ka ami aau nga ni riahe fu yo ya.
11“Bambiko ya Gbia MBORI wẽ: Mo ngére, mi ni tire nikangera tipa gimi akandoro, ki nigbata ra. 12Wa babanda akandoro naagbata gako rimbasa anya ho bete gako akandoro nigbandaka ni ku rogo kura ringara tuturu, wo mi ka gbata gimi akandoro, mi ki batasi ra rogo arago dunduko yo ami agbandaka ku ho ni ti rago adubo na nduunduu bitimo. 13Mi ki kusi ra dagba aboro, ki dungura ra rogo aringara, ki ye na ami ku rogo ndikidi gaami ringara; mi ki nirigi ra ri abaagangara Yisaraere yo, pati agugaabi yo, na rogo abaraka dunduko ringara yo. 14Mi ariga ra na wene banambu, gaami abanambu adú ku ri gbangagbanga abaagangara Yisaraere yo; yo ami ka pika ni sande rogo wene nvuo, ami ari wene wesewese nvuo ri abaagangara Yisaraere yo. 15Mi ni tire adú ni babanda gimi akandoro, mi ki pigi ra sande, wo poi Gbia MBORI. 16Mi agbáta ingiingi ra, mi ki yega na gu ngbuongbuo ra, mi ki vodi gu gbarĩgbarĩ ra, mi ki nyakasi gu rurungbura ra, mi abánda gu kikindigi ra na gu nyanyaki ra, mi ariga ra na ruru sarangbanga.
17“Tipa roni, nga gimi rimbasa anya, wo poi Gbia MBORI: Oni ngére, mi sari ngbanga dagba gu kandoro na kura kandoro, dagba abaakandoro na abaameme. 18Si arengba nga bangironi ka ri rogo gu wene banambu te re? ono oni ki simbi gaoni yangara banambu ku sande ni nduroni; oni ki mbiri ziazia ime, ono oni ki metasi gu yangara ha ni nduroni. 19Ka gimi akandoro ri agu ahe oni asimbi ni nduroni, ki mbiri gu he oni ametasi he ni nduroni?
20“Si du, ya Gbia MBORI fu yo wẽ: Oni ngére, Mi ni tire asára ngbanga dagba gu kikindigi akandoro na gu ugudiugudi akandoro. 21Bambiko oni fõ ra ni pavuroni na kpurunga beroni, ki turã gu rurugbura ra dunduko ni gaoni ome, daho oni agbandaka ra ni ku rogo ringara dunduko, 22mi abátasa gimi rimbasa akandoro, ami adú nga berewe ni umozi te; mi ki sari ngbanga dagba gu kandoro na kura kandoro. 23Mi ki moi babanda akandoro sa ku ri ra, nga gi moyambu nga Dawidi, ko ki nirigi ra: ko ariga ra ki du ni babanda ra. 24Mi nga Yekova adú ni gaami Mbori, gi moyambu nga Dawidi ki du ni bazogo ku ri ra; mi nga Yekova gumba ha.
25“Mi amánga mokido na ami nga ga zereda, ki do anya nvuo rogo ringara, si du ami ki niraki zezeredi rogo ngbakungba ki nira rogo abire yo. 26Ami ki du na maku wa sa na agu aba du pati ra kirikiri pati gi gangara; mi ki nikedimamumai ti regboho; si adú nga mamu maku. 27Angua ati azúka zuzuhe, kpotosende ki zugasi gaha zuzuhe, ami ki raki zezeredi rogo gaami ringara; ami ki ini he ya mi nga Yekova, ho mi ka kua angbongbo ni ti gaami gonga, ki batasi ra be agu yo nasa ra ni akanga. 28Ami adú nga berewe ni úmozi fu arikaaboro te, anya ringara aríta nga ra a te; ami aráka zezeredi, ka boro agúndesi nga ra ya. 29Mi ki mbakadi wene rúkurúku ahe tipa ra, ka gomoro amánga nga ra rogo ringara berewe ya, ka ami ambú nga be gu wasiro nga ga arikaaboro berewe a ya. 30Ami ki ini he ya mi du na ami nga Yekova gaami Mbori, ami nga ngbatunga aYisaraere nga gimi aboro a, wo poi Gbia MBORI. 31Oni nga gimi akandoro, nga agu akandoro nga ga gi banambu ra, mi nga gaoni Mbori, wo poi Gbia MBORI.”
Currently Selected:
Yezekere 34: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Yezekere 34
34
Gumba pai wa nebi kuti ababanda aYisaraere
1Sangba Yekova aye kono du mi ni niya: 2“Wiri boro, mo gúmba pai wa nebi kuti ababanda akandoro nga ga aYisaraere yo, mo gúmba pai wa nebi ki ya fu yo, fu kina ababanda akandoro, Ya Gbia MBORI wẽ: Ako ababanda akandoro nga ga aYisaraere yo ninariga kina tironi! Ka ababanda akandoro rigi nga akandoro te? 3Oni nari nzeme, oni naukadi tironi na roko mange anya, oni naimo anya nzeme; ono oni ariga nga akandoro te. 4Oni anyakasa nga gu rurungbura ra a te, agu ra du na kaza oni ahusa nga ra te, gu gbarĩgbarĩ ra oni avoda nga ra a te, gu ngbuongbuo ra oni ayega nga na ami te, gu ingiingi ra oni agbata nga ra a te, oni nazoga ra na ome na kere nyaka. 5Si du gbandaka ami ti ni bambiko babandara adu nga ho te; ami ki du ni riahe tipa anya nvuo dunduko. 6Gimi akandoro agbandaka, ami ki niyara ri abaagangara dunduko na ri tumbatumba arago dunduko; gimi akandoro agbandaka ri kpotosende dunduko, ki zanga boro du ho ka ngera tipa ra, watadu ka gbata ra.
7“Si du, oni nga ababanda akandoro, oni gi sangba Yekova: 8Wa du mi ni ungare, wo poi Gbia MBORI, bambiko gimi akandoro du ni úmozi, gimi akandoro du ni riahe fu anya nvuo dunduko, wa adu nga babanda akandoro ti ra ya; bambiko gimi ababanda akandoro angera nga tipa gimi akandoro te, ono ababanda akandoro rigi kina tiyo, ka i ariga nga gimi akandoro ya; 9si du, oni ababanda akandoro, oni gi sangba Yekova: 10Ya Gbia MBORI wẽ, Oni ngére, mi gbarasi rimo ababanda akandoro; ngbanga gimi akandoro adú kina ku ri yo, mi ki za yo ti riga akandoro; ababanda akandoro ariga nga tiyo berewe te, Mi abátasa gimi akandoro ngbayo yo, ka ami aau nga ni riahe fu yo ya.
11“Bambiko ya Gbia MBORI wẽ: Mo ngére, mi ni tire nikangera tipa gimi akandoro, ki nigbata ra. 12Wa babanda akandoro naagbata gako rimbasa anya ho bete gako akandoro nigbandaka ni ku rogo kura ringara tuturu, wo mi ka gbata gimi akandoro, mi ki batasi ra rogo arago dunduko yo ami agbandaka ku ho ni ti rago adubo na nduunduu bitimo. 13Mi ki kusi ra dagba aboro, ki dungura ra rogo aringara, ki ye na ami ku rogo ndikidi gaami ringara; mi ki nirigi ra ri abaagangara Yisaraere yo, pati agugaabi yo, na rogo abaraka dunduko ringara yo. 14Mi ariga ra na wene banambu, gaami abanambu adú ku ri gbangagbanga abaagangara Yisaraere yo; yo ami ka pika ni sande rogo wene nvuo, ami ari wene wesewese nvuo ri abaagangara Yisaraere yo. 15Mi ni tire adú ni babanda gimi akandoro, mi ki pigi ra sande, wo poi Gbia MBORI. 16Mi agbáta ingiingi ra, mi ki yega na gu ngbuongbuo ra, mi ki vodi gu gbarĩgbarĩ ra, mi ki nyakasi gu rurungbura ra, mi abánda gu kikindigi ra na gu nyanyaki ra, mi ariga ra na ruru sarangbanga.
17“Tipa roni, nga gimi rimbasa anya, wo poi Gbia MBORI: Oni ngére, mi sari ngbanga dagba gu kandoro na kura kandoro, dagba abaakandoro na abaameme. 18Si arengba nga bangironi ka ri rogo gu wene banambu te re? ono oni ki simbi gaoni yangara banambu ku sande ni nduroni; oni ki mbiri ziazia ime, ono oni ki metasi gu yangara ha ni nduroni. 19Ka gimi akandoro ri agu ahe oni asimbi ni nduroni, ki mbiri gu he oni ametasi he ni nduroni?
20“Si du, ya Gbia MBORI fu yo wẽ: Oni ngére, Mi ni tire asára ngbanga dagba gu kikindigi akandoro na gu ugudiugudi akandoro. 21Bambiko oni fõ ra ni pavuroni na kpurunga beroni, ki turã gu rurugbura ra dunduko ni gaoni ome, daho oni agbandaka ra ni ku rogo ringara dunduko, 22mi abátasa gimi rimbasa akandoro, ami adú nga berewe ni umozi te; mi ki sari ngbanga dagba gu kandoro na kura kandoro. 23Mi ki moi babanda akandoro sa ku ri ra, nga gi moyambu nga Dawidi, ko ki nirigi ra: ko ariga ra ki du ni babanda ra. 24Mi nga Yekova adú ni gaami Mbori, gi moyambu nga Dawidi ki du ni bazogo ku ri ra; mi nga Yekova gumba ha.
25“Mi amánga mokido na ami nga ga zereda, ki do anya nvuo rogo ringara, si du ami ki niraki zezeredi rogo ngbakungba ki nira rogo abire yo. 26Ami ki du na maku wa sa na agu aba du pati ra kirikiri pati gi gangara; mi ki nikedimamumai ti regboho; si adú nga mamu maku. 27Angua ati azúka zuzuhe, kpotosende ki zugasi gaha zuzuhe, ami ki raki zezeredi rogo gaami ringara; ami ki ini he ya mi nga Yekova, ho mi ka kua angbongbo ni ti gaami gonga, ki batasi ra be agu yo nasa ra ni akanga. 28Ami adú nga berewe ni úmozi fu arikaaboro te, anya ringara aríta nga ra a te; ami aráka zezeredi, ka boro agúndesi nga ra ya. 29Mi ki mbakadi wene rúkurúku ahe tipa ra, ka gomoro amánga nga ra rogo ringara berewe ya, ka ami ambú nga be gu wasiro nga ga arikaaboro berewe a ya. 30Ami ki ini he ya mi du na ami nga Yekova gaami Mbori, ami nga ngbatunga aYisaraere nga gimi aboro a, wo poi Gbia MBORI. 31Oni nga gimi akandoro, nga agu akandoro nga ga gi banambu ra, mi nga gaoni Mbori, wo poi Gbia MBORI.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.