Yezekere 36
36
Pa karaga aYisaraere berewe
1“Mo, wiri boro, mo gúmba pai wa nebi fu abaagangara Yisaraere yo, ki ya, Ako abaagangara du Yisaraere yo, oni gí sangba Yekova 2Ya Gbia MBORI wẽ: Bambiko avuraroni ya tipa roni, ‘Eke!’, na, ‘Gu kuru gbangagbanga aba sa tihe ni gaani,’ 3si du mo gúmba pai wa nebi ki ya, Ya Gbia MBORI wẽ: Bambiko, ii, bambiko i sa roni ni vurubate, ki gbingbida roni rogo pavuru arago dunduko, oni ki du ni aboro fu yangara arikaaboro, aboro ki gumba pa roni ki nifura kuti roni gbegberẽ; 4si du, Ako abaagangara Yisaraere yo, oni gí sangba Gbia MBORI: Ya Gbia MBORI fu agu abaagangara na fu agu agangara, na fu angbungumu na fu angboongboorago na fu abate rogo ngbi ugure na fu abaakporo ngbakungba, nga gu sa tihe ni umozi na ni úmongo fu gu yangara arikaaboro du kirikiri; 5si du ya Gbia MBORI wẽ: Mi nagumba pai rogo gi deringo yo du wa we, kuti gu yangara arikaaboro, na kuti Edome dunduko, nafu gi ringara fu kina tiyo wa gayo ringara na gu ngbarago du kpotoyo yo dunduko na gbegberẽ berã, ya i di he ni gayo ki gbu he. 6Si du mo gúmba pai wa nebi kuti ga aYisaraere ringara, ki ya fu abaagangara na agangara, na fu angbungumu, na fu angboongboorago, Ya Gbia MBORI wẽ: Oni ngére, mi nagumba pai rogo gi ringo na rogo gi ngariangaria zinga, bambiko oni akpidi pa gu wasiro nga ga arikaaboro; 7si du ya Gbia MBORI wẽ: Mi zunga he ya agu arikaaboro du kirikiri pati roni i akpída pa gayo wasiro ni tiyo.
8“Ono oni, Ako abaagangara du Yisaraere yo, oni akúsa aberoni wa be ngua, ki nizuku zuzu roni fu gimi aboro aYisaraere; bambiko i ayéga mbembedi ku kporo no. 9Oni ngére, mi du fu roni, mi asá tire koyo du oni ni, oni ki du ni soposopo roni ni rúrú roni; 10mi ki ngeesi aboro ku ri roni nga ngbatunga aYisaraere dunduko, na baha; abaakporo adú na araki rogo ho, gu ngbi ugure ki du ni duadua ha berewe; 11mi ki ngeesi aboro rogo roni na anya a; i ki ninge ki nizuga; mi ki idi he fu roni oni du na abaraki rogo roni wa gu naadu mbata, mi ki mangi wenepai fu roni susi gu naadu mbata. Si du oni aina ha ya mi nga Yekova. 12Ii, mi aida pa aboro i nita rironi, kina gimi aboro Yisaraere; i ki rogo roni ni gayo, oni ki du ni gayo aboro, ka oni azángasi nga yo berewe na pa vungu ya. 13Ya Gbia MBORI wẽ: Bambiko ya aboro foro, ‘Mo ringara riti aboro, mo ki zangasi gamo arikaaboro tipa vungu,’ 14si du mo arita nga aboro ki zangasi gamo arikaaboro na pa vungu berewe te, wo poi Gbia MBORI; 15ka mi aida nga ha foro mo gi gu wasiro nga ga arikaaboro berewe ya, ka mo akpída nga pa gu ugbarasarimo nga ga aboro ya, ka mo akótosa nga gamo rikaaboro berewe a ya, wo poi Gbia MBORI.”
16Sangba Yekova ki ye kono du mi ni niya: 17“Wiri boro, ni gu rago ngbatunga aYisaraere araka ni kina rogo gayo ringara, i abirikosi he ni gayo asino na gayo mangaapai; gayo sino adu bangire wa gu biriko nga ga de rago gari kaza ade. 18Si du mi auka gi ngariangaria zinga ku ri yo tipa gu kure nga gu i auka ha rogo ringara, tipa gu kpiaahe nga gu i abirikosi he na ni. 19Mi agbandaka yo ku dagba arikaaboro yo, i adu ni gbandakagbandaka yo ku rogo aringara dú; mi asari ngbanga vo kuti gayo sino na gayo mangaapai. 20Ono ho i ada ni koyo du arikaaboro ni, na ku rogo gini rago i andu ku ho ni, yo i agbarasi ziazia rimore ni, rogo gu pai aboro aya tipa yo, ‘Agi yo re nga ga Yekova aboro, ono ko akusi yo rogo gako ringara.’ 21Ono nunga ziazia rimore amangi re nga gu ngbatunga aYisaraere agbarasi he dagba agu arikaaboro i andu koyo du yo ni.
22“Si du mo yá fu ngbatunga aYisaraere, ya Gbia MBORI wẽ: Ako ngbatunga aYisaraere, mi adu nga wa mi nikamanga pai mbiko roni te, ono mbiko ziazia rimore, nga gu gbarasi oni he dagba agu arikaaboro oni andu koyo du yo ni 23Mi ki kpara bakere rimore ni ziazia ha, nga gu nidu ni gbarasigbarasi he dagba arikaaboro, nga gu oni agbarasi he dagba yo yo; arikaaboro aina ha ya mi nga Yekova, wo poi Gbia MBORI, ho mi ka du ni ni kparakpara re ziazia rogo roni yo ku bangiriyo. 24Bambiko mi aróga roni be rikaaboro, ki dungura roni rogo aringara dunduko, ki ye na oni ku rogo kina gaoni ringara berewe. 25Mi amígida gigiri ime ku ri roni, oni ki du gigiri ti gaoni meteka dunduko, mi agírisa roni ti gaoni kpiaahe dú. 26Mi afú vovo ngbaduse fu roni, mi amáa vovo toro ku rogo roni yo; mi ki kusi ngbadu mbia kpotoroni yo ki fu ngbadu boro fu roni. 27Mi ki moi gi toro ku rogo roni yo, ki idi he fu roni oni nipeke fuo gimi arugaapai ki nibanda pa gimi asarangbanga ki nimangi he. 28Oni aráka rogo gu ringara mi afu fu abaroni; oni ki du ni gimi aboro, mi ki du ni gaoni Mbori. 29Mi ki kusi roni du be gaoni pa meteka; mi ki yambu zende he ki zugasi he kpaima, ka mi akéda nga ngbongi sa roni ya. 30Mi azúgasi zuzu angua gbe na zuzu aũati kpaima, ya ka oni akpída nga pa gu zee nga ga ngbongi dagba arikaaboro berewe ya. 31Si du oni atingida pa gaoni gbegberẽapai, na gaoni mangaapai naangba nga ya; oni ki sogo tironi tipa gaoni irairaapai na gaoni kere gbegberẽ mangaapai. 32Oni ini gure, ya a nga si mbiko roni mi amánga ha ti ni te, wo poi Gbia MBORI. Ako ngbatunga aYisaraere, oni dú na zee ki mungosi tironi tipa gaoni apai.
33“Ya Gbia MBORI wẽ: Ni gu rago mi ka girisa roni ti gaoni irairaapai dunduko, mi aida ha fu abaakporo si du na araki rogo ho, gu ngbi ugure ki du ni duadua ha berewe. 34Gu ringara naadu ni bate si adú ni soposopo ho; ka si adú nga ni vurubate kindi bangiri agu yo dunduko nasusa pati he ya. 35I ki ya, ‘Gi ringara re naadu ni bate si sa tihe wa ati Edene; abaakporo naadu ni bate ki du ni kurugbo ho, si du awere na araki rogo ho ki du na ngapa pati he.’ 36Si du agu arikaaboro nanye kirikiri pati roni aina ha ya mi nga Yekova, dudua gu kurugbo aba berewe ki rúku ahe rogo gu naadu ni bate; mi, Yekova, gumba ha, mi amánga ha amanga.
37“Ya Gbia MBORI wẽ: Gere mi aida ha fu ngbatunga aYisaraere i sana re ka manga ha tipa yo: ka ngeesa gayo aboro wa rimbasa anya. 38Wa gu rimbasa anya du tipa amotumo, wa gu rimbasa anya du ku Yerusarema yo ti rago gaha ringbisiringbisi apumbo, wo gu kurugbo abaakporo ka du ni hisihisi he na rimbasa aboro. Si du i aina ha ya mi nga Yekova.”
Currently Selected:
Yezekere 36: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Yezekere 36
36
Pa karaga aYisaraere berewe
1“Mo, wiri boro, mo gúmba pai wa nebi fu abaagangara Yisaraere yo, ki ya, Ako abaagangara du Yisaraere yo, oni gí sangba Yekova 2Ya Gbia MBORI wẽ: Bambiko avuraroni ya tipa roni, ‘Eke!’, na, ‘Gu kuru gbangagbanga aba sa tihe ni gaani,’ 3si du mo gúmba pai wa nebi ki ya, Ya Gbia MBORI wẽ: Bambiko, ii, bambiko i sa roni ni vurubate, ki gbingbida roni rogo pavuru arago dunduko, oni ki du ni aboro fu yangara arikaaboro, aboro ki gumba pa roni ki nifura kuti roni gbegberẽ; 4si du, Ako abaagangara Yisaraere yo, oni gí sangba Gbia MBORI: Ya Gbia MBORI fu agu abaagangara na fu agu agangara, na fu angbungumu na fu angboongboorago na fu abate rogo ngbi ugure na fu abaakporo ngbakungba, nga gu sa tihe ni umozi na ni úmongo fu gu yangara arikaaboro du kirikiri; 5si du ya Gbia MBORI wẽ: Mi nagumba pai rogo gi deringo yo du wa we, kuti gu yangara arikaaboro, na kuti Edome dunduko, nafu gi ringara fu kina tiyo wa gayo ringara na gu ngbarago du kpotoyo yo dunduko na gbegberẽ berã, ya i di he ni gayo ki gbu he. 6Si du mo gúmba pai wa nebi kuti ga aYisaraere ringara, ki ya fu abaagangara na agangara, na fu angbungumu, na fu angboongboorago, Ya Gbia MBORI wẽ: Oni ngére, mi nagumba pai rogo gi ringo na rogo gi ngariangaria zinga, bambiko oni akpidi pa gu wasiro nga ga arikaaboro; 7si du ya Gbia MBORI wẽ: Mi zunga he ya agu arikaaboro du kirikiri pati roni i akpída pa gayo wasiro ni tiyo.
8“Ono oni, Ako abaagangara du Yisaraere yo, oni akúsa aberoni wa be ngua, ki nizuku zuzu roni fu gimi aboro aYisaraere; bambiko i ayéga mbembedi ku kporo no. 9Oni ngére, mi du fu roni, mi asá tire koyo du oni ni, oni ki du ni soposopo roni ni rúrú roni; 10mi ki ngeesi aboro ku ri roni nga ngbatunga aYisaraere dunduko, na baha; abaakporo adú na araki rogo ho, gu ngbi ugure ki du ni duadua ha berewe; 11mi ki ngeesi aboro rogo roni na anya a; i ki ninge ki nizuga; mi ki idi he fu roni oni du na abaraki rogo roni wa gu naadu mbata, mi ki mangi wenepai fu roni susi gu naadu mbata. Si du oni aina ha ya mi nga Yekova. 12Ii, mi aida pa aboro i nita rironi, kina gimi aboro Yisaraere; i ki rogo roni ni gayo, oni ki du ni gayo aboro, ka oni azángasi nga yo berewe na pa vungu ya. 13Ya Gbia MBORI wẽ: Bambiko ya aboro foro, ‘Mo ringara riti aboro, mo ki zangasi gamo arikaaboro tipa vungu,’ 14si du mo arita nga aboro ki zangasi gamo arikaaboro na pa vungu berewe te, wo poi Gbia MBORI; 15ka mi aida nga ha foro mo gi gu wasiro nga ga arikaaboro berewe ya, ka mo akpída nga pa gu ugbarasarimo nga ga aboro ya, ka mo akótosa nga gamo rikaaboro berewe a ya, wo poi Gbia MBORI.”
16Sangba Yekova ki ye kono du mi ni niya: 17“Wiri boro, ni gu rago ngbatunga aYisaraere araka ni kina rogo gayo ringara, i abirikosi he ni gayo asino na gayo mangaapai; gayo sino adu bangire wa gu biriko nga ga de rago gari kaza ade. 18Si du mi auka gi ngariangaria zinga ku ri yo tipa gu kure nga gu i auka ha rogo ringara, tipa gu kpiaahe nga gu i abirikosi he na ni. 19Mi agbandaka yo ku dagba arikaaboro yo, i adu ni gbandakagbandaka yo ku rogo aringara dú; mi asari ngbanga vo kuti gayo sino na gayo mangaapai. 20Ono ho i ada ni koyo du arikaaboro ni, na ku rogo gini rago i andu ku ho ni, yo i agbarasi ziazia rimore ni, rogo gu pai aboro aya tipa yo, ‘Agi yo re nga ga Yekova aboro, ono ko akusi yo rogo gako ringara.’ 21Ono nunga ziazia rimore amangi re nga gu ngbatunga aYisaraere agbarasi he dagba agu arikaaboro i andu koyo du yo ni.
22“Si du mo yá fu ngbatunga aYisaraere, ya Gbia MBORI wẽ: Ako ngbatunga aYisaraere, mi adu nga wa mi nikamanga pai mbiko roni te, ono mbiko ziazia rimore, nga gu gbarasi oni he dagba agu arikaaboro oni andu koyo du yo ni 23Mi ki kpara bakere rimore ni ziazia ha, nga gu nidu ni gbarasigbarasi he dagba arikaaboro, nga gu oni agbarasi he dagba yo yo; arikaaboro aina ha ya mi nga Yekova, wo poi Gbia MBORI, ho mi ka du ni ni kparakpara re ziazia rogo roni yo ku bangiriyo. 24Bambiko mi aróga roni be rikaaboro, ki dungura roni rogo aringara dunduko, ki ye na oni ku rogo kina gaoni ringara berewe. 25Mi amígida gigiri ime ku ri roni, oni ki du gigiri ti gaoni meteka dunduko, mi agírisa roni ti gaoni kpiaahe dú. 26Mi afú vovo ngbaduse fu roni, mi amáa vovo toro ku rogo roni yo; mi ki kusi ngbadu mbia kpotoroni yo ki fu ngbadu boro fu roni. 27Mi ki moi gi toro ku rogo roni yo, ki idi he fu roni oni nipeke fuo gimi arugaapai ki nibanda pa gimi asarangbanga ki nimangi he. 28Oni aráka rogo gu ringara mi afu fu abaroni; oni ki du ni gimi aboro, mi ki du ni gaoni Mbori. 29Mi ki kusi roni du be gaoni pa meteka; mi ki yambu zende he ki zugasi he kpaima, ka mi akéda nga ngbongi sa roni ya. 30Mi azúgasi zuzu angua gbe na zuzu aũati kpaima, ya ka oni akpída nga pa gu zee nga ga ngbongi dagba arikaaboro berewe ya. 31Si du oni atingida pa gaoni gbegberẽapai, na gaoni mangaapai naangba nga ya; oni ki sogo tironi tipa gaoni irairaapai na gaoni kere gbegberẽ mangaapai. 32Oni ini gure, ya a nga si mbiko roni mi amánga ha ti ni te, wo poi Gbia MBORI. Ako ngbatunga aYisaraere, oni dú na zee ki mungosi tironi tipa gaoni apai.
33“Ya Gbia MBORI wẽ: Ni gu rago mi ka girisa roni ti gaoni irairaapai dunduko, mi aida ha fu abaakporo si du na araki rogo ho, gu ngbi ugure ki du ni duadua ha berewe. 34Gu ringara naadu ni bate si adú ni soposopo ho; ka si adú nga ni vurubate kindi bangiri agu yo dunduko nasusa pati he ya. 35I ki ya, ‘Gi ringara re naadu ni bate si sa tihe wa ati Edene; abaakporo naadu ni bate ki du ni kurugbo ho, si du awere na araki rogo ho ki du na ngapa pati he.’ 36Si du agu arikaaboro nanye kirikiri pati roni aina ha ya mi nga Yekova, dudua gu kurugbo aba berewe ki rúku ahe rogo gu naadu ni bate; mi, Yekova, gumba ha, mi amánga ha amanga.
37“Ya Gbia MBORI wẽ: Gere mi aida ha fu ngbatunga aYisaraere i sana re ka manga ha tipa yo: ka ngeesa gayo aboro wa rimbasa anya. 38Wa gu rimbasa anya du tipa amotumo, wa gu rimbasa anya du ku Yerusarema yo ti rago gaha ringbisiringbisi apumbo, wo gu kurugbo abaakporo ka du ni hisihisi he na rimbasa aboro. Si du i aina ha ya mi nga Yekova.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.