Gate 26

Pa Banye

(Gate 36:8-38)

1“Mo ki mbakadi banye a na aroko bawe na tutu ndindii giri nzibi, na gire ni gbaya ha, na gu du ngungungu, na gu du ni zamba ha; na kpia akeruba ti ni ni gu sunge nga ga bangbasiaha. 2Bagiza gu roko re ni ba sa sa adú wa bagiza mbiribe 28, patihe ki du wa bagiza mbiribe biama, i ka ringbisa aroko dunduko wa sa. 31 azúnguda aroko bisue, gu kuti kura ha; i ki zungudi gu kura aroko bisue, gu kuti kura ha a. 4Mo ki mina agire ni gbaya ha ku pavuru gu zungudizungudi aroko sa ti kina pangbaha; mo ki mangi a wo ti pangba gu kura zungudizungudi aroko re. 5Mo amímina agire 50 ku ti gu roko sa, na 50 ti pangba ue he bazungaha yo; minamina ha ki du wa sa kuti gu du ti kura ha. 6Were, mo amánga angora 50 rogo dahabu, ki kpika aroko na ni, gu kuti kura ha, banye ki du sa.

7“Mo ki mangi aroko rogo mange ameme ni bamburoko ku ri banye; mo amánga aroko wo 11. 8Bagiza gu roko re ni ba sa sa adú wa bagiza mbiribe 30, patihe ki du wa bagiza moiribe biama; i ka ringbisa aroko 11 dunduko wa sa. 9Mo ki zungudi aroko bisue ku bani, ki zungudi aroko sita a ku bani, sitaha mo ki mina ha ku barangba bamburoko. 10Mo ki mina agire 50 ti pangba gu roko du pavuru bazungaha sa, na minamina agire 50 a ti pangba gu roko du pavuru gu ue bazungaha.

11“Mo ki mangi angora 50 rogo sirigi, ki moi he rogo minamina agire, ki kpika bamburoko, si dú wa sa. 12Gu bete roko ka nye nga ga bamburoko, nga gu ka susi pavuru rihe, si azórã ku gii ri banye yo, si nga gu bebere roko sa ka nye. 13Gu bete roko nga ga agu aroko nga ga bamburoko si ki zorõ ki susi pavuru banye ku bani na ku bani ka dada pavuruhe, si adú wa bagiza mbiribe sa ku bani, na wa bagiza mbiribe sa ku bani a. 14Mo ki mangi roko tipa dada bamburoko rogo kpoto abaakandoro yo nga gu i azamasi he, ki dadi he na kpoto wa ga agbodi ku ri he.

15“Mo ki mangi agbaraga tipa banye rogo gu ngua du wa mbegure, ki rugu he ku ari. 16Bagiza agbaraga ni ba sa sa adú wa bagiza mbiribe bawe, patihe ki du wa bagiza mbiribe sa na bebere he. 17Ũzungahe ue adú ti agbaraga dunduko ni ba sa sa, si ki zungu gu gbaraga sa kuti kura ha; wo mo ka manga tipa agbaraga banye dunduko. 18Mo ki mangi agbaraga banye 20 tipa gu pavuruhe du ku sudiyo; 19na anduhe 40 rogo feda tii agu agbaraga 20 re, anduhe ue ti gu gbaraga sa tipa gaha uzungahe ue, na anduhe ue tii gu kura ha tipa gaha ũzungahe ue; 20agbaraga 20 tipa gu ue pavuru banye du ku noatyo, 21na andune 40 rogo feda, anduhe ue tii gu gbaraga sa, na anduhe ue tii gu kura gbaraga sa a; 22mo ki mangi agbaraga sita tipa gu gii banye du ku nodiyo. 23Mo ki mangi agbaraga ue tipa atukpu banye ku gii he yo; 24i azúnga ha ni ba ue ti mburuhe yo na ti ri he yo dati bambata benge; wo si ka du tipa ha ue; si adú tipa atukpuhe ue. 25Agbaraga ki du muambi, na anduhe rogo feda 16, anduhe ue tii gu gbaraga sa, na anduhe ue tii gu kura ha.

26“Mo ki mangi angbongbo rogo gu ngua du wa mbegure, bisue tipa agu agbaraga du pavuru banye ku bani, 27bisue tipa agu agbaraga du pavuru banye ku bani a, na angbongbo bisue tipa agu agbaraga du ku gii banye ku nodiyo. 28Gu ngbongbo du bebere he yo si ka susa bebere rago yo tona ti mburuhe yo ki da ti digidaha yo. 29Mo ki dadi agbaraga ni dahabu, ki mangi abenge rogo dahabu tipa ba angbongbo; mo ki dadi angbongbo ni dahabu a. 30Mo ki dua banye wa kina gu kpiaha mi ayugu he foro ri bagangara yo.

31“Mo ki mangi roko kparaba ni gire ni gbaya ha na gu du ngungungu, na gu du ni zamba ha, na tutu ndindii giri nzibi. I amánga ha na kpia akeruba ti ni, nga gu sunge abangbasiaha namanga. 32Mo ki asi he ku ari ti adangbaha biama rogo gu ngua du wa mbegure, ki dadi he ni dahabu. Angorãha ki du ni dahabu. Adangbaha ki du auru anduhe biama nga ga feda. 33Mo ki asi roko kparaba ku ari tii angora, ki ye na sanduki dezirepai ku gii roko kparaba yo; roko kparaba ki kpara ziazia ba fu roni ti gu du ni kparakpara ziazia ha ki susi. 34Mo ki moi bainapai ri sanduki dezirepai rogo gu ba du ni kparakpara ziazia ha susi. 35Mo ki moi mbisa ku gii he no, pati roko kparaba, ki moi baduawe pati mbisa ku pavuru banye gu du ku sudiyo; mo ki moi mbisa ku nodiyo.

36“Mo ki mangi asiasi roko kparaba tipa ngbadimo bamburoko. Mo amánga ha rogo gire ni gbaya ha, na gu du ngungungu, na gu du ni zamba ha, na tutu ndindii giri nzibi, ni gu sunge nga ga bangbasia kendegaahe. 37Mo ki mangi adangbaha bisue rogo gu ngua du wa mbegure tipa asiasi roko kparaba. Mo adáda ha ni dahabu; angorãha adú ni dahabu. Mo ki mangi anduhe bisue rogo sirigi tipa ha.

Currently Selected:

Gate 26: ZB1978

Highlight

Copy