Mikenji ya bena Levi 19

Mudi Mvidi Mukulu musue bua bamukuatshile mudimu

1Maweja-Nangila kuambila Moshe 2bua amanyishe bisamba bia bena Izrayele bionsu ne:

“Nudi ne bua kuikala bantu ba tshijila, bualu meme Maweja-Nangila Mvidi Mukulu#19.2 Tangila 11.44-45; 1 Pet 1.16. wenu ndi wa tshijila.

3“Muntu yonsu wa kunudi anemeke tatuende ne mamuende, kabidi anemeke dituku dia Dikisha.#19.3 Kunemeka tatuebe ne mamuebe: tangila 20.9; Tshim 20.12; 21.17; Diel 5.16; Yez 22.7; Mat 15.4; Ef 6.2. — dituku dia Dikisha: tangila 19.30; 23.3; 26.2; Tshim 20.8-11; Diel 5.12-15; Yez 22.8; Mat 12.1-2. Bualu Meme ndi Maweja-Nangila Mvidi Mukulu wenu.

4“Kanuena mua kutendelela mvidie ya dishima to. Kanuena mua kuengulula biamu bua kufula mpingu,#19.4 mvidie ya dishima: tangila 26.1; Tshim 20.3, 34.14; Mis 81.10; Mat 4.10. — mvidie ya biamu biengulula: Tshim 20.4-5; 32.1-6; 34.17; Diel 27.15; 1 Bak 12.28-30; fuanyikija ne Yesh 44.16-17. kuyitendelela. Bualu Meme ndi Maweja-Nangila Mvidi Mukulu wenu.

5“Panudi nundambula mulambu wa bobumue, nulonde mudi mikenji yawu bua meme kuwanyisha. 6Nudi mua kudia munyinyi wa mulambu awu, dituku dinudi nulambula, ne didi dilonda. Kadi padiwu mushale too ne ku dituku disatu, nuwoshe mu kapia. 7Pikala muntu muudie kabidi dituku disatu, tshiena mua kumuambuluisha to. Bualu munyinyi mmumane kunyanguka, kabayi mua kukuata kabidi nawu mudimu wa tshijila to. 8Muntu udi muudie mmuena tshibawu, bualu mmunyange mulambu wanyi wa tshijila. Nebamuipate munkatshi mua bena Izrayele.

9“Panudi nunowa biakudia, kanuena mua kukosa too ne miepu idi kumpenga kua budimi to. Kabidi kanuena mua kupingana mu budimi bua kupumbulula binuvua bapue muoyi to. 10Kanuena mua kupingana mu madimi enu bua kupumbulula tumuma tua mvinyo tunuvua bapue muoyi, nansha tuvua tumata panshi. Nubilekele bapela ne benyi. Bualu Meme ndi Maweja-Nangila Mvidi Mukulu wenu.#19.10 Tun. 9-10: tangila 23.22; Diel 24.1-22.

11“Kanuibi. Nulekele dishima ne kudingila bena kuenu malu,#19.11 Kanuibi: tangila Tshim 20.15 ne diumvuija; Diel 5.19. — dishima: tangila 5.21-22. bua kubakengesha. 12Kanutshipi mutshipu wa dishima, nutela#19.12 Tangila 5.24; Tshim 20.7,16; Yirm 5.2; Mat 5.33; MM 6.13. dina dianyi, to. Bualu nudi mua kupetula dina dianyi meme, Maweja-Nangila Mvidi Mukulu wenu.

13“Kanukengeshi mukuenu. Kanuibi tshintu tshiende. Difutu dia muena mudimu#19.13 Tangila 5.21-23; Tshim 22.20; Diel 24.14-15; Yez 22.12. webe dikale anu pa diba diadi, kuyi ulala nadi dituku nansha dimue. 14Kanupendi muena mapapa. Kanuteki tshintu kumpala kua mpofu,#19.14 Tangila Diel 27.18; Yob 29.15. bua adishinde panshi. Mu bionsu binudi nuenza, nuleje munudi nuntshina. Bualu Meme ndi Maweja-Nangila Mvidi Mukulu wenu.

15“Kanulumbuluishi ne kansungansunga. Kanubingishi mupela nansha muena biuma, padiye mupile. Kadi nukose nsambu ya bana benu anu pa yoyi.#19.15 Tangila Tshim 23.3, 6-8; Diel 1.17; 16.19. 16Kanujanyi bena diku dienu to. Kanufundi mukuenu ku tshilumbu tshidibu mua kumufundila tshibawu tshia lufu to. Bualu Meme ndi Maweja-Nangila.

17“Kanulaminyi muanenu lukuna. Kanutshinyi#19.17 Tangila Mat 18.15. mua kubela muntu patoke bua tshilema tshiende, bua kanuikadi bonsu bena tshibawu. 18Kanudisombuedi ne bana benu, kanujilanganyi nabu. Muntu yonsu wa kunudi anange muanabu, bu mudiye mudinange.#19.18 Tangila 19.34; Mat 5.43; 19.19; 22.39; Mar 12.31; Luk 10.27; Rom 13.9; Ngal 5.14; Yak 2.8. Bualu Meme ndi Maweja-Nangila.

19“Nulame kabidi mikenji eyi: Kanuteki mu bimuna bienu nyama ya mishindu ibidi mishilangane bua kulelanganayi. Kanumiaminyi mu madimi enu maminu a mishindu ibidi mishilangane. Kanuvuadi bilamba bitela ne manda a mishindu ibidi mishilangane.#19.19 Tangila Diel 22.9-11.

20“Padibu babuelelela mukaji mupika, udibu bamane kubangila, kadi kabayi banji kumupikula nansha kumulekela, mu nzubu kudi muntu mukuabu, muntu awu udi ne bua kufuta tshibawu.#19.20 udi ne bua kufuta tshibawu: mu mikanda mikuabu mbafunde ne: nebamulumbuluishe, nansha ne: udi ne bua kupeta dinyoka. Nanku kabena ne bua kushipa mulume nansha mukaji to, bualu mukaji utshivua mupika. 21Muntu awu neimanyikile mukoku wa tshimpanga mu mushiku wa ntenta wa kusambakena, bua kuulambula bu mulambu wa dinua tshibalu. 22Mutuangaji neakobolole muena tshibawu awu kumpala kuanyi, bua meme kumufuila luse, kumujimijila bubi buende.

23“Musangu unuikala bamane kufika mu ditunga dia Kenaane, nuenu bamane kukuna mitshi ya bimuma ya mishindu yonsu, nenutangile bimuma bu bintu bidi ne mikiya. Kanuena mua kubidia to, anu papita bidimu imukuata to, bisatu. 24Nenku, bimuma bionsu biakuamayi tshidimu tshinayi, nubindambule mu tshibilu tshia dintumbisha. 25Kadi biangatshile mu tshidimu tshitanu, nudi mua kutuadija kudia bimuma. Nuenu benze nanku, biakudia bienu nebivulangane. Bualu meme ndi Maweja-Nangila Mvidi Mukulu wenu.

26“Kanudidi munyinyi wa nyama pa muaba muine unuvua bamushipe, bamupatuile mashi to. Kanuenji majimbu, kanubuki to.#19.26 pa muaba unuvua bamushipe, bamupatuile mashi: badi batela didia divua dienda pamue ne malu a majimbu. Ke bivua bibengangana ne ditaba dia bena Izrayele (fuanyikija ne 1 Sam 14.32-33). Mu mikanda mikuabu mbafunde ne: uvuabu kabayi bapatula mashi (fuanyikija ne Tshib 9.4; Lev 17.10-11). — majimbu, lubuku: tangila Diel 18.10-11; 2 Bak 17.17; 21.6; 2 Kul 33.6. 27Kanubeyi nsuki yenu biketu, kanukungudi muedi wenu ku nseke to. 28Panudi mu madilu, kanuditapi mputa pambidi.#19.28 Tangila 21.5; Diel 14.1; Yirm 41.5. Kanuditapi nsalu pambidi to. Bualu meme Ndi Maweja-Nangila.

29“Kanufuishi nsongakaji yenu bundu, panudi nubasaka ku dienda buendenda mu nzubu ya ditendelela mvidie.#19.29 Tangila Diel 23.18; Yirm 2.20 ne diumvuija. Buenzayi bua nanku kabutampakanyi ditunga dijima nansha. 30Nuikishe dituku dia Dikisha, nunemeke muaba wanyi wa tshijila.#19.30 Tangila 19.3 ne diumvuija. Bualu meme ndi Maweja-Nangila.

31“Kanubuelakanyi ne bantu badi babuka bua kumvua tshidi bakishi bamba.#19.31 Tangila 20.6,27; Diel 18.10-11; 1 Sam 28.3; 2 Bak 23.24; Yesh 8.19. Nuenu benze nanku, nenupie mikiya. Bualu meme ndi Maweja-Nangila Mvidi Mukulu wenu. 32“Panudi numona muntu mukulumpe, nujuke kulu ne kanemu. Nuleje munudi nunnemeka. Bualu meme ndi Maweja-Nangila Mvidi Mukulu wenu.

33“Kanukengeshi muntu muenyi udi muase mu ditunga dienu. 34Kadi, nusombe nende bu muena ditunga. Numunange, munudi nudinanga. Nuvuluke ne: nuvua benyi mu ditunga dia Ejipitu.#19.34 Tun. 33-34: tangila Tshim 22.20; Diel 24.17-18; 27.19. Meme ndi Maweja-Nangila Mvidi Mukulu wenu.

35“Kanuteki tshipimu tshia dishima mu bipimu bia bule, bia bujitu ne bia buwudi. 36Kadi nuikale ne bipimu bia bushuwa bua buwudi, bujitu ne bule.#19.36 Tun. 35-36: tangila Diel 25.13-16; Nsum 11.1; 20.10; Yez 45.10-12; Am 8.5; Mi 6.11. Meme ndi Maweja-Nangila Mvidi Mukulu wenu, uvua munupatule mu Ejipitu.

37“Nulame meyi anyi ne mikenji yanyi bimpe. Bualu meme ndi Maweja-Nangila.”

Currently Selected:

Mikenji ya bena Levi 19: TSH96

Highlight

Copy

Compare