Zefania 3

Dubo man War mi Yerusalem

1Can i wie m’ejai man m’ecido! ni adhura ma lem pare ie tek! 2Eworo dwal ungo; ejolo ponji de ngo; egeno Yehova ngo: ecoro ceng’ni Mungu pare ngo. 3Judongomawijo pare ma ni ie gin umvor m’urundo; jupoklembe pare gin urudi mir uthieno; giweko gin moko ngo mir urwone. 4Jubila pare kitgi mbe man gi weg ambili; julam pare gicido kamaleng’, gigondo cik. 5Yehova i diere en e pwe; ebitimo dubo ngo; ekelo lembapoka pare kamaleng’ ku ba rupiny ku ba rupiny, erem ungo; ento ju ma pwe ngo ging’eyo lewic ungo. 6Athumo thek woko; gang’kidi migi m’utingre judwoko ni uvuru; judwoko gengi migi ni susu, ketho nia ng’atu moko mbe ma kadhu; adhura migi junyotho, ketho nia ng’atu moko mbe ma nuti, ketho nia ng’atu moko mbe ma bedo i ie. 7Awacu kumae, Ndhu ilwora; ijol ponji; ka kumeno kabedo pare bikabre woko ngo, calku gin ceke m’ang’olo pire: ento giai pir man ginyotho tic migi ceke.

8Ka kumeno wukura, Yehova wacu, cil i ceng’ m’abiai malu i ie ni amaci; kum aketho cwinya kum coko thek karacelo, kara acok ker karacelo, kara akonj ng’ecwiny para i wigi, cil ng’ecwiny para ceke ma lake tek; kum ng’om ceke biwang’ ku mac mi ngiri para.

9Kum i nindo maeca abiloko dhok ma leng’ ni kodhidhanu, kara gin ceke gilwong’ nying’ Yehova, kara gitim ire ku cwinygi acel. 10Ugambre loka kulo ma dit mir Ethiopia jurwo para, en e nya jupara ma julalu, gibikelo lam para. 11I ceng’ maeca jubiketho lewic i wii ngo kum tic peri ceke m’idubo ie ira; kum i nindo maeca abikabu dhanu peri m’uyungre kud i kindi, man ibibedo jakuhaya kendo ngo i got para ma leng’. 12Ento abiweko i kindi dhanu ma jucan ma jusendogi, man gibinwang’u gwok i nying’ Yehova. 13#Nyu 14:5Dong Israel bidubo ngo, kadi ndra de gibiyero ngo; kadok leb mir abombi de binwangre i dhoggi ngo; kum gibicamu man gibivuto piny, man ng’atu moko mbe ma binyayu lworo i igi.

14Wer, E nya Sayuni; kok, E Israel; anyong’a negi man ifoi kud adunde ceke, E nya Yerusalem. 15Yehova kabu pokolembe peri woko, ebayu jadegini woko: ubimo mir Israel, en e Yehova, eni i kindi; lworo binegi kendo ngo kum lem ma rac. 16I ceng’ maeca jubiwacu pi Yerusalem kumae, Lworo kud unegi; E Sayuni, cingi kud ukonjre. 17Yehova Mungu peri ni i kindi, ng’atu ma tek ma bibodho; anyong’a binege i kumi ku mutoro; ebiyom i mer pare; anyong’a binege i kumi ku wer. 18Abicoko ju ma can unegogi pi cokri mi rwo, ma naka gini i beng’i; ma lembaewa ma ni i wie en e cac. 19Nen, i nindo maeca abitimo i kum dhanu ceke m’usendi; man abibodho gin ma won abala, man abicoko gin ma juriemo woko; man abiketho gibedo ku pak man nying’ ma naka lewic migi ni i ng’om yu. 20I nindo maeca abiroyowu, man i nindo maeca abicokowu; kum abiketho wubedo ku nying’ man pak kind kodhidhanu ceke m’i ng’om kinde m’abidwoko ng’eca mu i weng’wu, Yehova wacu.

Currently Selected:

Zefania 3: AB1970

Highlight

Copy

Compare