Zefania 2

Can M’uwok wi Thek M’utiekogi

1Wucokru karacelo, eyo, wucokru karacelo, E thek ma lewic umbe kude; 2ma fodi cik kupong’ ungo, ma fodi ceng’ kukadhu calu cung’ ungo, ma fodi ng’ecwiny ma lake tek pa Yehova kuwok ungo i wiwu, ma fodi ceng’ mi ng’ecwiny pa Yehova kuwok ungo i wiwu. 3Wuyeny Yehova, wu ju ma mol ceke mi ng’om, ma wutimo lembapoka pare; wuyeny bedopwe, wuyeny molcwiny: kuno nyo jubipanuwu i ceng’ mi ng’ecwiny pa Yehova.

4 # Isa 14:29-31; Yer 47:1-7; Eze 25:15-17; Yoe 3:4-8; Amo 1:6-8; Zek 9:5-7 Kum Gaza jubiweko, man Ackelon bibedo ni uvuru; gibiriemo Acdod ku dieceng’, man jubimugo Ekron. 5Can wi ju m’ubedo dhu nam, thek mi Jukerethi! lembe pa Yehova ni i wiwu, E Kanan, ng’om mi Jufilisti; abinyothi, kara jabedo moko bed umbe. 6Man dhu nam bibedo ni kakwae, ku udi mi jukwac man dwol mir udul rombe. 7Man dhu wath bibedo ni dong’ dhanu mi ot pa Yuda; gibikwayu udul rombe migi keca; gibivuto uthieno i udi mi Ackelon; kum Yehova Mungu migi biliewogi, man ebidwoko ng’eca migi. 8#Isa 15:1-16:14; 25:10-12; Yer 48:1-47; Eze 25:8-11; Amo 1:13-15; Yer 49:1-6; Eze 21:28-32; 25:1-7; Amo 1:13-15Awinjo cac mi Moab, man ng’iero mi nyithindho mir Amon, ma gicayu ko dhanu para, ma giyungri ko gigi kum kieu migi.

9 # Tha 19:24 Ka kumeno calu abedo kwo, Yehova mir udul uwacu, Mungu mir Israel, Andha Moab bibedo calu Sodom, man nyithindho mir Amon calu Gomora, piny mir ayilayila, man longro mi kadu, man uvuru ma nja: dong’ dhanu para ma bidong’ gibidwokogi ni amaci, man dong’ thek para bicamu pacu i wigi. 10Gibibedo ku maeni ni kuhaya migi, kum gicayu man giyungri gigi kum dhanu pa Yehova mir udul, 11Yehova bibedo ni ng’oyondiri igi; kum ebimogo mungu ceke m’i ng’om; man dhanu birwo ire, ku ba dhanu ku ba dhanu ng’atuman i kakare, cil dhu wath ceke mi thek.

12 # Isa 18:1-7 Wu Juethiopia bende, jubinegowu ku palamularu para. 13#Isa 10:5-34; 14:24-27; Nah 1:1-3:19Man ebirieyo cinge kum yor ariwa ma malu, man ebinyotho Ascur, ebidwoko Nineve de ni uvuru, m’etal de calu langa.

14Man udul lim bivuto i dierene, yedi ceke mi thek: alungu ku ceu gibigonjo i wie; dwandgi biwer i wang’ot; uvuru bibedo nuti dhugola: kum eyabu tic mi musonge. 15Maeni adhura mi mutoro ma paru lembe moko ngo, m’uwacu i adundene kumae, Anuti, man ng’atu moko mange mbe an a kenda: aka thwo dwok ma judwoke ko ni uvuru mire ma, kabedo mi yedi ma givuto i ie! ku ba dhanu ceke m’ukadhu kud i vute biewie, man ebiyengo cinge.

Currently Selected:

Zefania 2: AB1970

Highlight

Copy

Compare