Lembrieko 3
3
Juk mi Woro
1Woda, wii kud uwil kum cik para;
Ento wek adundeni wor lembang’ola para:
2Kum gibimedo iri nindo m’ung’adu,
Man rundi mi kwo, ku kwiocwiny.
3Bedober ku lemandha kud uweki:
Dhokgi i ng’uti;
Kieugi wi ban mir adundeni:
4 #
Lk 2:52
Kum kumeno ibinwang’u bero man ng’eyothelembe ma ber
I wang’ Mungu ku dhanu.
5Gen Yehova kud adundeni ceke,
Man kud ijengri kum ng’eyothelembe peri giri:
6Ng’eye i yo peri ceke,
Man ebinyutho yo peri.
7 #
Rum 12:16
Kud ibed riek i weng’i giri;
Lwor Yehova, man iai i lembe ma rac:
8Ebibedo kwo ni ii,
Man mio ni cogoni.
9Yung Yehova ku piny peri,
Man kum mwoka mi nyai peri ceke;
10Kum kumeno dero peri bip ong’ ku piny dupa,
Man pany peri bithakni ku pigulok ma nyen.
11 #
Yob 5:17
#
Ebr 12:5, 6 Woda, kud icai ponji mir ukede pa Yehova;
Kadi kud iol ku juk pare:
12 #
Nyu 3:19
Kum ng’atu ma Yehova maru ejuke,
Calu won nyathin juko wode m’emaru.
13Ng’atu m’unwang’u rieko en e jamutoro,
Man ng’atu m’unwang’u ng’eyothelembe.
14Kum kuloka pare ber ma sagu kuloka mi mola ma tar,
Man kulokane sagu mola ma kwar ma leng’.
15Pire tek ma sagu kidi mi ruko ma kwar:
Man gin moko mbe m’iyenyo ma copo pore kude.
16Nindo m’ung’adu ni yo ku cinge ma yor acwic;
Lonyo ku yung ni yo ku cinge ma yor acam.
17Yo pare yo mi bero,
Man yo pare ceke kwiocwiny.
18En e yen mi kwo ni ju m’umaku kume:
Ku ba dhanu ceke m’ucere i bang’e en e jamutoro.
19Yehova timo ng’om ni kum rieko;
Eketho polo cungo ni kum ng’eyothelembe.
20Ku ng’eyong’ec pare pi ma thuth ung’eny,
Man polo vong’o thoi.
21Woda, kud iyi giai kud i weng’i;
Gwok rieko ma cu ku riu:
22Kum kumeno gibibedo kwo ni ng’eyong’ec peri,
Man bero ni ng’uti.
23Ibilund wotho i yo peri museme,
Man tiendi bikier ungo.
24Kinde m’ivuto piny, lworo binegi ngo:
Eyo, ibivuto piny, man nindo peri bibedo mit.
25Kud ilwor lworo ma vur vur,
Kadok nyoth mi judubo, kinde m’ebino:
26Kum Yehova bibedo genogen peri,
Man ebigwoko tiendi kara ku jumake.
27Kud icer bero ni ju m’emakugi,
Kinde m’eni i tego mi cingi m’itime ko.
28Kud iwac ni jadhugcla peri kumae,
Cidhi, man ibin kendo,
Man urwo abimio;
Kinde m’enuti kudi.
29Kud ipor lembe ma rac kum jadhugola peri,
Kum ebedo museme i vuti.
30Kud ibed ku lembe ku ng’atu moko ma there mbe,
Tek etimi rac ungo.
31Kumira kud unegi kum jarop,
Man kud ifoi yo pare moko.
32Kum ng’atu ma kit lembe pare mbe en e ginmajudagu i wang’ Yehova;
Ento lembapora pare ni ku ju m’atira.
33Kwong’ pa Yehova ni i ot pa jadubo;
Ento emio mugisa kum kabedo mi ju ma pwe.
34 #
Yak 4:6; 1 Pet 5:5 Andha ecayu jucac;
Ento emio bero ni ju ma mol.
35Jurieko binwang’u dwong’ ni aba;
Ento dodri mi jukusegu bibedo ni lewic.
The Holy Bible In Alur (Lur), Revised Orthography © United Bible Societies, 1970.