Nahum 1

Kwinyo mi Culokwor pa Yehova

1 # Isa 10:5-34; 14:24-27; Zef 2:13-15 Ewolembe ma pi Nineve. Kitabu mi ginmawokiwang’ pa Nahum ma Jaelkoci.

2Yehova en e Mungu ma jangiri man eculo kwor; Yehova culo kwor man epong’ ku kwinyo; Yehova culo kwor wi jukwoje, man ekanu kwinyo ni judegine. 3Yehova bedo yo ni ng’ecwiny, man dwong’ i tego, man ebiweko judubo ki ngo: Yehova bedo ku yo pare i vira man i wavuvu, man afuru gin utur mi tiende. 4Ejuko nam, man edwone, man edwono kulo ma dongo ceke: Bacan ubedo ng’ic, ku Karmel de; man thiuboko mi Lebanon ubedo ng’ic. 5Gudi yengre i wang’e, man ungulu gudi loi; man ng’om tingre malu i wang’e, eyo, ng’om ngung’, ku gin ceke m’ubedo i ie. 6Ng’a ma copo cungo nyim ng’ecwiny pare? ng’a ma copo bedo i lak ng’ecwiny pare? kwinyo pare konjre woko pami mac, man cana ng’eny kude. 7Yehova en e ber, en e ka ma tek i ceng’ mi can; man eng’eyo ju m’upondo i ie. 8Ento ebijigo kakare ndhu ku pi m’ucore i wie, man ebilubo tok jukwoje cil i mudho. 9Wuporo lembe ang’o kum Yehova? ebijigo ndhu; masendi bitingre wang’ arionde ngo. 10Kum ka gimoko calu ukudho, gimer de calu ku giramadha migi, giwang’ pet calu soka m’uthwo. 11Ng’atu acel uai woko kud ii m’upido lem ma rac kum Yehova, m’uporo lembe mi dubo. 12Yehova wacu kumae: Kadok gibedo ku tego ma dho, man dupa de, e kumeno gibithumbri piny, e ebikadhu woko. Kadok naka asendi, abisendi kendo ngo. 13Man kawono abituro mberembere pare kud i beng’i, man abituro kol peri woko.

14Man Yehova mio lembang’ola piri, kara ku jucoi mi nyingi kendo: abithumo ayi gin m’acwia m’ang’ika man ayi gin m’acwia m’atwaga kud i ot pa mungu peri; abitimo liel peri; kum i ng’ic hai.

Rwonglembe pi Podho mi Nineve

15 # Isa 52:7 Nen, wi gudi tiend ng’atu m’ukelo rwonglembe ma ber, m’urweyo pi kwiocwiny! Kwir agba peri. E Yuda tim lembang’ola peri; kum jadubo bikadhu kud i ii kendo ngo; ethumbre woko kot.

Currently Selected:

Nahum 1: AB1970

Highlight

Copy

Compare