Matayo 3
3
Yohana ma Jabaputisi Uponjo
(Mk 1:1-8; Lk 3:1-9; 3:15-17; Yoh 1:19-28)
1Man ceng’ maeno Yohana ma Jabaputisi bino, ku yero i yamba mi Yahudi, ewacu kumae, 2#Mt 4:17; Mk 1:15Wulok cwinywu; kum ker mi polo ni ceng’ni. 3#Isa 40:3Kum maeni en e ng’atu ma Isaya ma jabila yero pire ewacu kumae,
Dwand ng’atu acel m’ukok akoka i yamba,
Wuyik yo pa Rwoth,
Wudwok yo pare atira.
4 #
2 Ub 1:8
Nwang’u Yohanane bedo ku kendi pare mi yuk ngamia, ku del mir adila i piere; cemo pare de en e bonyo ku kic m’i thim. 5E dhanu mi Yerusalem, ku mi Yahudi ngung’, ku mi ng’om ceke ma ng’et Yordan gilund gicidho i bang’e; 6gimaku baputisi de i bang’e i kulo Yordan, ma gituco ko lemdubo migi de. 7#Mt 12:34; 23:33Ento kan eneno dupa mi Jufarisayo ku Jusadukayo de gibebino ba baputisi pare, ewacu igi kumae, Wu nyikwai thwol, ng’a m’upoyowu nipiei ni kwinyo ma bibino? 8Ka kumeno wuceg nyingwu m’uromo ku lokocwiny: 9#Yoh 8:33man iwu kud upid nia wuwac i iwu giwu kumae, Wabedo kud Ibrahim ni wegwa: kum awacu iwu, nia Mungu copo ting’o nyithindho ni Ibrahim ku kidi maeni. 10#Mt 7:19Meni cil kawono lei uvuto ther ulag yen: ka kumeno ku ba yen ceke m’ucego nyinge ma ber ungo jung’ole piny, jubole de i mac. 11Amio iwu baputisi i pi mi lokocwiny: ento ng’atu m’ulubo ng’eya ebedo ku tego ma sagu an, ma wara pare aromo ngo ya ayei: ebimio baputisi iwu i Tipo Maleng’ i mac bende: 12udheru pare ni i cinge, man ebililo laru pare mii; man ebicoko nganu pare i dero, ento ebiwang’u cunge ku mac ma negre ngo.
Yesu Maku Baputisi
(Mk 1:9-11; Lk 3:21-22)
13Yesu lund uai Galilaya ebino Yordan ba Yohana, nimaku baputisi i bang’e. 14Ento Yohana yenyo ecere, ewacu kumae, An e ma can baputisi m’amak i beng’i nega, e idong’ ibino i bang’a? 15Ento Yesu loko lembe ewacu ire kumae, Yi maeni kawono: kum emaku piny iwa kumeno ya waketh bedopwe ceke timbre kakare. E elund eyie. 16Yesu de, kan emaku baputisi, eai malu tho kud i pi: nen, polo yabre ire, man eneno Tipo Mungu beloro calu akuru, ebino de i wie; 17#Tha 22:2; Zab 2:7; Isa 42:1; Mt 12:18; 17:5; Mk 1:11; Lk 9:35man nen, dwal uai i polo, uwacu kumae, Meni Woda ma jamerna, ma mutoro nega i kume.
Currently Selected:
Matayo 3: AB1970
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.